Մեր վերադարձը կախված է Բաքու-Երևան երկխոսությունից

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Մոտ 10 ամիս ադրբեջանական բանտերում գտնվող գերիներին Հայաստան վերադարձնելու վերաբերյալ պաշտոնական Երևանը որևէ քայլ չի ձեռնարկում։ Համենայնդեպս, այդպես են վկայում գերիների և պատանդների հարազատների հետ MediaHub-ի հարցազրույցները։

«Նախորդ շաբաթ, երբ մայրս մյուս գերեվարվածների հարազատների հետ գնացե,  բողոք ու անվստահություն է ներկայացրել կառավարությանը, որևէ մեկը հստակ պատասխան չի տվել, միայն ասել են՝ «համբերեք, այդ մասով բանակցում ենք»։ Դրանից հետո՝ նախորդ չորեքշաբթի օրը երբ հայրս զանգել է Բաքվից, մամայիս ասել է, որ  «այլևս որևէ տեղ ոչ մի բողոք չներկայացնես»։ Նույնն ասել են մյուս գերեվարվածները։ Ի՞նչ է սա նշանակում, ո՞վ է իրենց ասել այդ մասին, ոչ մեկս չգիտենք»,- մեզ հետ զրույցում ասաց Բաքվում նախորդ տարվա սեպտեմբերին գերեվարված քաղաքացիներից մեկի դուստրը։

Նրա խոսքով՝ գերեվարված քաղաքացիական անձանց ու ռազմագերիներին վերադարձնելու ուղղությամբ Երևանն ու Բաքուն միմյանց հետ պատշաճ չեն երկխոսում։

«Ամեն խոսելուց հարցնում ենք թե այդտեղ ի՞նչ են ասում, ի՞նչ են խոսում վերադարձի մասին, հայրս համեստորեն լռում է, ասում է՝ «մեր վերադարձը կախված է ՀՀ կառավարությունից»։ Ուրբաթ օրը, երբ հայտնի դարձավ Ռաշիդ Բեգլարյանին 15 տարով ազատազրկելու մասին, լուրջ մտահոգությունների տեղիք տվեց։ Շատ դժվար բան է, իմանալ, որ հարազատդ ողջ է, բայց չիմանաս՝ կտեսնե՞ս արդյոք»,- նշեց նա՝ ընդգծելով, որ այնուամենայնիվ, հույսը չեն կորցնում։ 

«10 ամիս է՝ կարոտով սպասում ենք։ Կարծում եմ՝ քաղաքական այս իրադարձությունների հանդարտվելուց հետո Բաքուն մեծահոգություն կցուցաբերի ու մեր հարազատները տուն կվերադառնան»,- հավելեց նա։

Հունան Թադևոսյան


Առավել մանրամասն` այստեղ.

https://t.me/armenia24live