Ավտոբուսը մխրճվել է ամբոխի մեջ․ 34 զոհ կա / տեսանյութ
ԱշխարհՀայիթիի Արտիբոնիտ նահանգի Հոնաիվ քաղաքում ավտոբուսը մխրճվել է ամբոխի մեջ, ինչի հետևանքով զոհվել է 34 մարդ:
Նահանգի քաղաքացիական պաշտպանության հարցերով համակարգող Ժոզեֆ Ֆոսթենը հայտնել է, որ միջադեպը տեղի է ունեցել կիրակի: Ուղևորատար ավտոբուսը նախ վրաերթի է ենթարկել կանգառում կանգնած 2 մարդու` սպանելով նրանցից մեկին, այնուհետև մխրճվել է փողոցային երաժիշտների խմբի մեջ:
Միջադեպից անմիջապես հետո տեղի բնակիչները հարձակվել են ավտոբուսի վրա` փորձելով այրել այն: «Այդ պահին փողոցներում գտնվող ականատեսները փորձել են այրել ավտոբուսը` ուղևորների հետ միասին»,- ասել է պաշտոնյան:
Վարորդը դեպքի վայրից փախուստի է դիմել ու այժմ որոնման մեջ է գտնվում:
Վիրավորներին տեղափոխել են հիվանդանոցներ, իսկ ոստիկանությունը փորձել է զսպել կատաղած ամբոխին:
1
2
3
4
5
1
2
4
5
1
2
3
4
5
