Փաշինյանն էլ ո՞ր գյուղերն է հանձնելու Ադրբեջանին
ՔաղաքականությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Նիկոլ Փաշինյանն այս օրերին մի շարք «հետաքրքիր» հայտարարություններ է արել։ Առաջինը՝ Փաշինյանն ասել է, որ Հայաստանը հարձակման է ենթարկվել որոշ արտաքին ոչ ժողովրդավարական ուժերի կողմից ռազմական և հիբրիդային միջոցներով։ Թե ո՞ր ուժերի մասին է խոսքը և արդյոք Փաշինյանը նկատի ունի Ռուսաստանին՝ այս խոսքերի հեղինակը չի մանրամասնել:
Բացի այս, ՆԱՏՕ-ի գլխավոր քարտուղարը Երևանում Փաշինյանի հետ համատեղ ասուլիսում հայտարարեց, որ ողջունում է ՀՀ համերաշխությունն Ուկրաինայի հետ, և որ Պուտինը չպետք է հաղթի: Բնականաբար վայրը, որտեղ ընտրվել էր այս հայտարարությունը, միտում ունի, քանի որ ՀՀ-ն հանդիսանում է ՌԴ ռազմավարական դաշնակիցը: Ի՞նչ սպասել հետո. այս և այլ հարցերի պատասխանը MediaHub-ի հետ զրույցում տվեց կովկասագետ, «Հայկական Նախագծի» համահիմնադիր Կարեն Իգիթյանը։
«Փաշինյանն իր ելույթում չի ասում Ռուսաստանի մասին, բայց մի քանի անգամ ՔՊ-ական վերնախավից նշել են, թե Ռուսաստանը փորձել է ներքին բախումների ճանապարհով իշխանափոխություն իրականացնել Հայաստանում: Իսկ Ադրբեջանը հիբրիդային չի, քանզի նա ուղիղ ռազմական է գործում։ Եթե խոսքը հիբրիդայինի մասին է ու հաշվի առնելով այն բեքգրաունդը, որ ունենք ՔՊ-ականների կողմից, կարող ենք ենթադրել, որ խոսքը հենց Ռուսաստանի մասին է»,- ասաց Իգիթյանը։
Ինչ վերաբերում է ՆԱՏՕ-ի գլխավոր քարտուղարի այն հայտարարությանը, որտեղ նա նշում է, որ Պուտինը չպետք է հաղթի Ուկրաինայում և վայրը, որտեղից դա հնչեցվում է, կովկասագետն ասաց, որ կարելի է հասկանալ, որ ՆԱՏՕ-ն արդեն ընկալում է այնպես, որ Հայաստանը կա՛մ խոստացել է, կա՛մ պարտավորություն է վերցրել, որ պետք է ՀԱՊԿ-ից դուրս գա և ոչ թե ՆԱՏՕ-ի անդամ դառնա, այլ ՆԱՏՕ-ի հետ լինի։
«Խոսքը նրա մասին է, որ ՆԱՏՕ-ն փորձում է Ռուսաստանին դուրս մղել տարածաշրջանից, և դա անում են նաև Հայաստանի միջոցով»,- ասաց Իգիթյանը։
Տավուշի գյուղերի հարցն այս օրերին բուռն քննարկումների և քննադության առարկա է դարձել, իշխանությունը Ադրբեջանին է պատրաստվում «վերադարձնել» չորս գյուղ, բայց դրա դիմաց ի՞նչ է ստանալու։ ՔՊ-ականները և Փաշինյանը խուսափում են այդ հարցին պատասխանել, բոլորը միաձայն նշում են, թե՝ «որը մերն ա, մերն ա, որը մերը չի, մերը չի»։ Ի՞նչ է սա նշանակում, արդյո՞ք կարող ենք ակնկալել, որ ՀՀ-ն որևէ բան կստանա Ադրբեջանից, թե այս անգամ էլ ոչինչ չի պահանջի։ Կովկասագետը նշեց, որ չի կարծում, որ Ադրբեջանը որևէ բնակավայր կվերադարձնի, օրինակ՝ Արծվաշենը։
«Ի՞նչ է ստանում Հայաստանը։ Հայաստանը ոչինչ չի ստանում, այս ամենն արվում է ուժի սպառնալիքի տակ, Փաշինյանն էլ բնակչությանը ասում է՝ «եթե չհամաձայնվեք, պատերազմ կլինի»։ ՔՊ-ականների մոտ ու իրենց օրոք պատրազմ ու պարտությունը դարձել է նույն բառը։ Երբ Փաշինյանը ճանաչեց Ադրբեջանի տարածքային ամբողջականությունը և 86 600 քառակուսի կիլոմետրը, այդտեղ մտնում էին ոչ միայն Արցախը, այլ նաև այդ գյուղերը։ Հիմա եկել ա պահը, երբ ֆիզիկապես պետք է հանձնել՝ հողի վրա»,- շեշտեց նա։
Իգիթյանի խոսքով՝ եթե իրական, նորմալ դեմարկացիայի պրոցես լիներ, ճիշտ կլիներ այն սկսվեր այն տարածքներից, որոնք նոր են դարձել սահմանային, օրինակ՝ Սյունիքում, Գեղարքունիքում և Վայոց Ձորում։ «Ադրբեջանը ուրիշ տրամաբանությամբ է գործում՝ ոչ թե դեմարկացիայի և դելիմիտացիայի, այլ Հայաստանին զինաթափելու տրամաբանությամբ։ Այսինքն, իրենք շատ լավ գիտեն, որ չորս գյուղերը վերցնելով՝ լրիվ քայքայում են մեր առաջնագիծը»,- ասաց Իգիթյանը։
Եզրափակելով՝ կովկասագետը նշեց, որ կայուն առաջնագիծ Տավուշում չենք ունենալու։ Ադրբեջանի ընկալմամբ ամբողջ Հայաստանի Հանրապետության տարածքը պատմական Ադրբեջանի տարածքն է։ Սակայն, առաջին հերթին Ադրբեջանը պահանջելու է Տավուշի անկլավները և Տիգրանաշենը։
1
2
3
4
5
1
2
3
5
1
2
3
4
5
