Նորնորքեցիները ճանաչում են իրենց պատգամավոր Ռոբերտ Սարգսյանին, ով միշտ մոտ է կանգնած եղել բնակչին

Նոր Նորք վարչական շրջանի 3-րդ զանգվածի բնակիչները պատգամավորի թեկնածու Ռոբերտ Սարգսյանին ճանաչում են ոչ միայն զուտ որպես պատգամավորի, այլ հարակից 1-ին և 2-րդ զանգվածների բնակիչներից լսած խոսքով՝ որպես բարեպաշտ, հայրենասեր ու բնակիչների հետ կապ պահպանող, հաճախ հանդիպումներ նախաձեռնող պատգամավորի:
Ընդլայնված Թիվ 1 ընտրատարածքում հանրապետական կուսակցության ռեյտինգային պատգամավորի թեկնածու Ռոբերտ Սարգսյանը Նոր Նորքի 3-րդ զանգվածի բնակիչների հետ հանդիպմանը հավաստիացրել է, որ նորնորքեցիներն էլ իրենց առանձին օրն են ունենալու ընդունելությունների ժամանակացույցում, ինչպես արդեն 4.5 տարի է ունեն Ավանի և Նոր Նորքի 1-ին ու 2-րդ զանգվածների բնակիչները:

«Ազգային ժողովում ներկայում պետաիրավական հանձնաժողովի անդամ եմ:Հանձնաժողովի անվանումն արդեն նշանակում է, թե որքան ծավալուն, պատասխանատու ու ժամանակատար աշխատանք է պահանջում:
Բայց տարիների ընթացքում իմ հիմնական գործունեությանը զուգահեռ միշտ գտել եմ նաև այն ժամանակը, որ ի պաշտոնե պետք է տրամադրեմ բնակիչներին:
Շարունակելու եմ նույն ոգով, քանի որ հենց դա է իրական հետադարձ կապը ժողովրդի հետ: Այսինքն, լինելով ձեր վստահելի անձը կամ ներկայացուցիչն Ազգային ժողովում, մշտական կապ եմ պահպանելու նաև ձեզ հետ:
Միասին ենք ամրապնդելու մեր հայրենիքի անվտանգությունն ու միասին ենք կերտելու մեր երկրի առաջընթացը»,- Նոր Նորքի բնակիչների հետ հանդիպմանը նշել է Ռոբերտ Սարգսյանը:

Հանդիպմանը ներկա բնակիչները իրենց խոսքում ջերմ ու դրական արտահայտվելով Ռոբերտ Սարգսյան մարդ տեսակի վերաբերյալ, միևնույն ժամանակ նշել են Ռոբերտ Սարգսյան պատգամավորի տեսակը, ով իր պատգամավորության ողջ ընթացքում միշտ եղել է բնակչի կողքին, տեղյակ է եղել խնդիրներից, ունեցել է ընդունելության օրեր և իր լիազորությունների շրջանակում հնարավորինս աջակցել է բոլորին: