Այդ օրերին Ղարաբաղում տեղի էր ունեցել մի շատ կարեւոր հավաք՝ բարձրաստիճան զինվորականների մասնակցությամբ
Քաղաքականություն
«Երբ ասացի, որ հողերի հանձման պրոցեսը սկսվել է, նկատի ունեի այն քարոզչական նախապատրաստական աշխատանքը, որով հիմնավորում էին հողերի հանձնումը»,- այս մասին Armtimes.com-ի հետ զրույցում ասել է «Մոդուս վիվենդի» կենտրոնի հիմնադիր, քաղաքագետ Արա Պապյանը:
Պապյանը «Շուշիի» հռչակագրի նախաձեռնողներից է, որին միացած անձինք հայտարարում են, որ դեմ են ազատագրված տարածքների հանձմանը: Երեւանում մեկնարկած կլոր սեղանի ժամանակ էլ Պապյանը հայտարարեց, որ հողերի հանձման գործընթացը սկսվել է:
«Այդ օրերին Ղարաբաղում տեղի էր ունեցել մի շատ կարեւոր հավաք՝ բարձրաստիճան զինվորականների մասնակցությամբ, որտեղ հետաքրքիր բաներ են խոսվել, չեմ կարող շատ մանրամասներ հաղորդել, բայց մամուլում որոշ հրապարակումներ եղել են»,- ասաց Պապյանը:
Ըստ Պապյանի՝ գոյություն ունի դիվանագիտական սկզբունք, ըստ որի, եթե իրարից տարբեր աղբյուրներ հաստատում են, կարելի է այն համարել հավաստի:
Քաղաքագետը հիշեցրեց, որ ԼՂՀ նախագահն իր հարցազրույցում հստակ ասել է, որ փոխզիջումներն ընդունելի են, «իսկ փոխզիջում նշանակում է տարածքի հանձնում ինչ-որ կարգավիճակի դիմաց»:
Մեր հարցին՝ որտեղի՞ց նման հիմնավորում, որ փոխզիջումը ենթադրում է հողերի հանձնում, Պապյանը վկայակոչեց Կազանի փաստաթուղթը.
«Ունենք պաշտոնական հավաստիացում, որ ծրագրվում է տարածքները հանձնել»:
Մեր դիտարկմանը, որ Արցախ այցելած թե՛ պատգամավորները, թե՛ տարբեր ոլորտների ներկայացուցիչները հայտարարում են, որ դիրքերում հսկայական աշխատանք է կատարվում, արդյոք դա չի՞ հուշում, որ հողերի հանձման գործընթաց չկա, Պապյանը նկատեց.
«Ի՞նչ հսկայական աշխատանք, մի քանի փոս փորելը հսկայական աշխատա՞նք է, այն խիստ հարաբերական է»,- ասաց քաղաքագետը:
1
2
3
4
5
1
2
3
5
2
3
4
5
