Թուրքիան Ռուսաստանին և Ուկրաինային խաղաղության պայմանագրի նոր նախագիծ է առաջարկել
ԱշխարհՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Թուրքիան Ռուսաստանին և Ուկրաինային խաղաղության պայմանագրի նոր նախագիծ է առաջարկել, որը նախատեսում է պատերազմի սառեցում։
Այս մասին հայտնում է New Europe թերթը՝ հղում անելով իր աղբյուրին։
Հրատարակության համաձայն՝ նախագիծը ստեղծվել է Ստամբուլում առաջին բանակցությունների հիման վրա և ներառել է 2022 թվականի մայիսի ձևակերպման մի մասը։ Այս համաձայնագրին կարող են աջակցել մի շարք եվրոպացի քաղաքական գործիչներ, այն կներկայացվի նաև Գլոբալ հարավի առանձին երկրներին։
Թուրքական կողմի առաջարկով ԱՄՆ-ը և Ռուսաստանի Դաշնությունը պետք է պարտավորվեն, որ ոչ մի դեպքում միջուկային զենք չեն օգտագործի, ինչպես նաև կերկարաձգեն Ռազմավարական սպառազինությունների սահմանափակման պայմանագիրը՝ առանց ապագայում դրանից միակողմանի դուրս գալու հնարավորության։
Փաստաթղթում նշվում է, որ արգելվում է ցանկացած կերպ այլ երկրի ներքին գործերին միջամտելը։ Այն նաև նախատեսում է պատերազմի սառեցում գոյություն ունեցող առաջնագծի երկայնքով։
Առաջարկվում է մինչև 2040 թվականը միջազգային վերահսկողության ներքո հանրաքվեներ անցկացնել ուկրաինական բոլոր տարածքներում, որոնք պատերազմի սառեցման պահին կգտնվեն Ռուսաստանի օկուպացիայի տակ։
Թուրքական կողմն առաջարկում է նաև մինչև 2040 թվականը Ուկրաինային տալ արտադաշնակցային կարգավիճակի երաշխիքներ և գերիների փոխանակում «բոլորը՝ բոլորի դիմաց» բանաձևով։
Բացի այդ, Ռուսաստանը չի միջամտի Եվրամիությանն Ուկրաինայի անդամակցությանը։
1
2
3
4
5
1
2
3
4
5
2
4
5
