«Երեւան Մոլի» ոչ ստանդարտ ֆեշն-շոուն եւ խենթ լինելու կոչը երիտասարդներին

Աշխույժ ռիթմեր, գունազարդ դեմքերով ոճային եւ ինքնատիպ երիտասարդներ, կարծրատիպերից դուրս նորաձեւության ցուցադրություն՝ այսպիսին էր երեկ մթնոլորտը «Երեւան Մոլ»-ում: Առեւտրի եւ ժամանցի կենտրոնն իրականացրեց «ՀեղաՓՈԽՎԻ՛Ր եւ ասա Ո՛Չ ստանդարտներին» խորագրով միջոցառումը, որն առանձնացավ հետաքրքիր լուծումներով:

Ապրիլյոթյան յուրահատուկ նվերով աչքի ընկած մոլը ողջ օրվա ընթացքում ժպիտներ եւ բարձր տրամադրություն պարգեւեց այցելուներին: Շատ աղջիկներ էլ զեղչերով եւ անակնկալ նվերներով գնումները հաջողությամբ համատեղեցին ուրախ ժամանցի, ինչպես նաեւ հատուկ տաղավարում իրականացվող անվճար դիմահարդարման հետ:

«Երեւան Մոլ»-ի հինգ տարբեր տաղավարներում նորաոճ սանրվածքով եւ արտահայտիչ դիմահարդարմամբ երիտասարդները մանեքեն էին ձեւանում` ցուցադրելով խանութների նոր հավաքածունները: Փոքրիկ ցուցանակներն էլ օգնում էին տեղեկանալ, թե որ ապրանքանիշերի հագուստների շնորհիվ է ամբողջացել իրենց կերպարը: Ժամանակ առ ժամանակ մոդելները շրջում էին կենտրոնի ողջ տարածքում` այդ կերպ եւս ցուցադրելով սթրիթ-սթայլ ոճի «լուքերը»:

BRAVO.am-ը ոչ միայն հետեւել է ֆեշն-շոուի ընթացքին, այլեւ զրուցել է այդ ամենի գլխավոր «մեղավորների» հետ: «Երեւան Մոլ»-ի մարքեթինգի բաժնի վաճառքի եւ միջոցառումների մենեջեր Ինգա Մուրադյանը նշեց, որ այլընտրանքային ցուցադրություն կազմակերպելով, ոչ միայն ներկայացնում են մոլի խանութների տեսականին, այլեւ կոչ են անում երիտասարդներին լինել գունավոր.«Ուզում ենք եւս մեկ անգամ ցույց տալ, որ առօրյա հագուստը կարելի է մատուցել շատ ավելի հետաքրքիր ձեւով: Ինչու` ոչ, հորդորում ենք լինել գիժ, խենթ ու խելառ:)»:

Գեղեցկության տոնի առթիվ «Երեւան Մոլ»-ի նախաձեռնած միջոցառումը հրաշալի առիթ էր նաեւ «Givenchy»-ի համար` ներկայացնելու նորույթները: Պրոֆեսիոնալ դիմահարդար Վիկտորիա Դյաչենկոն դիմահարդարման թրենդների մասին խորհրդատվություն անցկացրեց, նաեւ բոլոր ցանկացողներին առաջարկեց օգտվել անվճար դիմահարդարումից ու փորձարկել ապրանքանիշի յուրօրինակ գույնով շրթներկը:

«Երեւան Մոլ»-ի թվային մարքեթինգի նախագծերի մենեջեր Գոռ Ամիրյանի խոսքով` այս միջոցառումն իրենց նախաձեռնած բազմաթիվ նախագծերից միայն մեկն է. «Շուտով կթողարկենք «Երեւան Մոլ» նվեր քարտը, որը հայաստանյան շուկայում եզակի պրոդուկտ է: Այդ քարտը հնարավորություն է տալիս ոչ միայն գնումներ կատարել մոլի ցանկացած խանութից, այլեւ օգտվել ԿինոՊարկից, Նավապետ Քիդի զվարճանքի կենտրոնից եւ սրճարաններից: Մենք կպարգեւենք ոչ միայն նվեր ընտրելու ազատություն, այլեւ ժամանց եւ նոր զգացողություններ»:

Հաջորդը «Երեւան Մոլ»-ի նորացված կայքն է: Այն հնարավրություն կտա ոչ միայն ծանոթանալ խանութների ակցիաներին ու տեսականուն, այլեւ նորաձեւության ոլորտում կատարվող իրադարձություններին.«Կլինի ֆեշն-բլոգ, որտեղ ներգրավված են նորաձեւության ոլորտի մասնագետներ, լրագրողներ, պրոֆեսիոնալ լուսանկարիչներ: Շոփինգի եւ նորաձեւության սիրահարները կգտնեն ոլորտի վերաբերյալ ցանկացած նորություն»,-եզրափակեց Գոռը: