5 մարդ, ովքեր ողջ են մնացել գլխի հրազենային վնասվածք ստանալուց հետո

Մալալա Յուսուֆզայ

2012 թվականի հոկտեմբերի 9-ի առավոտյան Մալալա Յուսուֆզայը նստեց դպրոցական ավտոբուս, սակայն Թալիբան շարժման զինյալներից մեկը, ով նկատել էր, որ նա աղջիկ է և ուզում է կրթություն ստանալ, կանգնեցրեց նրան: Զինյալը վարվեց այնպես, ինչպես Թալիբանից յուրաքանչյուրը. նա կրակեց Մալալայի գլխին: Փամփուշտը մխրճվեց նրա գանգի մեջ, ապա հասավ մինչև մեջքի վերին հատված: Աղջկան անգիտակից վիճակում տեղափոխեցին հիվանդանոց: Ամբողջ աշխարհն այդ ժամանակ բարկացել էր այդ անմարդկային արարքի վրա: Բայց Մալալան փրկվեց՝ դեմքին ունենալով ընդամենը մի փոքր սպի: Փրկությունից հետո նա որոշեց, որ ամեն գնով փոխելու է աշխարհը:

Մալալան հանձնվող տեսակ չէր, այդ պատճառով էլ դարձավ Պակիստանում և այլ երկրներում կանանց իրավունքների պաշտպան ու ակտիվիստ: Նա անգամ աշխարհի ամենաերիտասարդ մարդն է, ով ստացել է Նոբելյան մրցանակ: Որպես 15-ամյա աղջնակ՝ նա քաջություն ունեցավ դեմ գնալ զինյալ ահաբեկչին և պայքարել իր և մյուս աղջիկների՝ կրթություն ստանալու իրավունքի համար:

Լուիս Ջոնսոն

Հայտնի ռեփերներ Թուփաքի ու Բիգ Ի-ի պես Լուիս Ջոնսոնի վրա էլ են զինված հարձակում գործել: 2015 թվականի դեկտեմբերի 24-ին, երբ Լուիսը մեքենայով կանգնեց կարմիր լույսի տակ, մի անհայտ անձ մոտեցավ և 22 անգամ կրակեց նրա պատուհանի վրա:

Անհավատալի է, բայց գլխին հրազենային վնասվածք ստանալուց հետո նա կարողանում էր խոսել, իսկ հաջորդ օրն անգամ լուսանկար հրապարակեց իր թվիթերյան միկրոբլոգում՝ բոլորին մաղթելով ուրախ Սուրբ ծնունդ:

Բարեբախտաբար, նրա օրգանիզմը կարողացավ ամբողջովին վերականգնվել, որից հետո ոչ մի հետվիրահատական խնդիր չառաջացավ նրա մոտ: Մինչ այսօր էլ նրա մարմնում կա փամփուշտի 3 կտոր, որոնցից 2-ը կրծքավանդակում, մեկը՝ գլխի մեջ:

Նատալյա Պերրինի

Նատալյա Պերրինին կրակել է ոչ այլ ոք, քան հենց իր ամուսինը: Ամուսնությունից հետո նրանք ավելի քան երկու տասնամյակ ապրում էին շատ երջանիկ, ունեին մի դուստր: Բայց ամեն ինչ փոխվեց, երբ 2014-ի նոյեմբերին ամուսնու մոտ հոգեկան շեղումներ նկատվեցին, իսկ նա հրաժարվում էր դեղեր ընդունել: Ի վերջո նա կրակեց իր կնոջը՝ Նատալյային, ապա սպանեց 17-ամյա դստերն ու ինքնասպան եղավ:

Կնոջ կյանքը հաջողվեց փրկել, սակայն կրակոցի արդյունքում նրա տեսողական համակարգն ամբողջովին վնասվել էր և անհնար եղավ այն վերականգնել:

Սթեդման Բեյլի

Ֆուտբոլիստ Սթեդման Բեյլին իր գլխին ոչ թե մեկ, այլ երկու կրակոց է ստացել: 2015 թվականին նա իր մեքենայով գնում էր Մայամի, ու հանկարծ մի մեքենա կտրեց նրա ճանապարհն, ու այդ մեքենայի վարորդը բազմաթիվ կրակոցներ արձակեց դեպի իր մեքենան, ուր, բացի իրենից, երկու երեխա կար: Բեյլին այնքան հաջողակ գտնվեց, որ հիվանդանոց տեղափոխվելուց և 6 ժամ տևողությամբ վիրահատությունից անմիջապես հետո իր երկրպագուների համար տեսանյութեր էր նկարում և հրապարակում սոցցանցերում:

Վերականգնողական գործընթացից հետո նա չվերադարձավ ֆուտբոլ, քանի որ բժիշկները գոնե մեկ տարով արգելել էին նրան: Նա որոշեց շարունակել իր կրթությունը, որովհետև չէր ցանկանում իր՝ մորը տված խոստումը դրժել:

Թեմի Սեքսթոն

Երբ 2009 թվականի ապրիլին ոստիկանները ժամանեցին Թեմի Սեքսթոնի տուն, նրանք ուղղակի ապշել էին. դուռը բացեց տիկին Թեմին՝ ճակատին գորգի մի կտոր պահած: Ոստիկանները ժամանել էին որպեսզի նրա ամուսնուն՝ Դոնալդ Ռեյին, պարբերաբար բռնություն գործադրելու համար հեռացնեին բնակարանից, քանի որ դատարանն այդպիսի որոշում էր կայացրել: Եթե ոստիկանները մի փոքր շուտ ժամանած լինեին, հավանաբար կկարողանային ամուսնուն ետ պահել ինքնասպանություն կատարելուց, ինչը նա արել էր կնոջը 380 տեսակի փամփուշտով կրակելուց անմիջապես հետո:

Անհավանական է, բայց տիկին Սեքսթոնը կարողացավ ողջ մնալ: Բժիշկներն ասում էին, որ փամփուշտն անցել է ուղեղի ամենակարևոր հատվածների միջով: Նման վնասվածքը կարող է մահացու լինել ցանկացած մարդու համար՝ բացի տիկին Սեքսթոնից, ով այդ վիճակում դիմավորել էր ոստիկաններին, անգամ թեյ պատրաստել նրանց համար, ու միայն երկար համոզելուց հետո համաձայնվել գնալ հիվանդանոց: Այնտեղ 3 օր մնալուց հետո նա լիովին առողջ դուրս գրվեց: