Երազում ընկնու՞մ եք։ Ահա բացատրությունը

BlogNews-ը գրում է․

Բոլորիս մոտ էլ կյանքի որևէ պահին եղել է այնպիսի զգացողություն, կարծես թե մենք ընկնելիս լինենք, սակայն իրականում մենք պառկած են մեր մահճակալին և պատրաստվում ենք քնել։ Այս հարցը հետաքրքրում է շատ մարդկանց։ Ահա ֆենոմենի գիտական բացատրությունը։ 
Մարդկանց մեծամասնության մոտ այս երևույթը տեղի է ունենում հանկարծակի և ստիպում է արթնանալ։ Իհարկե, հնարավոր է լսած լինեք վարկածներ, թե իբր այդ պահին ձեր հոգին է դուրս գալիս ձեր մարմնից և այլն, սակայն այդ ամենը միանշանակ անհեթեթություն է։
Քնի ընթացքում մենք անցնում են 4 հաջորդական փուլերով, որոնցից էլ կազմված է քնի գործընթացը։ Անկման զգացումը տեղի է ունենում, երբ մենք անցնում ենք քնի առաջին փուլով։ Այս ֆենոմենն ունի 2 հավասար հավանական վարկած.

առաջին վարկածով, երբ մենք քնում ենք, մեր մկանները հանգստանում են և թուլանում, և արդյունքում մեր ուղեղը փաստերի սխալ համադրություն է անում և ստիպում մկաններին ձգվել, որպեսզի անկումը խափանվի։ Ըստ այս վարկածի, վերոնշյալ ռեֆլեքսը մեզ մոտ պահպանվել է դեռ նախնադարից՝ երբ մենք ծառերի վրա ենք քնել, և օգնել է մեզ անվաս անցկացնել գիշերները։ 

երկրորդ վարկածի համաձայն, մկանների թուլանալու ժամանակ դանդաղում է նաև սրտի աշխատանքը։ Այդ ժամանակ ուղեղը էլեկտրական իմպուլսներ է ուղարկում մարմնին՝ փորձելով վերագործարկել թվացյալ կանգ առնող սիրտը։ Հենց այս պահին է, որ մենք անկման զգացողություն ենք ունենում և արագ արթնանում ենք։

Իհարկե, թե այս վարկածներից որն է ճշմարիտը, դեռ պարզ չէ, սակայն մի բան հաստատ է՝ անկման զգացողության ժամանակ մեզ հետ ոչ մի գերբնական երևույթ տեղի չի ունենում։