Ականատեսը նոր մանրամասներ է պատմում Ջրառատի զինված միջադեպից
Հասարակություն
Արմավիրի մարզի Ջրառատ գյուղում այսօր տեղի ունեցած զինված միջադեպից հետո «Էրեբունի» ԲԿ-ում է նաև «Օհանյան-Րաֆֆի-Օսկանյան» դաշինքի անդամ, ԱԺ պատգամավոր Ստեփան Մարգարյանը: ՕՐՕ-ի համակիրները հիվանդանոց էին տեղափոխվել տարբեր վնասվածքներով:
Ստեփան Մարգարյանը նշեց, որ իրենց տեղեկություններով՝ միջադեպից առաջ փորձել են «նեղել» դպրոցական՝ 16 տարեկան տղային, ում թևը «լոմով» վնասել են և վիրահատության կարիք ունի:
«Զանգել է բարեկամներին, ասել, որ ճնշում կա, բարեկամները եկել են, և գյուղապետարանից դուրս է եկել մի ամբողջ բանդա՝ զինված լոմերով, ավտոմատով և դանակներով»,-ասաց Մարգարյանը:
Ըստ նրա, տեղի ունեցածը ոչ այլ ինչ է, քան «նախընտրական բանդիտիզմ»:
«Փորձ է արվում սարսափի մթնոլորտ տարածել: Իմ համար հարց է առաջանում՝ ինչո՞ւ է այս բոլոր դեպքերի մեջ ՀՀԿ-ի մատը խառնված: Անցած անգամ, պարզվում է, բացի ատրճանակից ավտոմատի կրակոց էլ է եղել, եթե դրանից հետևություն չեն արել, հետևանքը այսօր է: Տեղեկությունը, թե իբր ինչ-որ մեկը օդում կրակել է և փրկել իրավիճակը նախորդ անգամ, պարզվում է, որ այդպես չէ, դա եղել է դիտավորյալ և վախեցնելու նպատակով»,-ասաց նա:
ՕՐՕ դաշինքի անդամ, պատգամավոր Էլինար Վարդանյանը նշեց, որ ըստ գյուղացիների՝ հիմա էլ միջադեպին գյուղապետն է մասնակից եղել:
«Սա ամենաթողության հետևանք է, երբ հասկանում են, որ իրենց ամեն ինչ կարելի է»,-ասաց նա:
1
2
3
4
5
1
3
4
5
1
3
4
