Արամը դատարանում փորձում էր հասկանալ՝ իրեն ինչի համար են մեղադրում
Հասարակություն
«Հրապարակ»-ի փոխանցմամբ՝ քիչ առաջ Վերաքննիչ քրեական դատարանը մերժեց «Սասնա ծռեր»-ի անդամ Արամ Մանուկյանի կալանքը որպես խափանման միջոց վերացնելու բողոքի միջնորդությունը: Այս մասին լրագրողների հետ զրույցում հայտնեցին նրա փաստաբաններ Հարություն Բաղդասարյանը և Ինեսա Պետրոսյանը: Նրանց խոսքերով՝ դատարանը իրականացրել է իր ֆունկցիան, որը մինչ այժմ իրականացնում էր, և այդ բոլորը քաղաքական ենթատեքստ ունեն. բնականաբար իրենց պաշտպանյալները պետք է մնային անազատության մեջ, որոշումն էլ քաղաքական էր, այլ ոչ թե՝ իրավական:
«Արամը դատարանում փորձում էր հասկանալ, թե նախ իրեն ինչի համար են մեղադրում և արդյոք իր կատարած արարքը դիտվում է որպես հանցագործություն, և եթե մինչև այդ, ինչի համար իրենք դուրս են եկել պայքարի, ինչի այդ արարքի համար մարդկանց պատասխանատվության չեն կանչում և ինչի են մտածում, որ հորը օգնելը հանցագործություն է»,-նշեց փաստաբան Հարություն Բաղդասարյանը՝ հավելելով, որ Արամի խոսքը ավելի կարճ և լակոնիկ էր:
Վերաքննիչ դատարանի բակում Արամին սատարելու ու ողջունելու էին եկել նրա մտերիմները, անծանոթ մարդիկ: Եվ դատական նիստի ամբողջ թացքում նրանք վանկարկում էին՝ «Արամ», «Սասան ծռեր»:
1
2
3
4
5
1
3
4
5
1
3
4
