«Crocus»-ի ահաբեկչության մասին գրառումներ թողած երիտասարդը պատրաստվում էր մեկնել Երևան․ ով է նա

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին


Սանկտ Պետերբուրգի բնակիչ Նիկոլայ Կոնաշենոկը Պուլկովո օդանավակայանում ձերբակալվել է, հայտնում է «Фонтанка»-ն։

Ըստ հրապարակման՝ նա մտադիր էր Հայաստան թռչել Մոսկվայով։

Ավելի վաղ Նիկոլայ Կոնաշենոկը սոցիալական ցանցերի իր էջերում մի քանի գրառում էր կատարել Crocus City Hall-ում տեղի ունեցած ահաբեկչության մասին։ Դրանից հետո նրա կինը՝ Ռոքսանա Շատունովսկայան, հրաժարական էր տվել Սանկտ Պետերբուրգի «Նյու Հոլանդիա» հասարակական կազմակերպության տնօրենի պաշտոնից։

Ֆոնտանկան նաև տեսանյութ է հրապարակել՝ Նիկոլայ Կոնաշենկոյի ներողություն հայցելու տեքստով: Հրատարակությունը պնդում է, որ տեսանյութը հրապարակել է Սանկտ Պետերբուրգի ոստիկանությունը, սակայն Սանկտ Պետերբուրգի և Լենինգրադի մարզի ՆԳՆ գլխավոր տնօրինության ոչ մի էջում նման տեսանյութ չկա։

«Երեկ ես երկու գրառում եմ տեղադրել «Ֆեյսբուք» սոցիալական ցանցում, որոնցից առաջինում հարց էի տալիս, թե ինչ կլիներ, եթե ահաբեկչությունը տեղի ունենար ոչ թե «Կրոկուս»-ում», այլ Կրեմլում: Իսկ երկրորդում կիսվել էի իմ մտքերով, թե ինչու է ահաբեկչությունը տեղի ունեցել «Պիկնիկ» խմբի, այլ ոչ թե ինչ-որ այլ երաժշտական խմբի համերգի ժամանակ»,- բացատրել է Նիկոլայ Կոնաշենոկը:

Նրա խոսքով՝ հրապարակումները հանրությունն ընկալել է որպես ահաբեկչությանն աջակցող։

«Խորին ներողություն եմ խնդրում բոլորից։ Ես չեմ աջակցում ահաբեկչությանը: Կատարվել է հրեշավոր հանցագործություն, որի համար մենք բոլորս սգում ենք»,- ասել է նա, որից հետո գրառումները ջնջվել են։ Սքրինշոթները նախկինում հրապարակել էին մի շարք տելեգրամյան ալիքներ։

Ձերբակալվածի կնոջը՝ Ռոքսանա Շատունովսկայային, աշխատանքից հեռացնելու մասին հայտնել է New Holland-ի մամուլի ծառայությունը։ VKontakte-ից ստացված հաղորդագրությունը բացատրում է, որ Նիկոլայ Կոնաշենոկը չի աշխատում New Holland-ում և որևէ առնչություն չունի նախագծի գործունեության հետ:

Ինքը Շատունովսկայան սոցցանցերում գրել է, որ պայմանագիրը խզելու որոշումը կայացրել է իր ղեկավարության հետ միասին։

«Իմ ընտանիքի անդամն իրեն թույլ է տվել մարդկության հետ անհամատեղելի հրեշավոր հայտարարություններ։ Անձամբ ես չեմ պաշտպանում և դատապարտում եմ ամուսնուս ասածը, սրտանց ցավակցում եմ ահաբեկչության զոհերին, բայց մնում եմ ընտանիքիս հետ»,- գրել է նա։

Ռոքսանա Շատունովսկայան New Holland-ի տնօրենի պաշտոնը զբաղեցրել է 13 տարի:

Մարտի 22-ին Մոսկվայի Crocus City Hall-ում ահաբեկչություն էր տեղի ունեցել: Ինքնաձիգով զինված անձինք համերգից առաջ ներխուժել էին համերգասրահ և անկանոն կրակահերթեր արձակել մարդկանց ուղղությամբ, այրել նստարանները։ Վերջին տվյալներով՝ ահաբեկչության զոհերի թիվը 139 է։

ՌԴ նախագահ Վլադիմիր Պուտինը հայտարարել է Crocus City Hall-ում տեղի ունեցած ահաբեկչության բոլոր մեղավորներին կալանավորելու մասին։

Ընդհանուր առմամբ կալանավորվել է ահաբեկչության հետ առնչություն ունեցող 11 մարդ, 4-ը՝ կատարող:

Դատարանի որոշմամբ՝ չորս մեղադրյալները մինչև մայիսի 22-ը կալանավորվել են:


Առավել մանրամասն` այստեղ.

 https://t.me/arm24live