Համակարգը «պայթել» է. նպատակային պռավա՞լ, թե դիլետանտություն

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հեղափոխությունից հետո կառավարությունը հայտարարեց երկրում գյուղատնտեսական հեղափոխության մեկնարկի մասին: Հեղափոխությունը, ինչ խոսք, «աննախադեպ» էր՝ առաջին հերթին օպտիմալացվեց գյուղատնտեսության նախարարությունը, այն կառույցը, որը տրամաբանորեն պետք է կյանքի կոչեր սույն հեղափոխությունը:

Մինչ պետական այրերը շարունակ հպարտանում են տնտեսական աննախադեպ հաջողություններով ու խոսում թարմացվող ռեկորդների մասին, տնտեսության ամենագլխավոր ճյուղերից մեկի անկումը շարունակվում է։ Տնտեսագետներն ահազանգում են՝ սա էլ է անվտանգության լուրջ սպառնալիք։

Այսպես՝ 2022 թվականին 21 թվականի համեմատ Հայաստանում 13 հազար տոննայով քիչ կարտոֆիլ է հավաքվել, բանջարանոցային և բոստանային մշակաբույսերի բերքը նվազել է շուրջ 17 հազար տոննայով, խաղողինը՝ 11 հազար տոննայով։ Հիմնական մշակաբույսերի ցանկում ավելացել է միայն ցորենի ու պտուղների բերքը։

Նախորդ հինգ տարիների համեմատ զգալիորեն պակասել է կենդանական ծագման արտադրանքը։ Անասունների գլխաքանակը նույնպես նվազել է։ 2023-ի սկզբին Հայաստանում հաշվարկվել է շուրջ 560 հազար կենդանի՝ 54 հազարով պակաս 21-ի համեմատ։

Փաշինյանը, ըստ էության, խաբել է գյուղացիներին և շարունակում է դա անել նաև այսօր: Հեղափոխության օրերին նա խոստանում էր ջրել գյուղացիների վարկերը, դառնալով վարչապետ` նա հայտարարեց, որ նման քայլի գնալը նպատակահարմար չէ: Իսկ այն ժամանակվա ԿԲ նախագահ Արթուր Ջավադյանը Ֆիզիկական անձանց տրամադրված գյուղացիական վարկերի, ինչպես նաև սպառողական վարկերի տույժերի և տուգանքների զիջման հետ կապված իրական և գործուն քայլեր ու միջոցառումներ այդպես էլ չարեց:

Չնայած գյուղացիների շարունակվող բողոքների` քանի՞ ՋԸՕ պետի ձեռք բռնեց այս իշխանությունը: ՋԸՕ-ը դարձան էլ ավելի մեծ սկանդալների առարկա և դրանց համար սկսեցին պայքարել արդեն ՔՊ-ականները:  2019 թվականին Արմավիրի ՋԸՕ-ի վերակառուցումը ուղեկցվեց մեծ սկանդալով: Մամուլը գրում էր, որ խնդիրը ոչ թե ՋՕԸ-ի վերակազմավորումն էր, այլ այն, որ դեռևս որոշումը չկայացած, արդեն հայտնվել էին ՋՕԸ-ի ղեկավարի հավակնորդներ և հովանավորներ: Արմավիրի քաղաքապետ Դավիթ Խուդաթյանը այս պաշտոնի համար լոբբինգ էր անում իր մերձավոր Սիրաք Սարգսյանի համար: Ավելին՝ Արմավիրի մարզի Քարակերտ գյուղի «Թալին» ՋՕԸ-ում հնչած կրակոցի գործով որպես կասկածյալ է ներգրավվել Տավրոս Սափեյանը, որից հետո մեղադրանքը հանեցին, իրեն էլ դարձրին Թալինի քաղաքապետ: