Փաշինյանը փորձում է վարկաբեկել քաղաքական հայտ ներկայացրած անձանց
ՔաղաքականությունՆիկոլ Փաշինյանը երեկ կրկին ասուլիս էր հրավիրել, նպատակն ինչպես միշտ ոչ թե երկրի գլխին կախված կարևորագույն խնդիրներին անդրադառնալն ու լուծումները հանրությանը ներկայացնելն էր, այլ իրեն բնորոշ տոնայնությամբ ու բառապաշարով` իշխանական ֆեյքնյուզի ներկապնակն ամբողջացնելը, սկիզբ առած շարժումը սևացնելը, ընդդիմախոսների հասցեին ստահոդ բնորոշումներ տալը:
Արարողակարգային ներածականից հետո անդրադառնալով Տավուշից սկիզբ առած շարժմանը` նա փորձեց ստվերային պատվիրատուների, խորհրդավոր աջակիցների «որոնումները»:
Պատվիրատուների, շահառուների, աջակիցների, գործակալների ընտրության հարցում այս անգամ Փաշինյանը շռայլ էր` նախկին նախագահ, ԱԱԾ նախկին պետ, Կաթողիկոս: Մի քանի ընդդիմադիրների էլ խուսափեց անվանական կոչել, խոսեց ակնարկներով. «օտար երկրներում ծվարած նարկոբարոններ, կրիմինալներ, որոնք իր տեղեկություններով` հավաքագրված են օտար պետությունների հատուկ ծառայությունների կողմից, ՀՀ նախկին բարձրաստիճան պաշտոնյա»:
Դժվար չէ կռահել ում է հատկապես «ակնարկում» այդպես էլ թերթի խմբագրից պետության ղեկավար չդարձած` Նիկոլը: Ընդ որում, երկրի ղեկավարի պաշտոնը զբաղեցնող անձն ամեն անգամ ոտնատակ է տալիս «անմեղության կանխավարկած» կոչված կարևոր նորմը, որի պահպանման երաշխավորը պետք է հենց ինքը լիներ: Այս ակնարկները վերծանելու համար ընդամենն անհրաժեշտ է հիշել, թե ովքեր են վերջին ամիսներին քաղաքական հայտ ներկայացրել ու սուր քննադատության ենթարկել Փաշինյանին ու նրա վարչախմբին:
Միհրան Պողոսյան` ում իշխանությունները դեռ վաղուց փորձում են կապել տարբեր աղմկահարույց պատմությունների հետ, բայց այդպես էլ հանրությունը բամբասանքից այն կողմ, այլ իրավական որևէ լուրջ փաստի ականատեսը չի լինում. անհասկանալի ու աղմուկ հանած մի քրեական գործ, որը նույնքան անհասկանալի ընթացք ունի: ՀՀ քաղաքացիները քաջածանոթ են «նախկինների» նկատմամբ ներկայիս իշխանության հետախուզում հայտարարելով վարկաբեկելու փորձերին:
Սա է Նիկոլ Փաշինյանը, սա է նրա բերած «նոր Հայաստանի» արժեհամակարգը: Ու անհասկանալի է, թե այսկերպ ուր է նա տանելու Հայաստանը, բայց հաստատ է մի բան՝ վարչապետի այս «բառախաղերն» ավելի շուտ ցայտնոտ են, իսկ նա նման իրավիճակում գործի է դնում իր նախկին «լրագրողական հնարքները», բայց հասարակությունն այլևս դիմադրողականություն է ձեռք բերել նրա «ճարպիկությունների» դեմ:
1
2
3
4
5
1
3
4
5
1
2
3
4
