ՌԴ-ն գնում է խստացումների. ի՞նչ է սպասում հայ միգրանտներին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ռուսաստանի Դաշնությունը որոշել է խստացնել վերահսկողությունը միգրացիայի ոլորտում։

Ռուսաստանի Դաշնությունում օտարերկրյա քաղաքացիների ժամանակավոր գտնվելու ժամկետը կկրճատվի մինչև 90 օր, հայտարարել է ՌԴ ՆԳՆ պաշտոնական ներկայացուցիչ Իրինա Վոլկը՝ մեկնաբանելով միգրացիայի նկատմամբ վերահսկողության խստացման մասին նոր օրինագիծը։ 

Ըստ երեևույթին, խստացումը պայմանավորված է «Կրոկուս Սիթի Հոլում» տեղի ունեցած ողբերգական ահաբեկչության հետևանքներով։ Մասնավորապես, այն հանգամանքով, որ ահաբեկչության բոլոր մեղադրյալները Տաջիկստանից են։ Ահաբեկչությունից հետո Ռուսաստանում բուռն քննարկումների առարկա էր դարձել այն հանգամանքը, թե ինչպե՞ս են Տաջիկստանի քաղաքացիները վարձել բնակարան, ընդունվել աշխատանքի, քանզի շատերը անգամ ռուսերեն չգիտեին և խնդիրներ ունեին իրենց փաստաթղթերի հետ։ Մինչդեռ այլ երկրների քաղաքացիներին Ռուսաստանում շատ դժվար է անգամ բնակարան վարձել, մասնավորապես նրանց, ովքեր չունեն ժամանակավոր կացություն։

Մինչ այս օտարերկրացիները, այդ թվում և ՀՀ քաղաքացիները, կարող էին ՌԴ-ում կես տարվա ընթացքում ազատ մնալ մինչև 90 օր, իսկ տարվա կտրվածքով՝ 180 օր։ Սակայն նոր խստացումների արդյունքում ՌԴ-ում ՀՀ քաղաքացիները կարող են մնալ տարվա կտրվածքով ընդամենը 90 օր։

Բացի այդ, օրենքի նախագծով նախատեսվում է Ռուսաստանի Դաշնության տարածք մուտք գործելիս պարտադիր լուսանկարահանում և մատնահետքի հանձնում, օտարերկրյա քաղաքացու «թվային պրոֆիլի» ստեղծում, պետական մարմինների և կազմակերպությունների տեղեկատվական համակարգերում պարունակվող միգրանտի մասին տեղեկատվության ամբողջությունը:

Նախատեսվում է նաև Ռուսաստանի Դաշնության տարածքում օտարերկրացուն նույնականացնող փաստաթղթի ներդրում, որը փոխարինում է այսօր գործող բոլոր միգրացիոն փաստաթղթերը, որոնք հաստատում են երկրում ապրելու և աշխատելու իրավունքը:

Երկրից արտաքսումը կկիրառվի իրավախախտների կամ երկրի անվտանգության համար սպառնալիք ներկայացնող անձանց նկատմամբ: Ե՛վ դատարանը, և՛ գործադիր իշխանություններն իրավունք կունենան արտաքսման հրաման տալ։ Ռուսաստանի Դաշնությունում օտարերկրացիների գտնվելու նկատմամբ վարչական վերահսկողությունը կդառնա ոստիկանության գործը։

Այսպիսով, ՀՀ քաղաքացիները կկարողանան գտնվել ՌԴ-ի տարածքում տարվա ընթացքում ընդհանուր առմամբ 90 օրից ոչ ավելի ժամկետով։ Ավելի վաղ ՌԴ նախագահի մամուլի քարտուղար Դմիտրի Պեսկովը հայտնել էր, որ Ռուսաստանում նոր միգրացիոն վարչություն ստեղծելու վերաբերյալ որոշումներ դեռ չկան, սակայն, ըստ ամենայնի, ահաբեկչությունը փոխեց իրավիճակը:

Առավել մանրամասն` այստեղ.

 https://t.me/arm24live