«Ադրբեջանը կարող է լրջորեն քննարկել ԵԽ–ից դուրս գալու հարցը»․ Ալիևը պայման է դրել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Եվրախորհրդի խորհրդարանական վեհաժողովը որոշում է կայացրել ադրբեջանական պատվիրակությանը զրկել ձայնի իրավունքից։ Ցավոք, այս որոշումը կայացվել է Գերմանիայի խորհրդարանի պատգամավորի նախաձեռնությամբ և այդ անձը կանցլեր Շոլցի գլխավորած կուսակցության անդամ է։ Սա երկակի ստանդարտներ կամ խաղ չէ՞ մեզ հետ։ Գերմանիայի կանցլերը դրսևորում է անաչառություն, և նրա հայտարարություններն ու գործողություններն արտացոլում են դա։ Իսկ իր ղեկավարած կուսակցության անդամը ցանկանում է հեռացնել Ադրբեջանին, որը ԵԽԽՎ-ում երկու ոչ քրիստոնեական երկրներից մեկն է, և դա անում է ցուցադրաբար և նպատակային, ասել է  Ադրբեջանի նախագահ Իլհամ Ալիևը։

Նրա խոսքով՝ Ադրբեջանը որոշել է չմասնակցել ԵԽԽՎ նիստերին. «Որովհետև եթե մենք իրավունք չունենք արտահայտելու մեր դիրքորոշումը, ապա ինչո՞ւ պետք է այնտեղ լինենք»,- ասել է Ալիևը։

Նա ընդգծել է, որ «եթե մեկ տարվա ընթացքում Ադրբեջանի պատվիրակության իրավունքները չվերականգնվեն, ապա Ադրբեջանը կարող է լրջորեն քննարկել Եվրախորհրդից ամբողջապես դուրս գալու հարցը»։

Նա նշել է, որ գերմանական մամուլում Ադրբեջանը ներկայացվում է որպես բռնապետական ​​երկիր, որտեղ մարդկանց ձերբակալում են իրենց կարծիքի համար։ «Սա բացարձակ սուտ է, և ես ցավում եմ դրա համար»,– պնդել է Ալիևը։

Նրա խոսքով՝ «Ադրբեջանի մասին միտումնավոր շատ բացասական տպավորություն է ստեղծվում»։ «Այս ամենը կարո՞ղ է խանգարել մեր կատարած աշխատանքին։ Ո՛չ։ Մենք աշխատում ենք մեր ժողովրդի, մեր երկրի բարօրության համար՝ լինի դա տարածքային ամբողջականության վերականգնում, թե տնտեսական օրակարգ»,- հավելել է Ալիևը։

Առավել մանրամասն` այստեղ.
https://t.me/arm24live