Ձեզ բարի ելքեր

Երևանի ավագանու ընտրությունների քարոզարշավը դեռ պաշտոնապես չի մեկնարկել, սակայն Ելքը մուտքեր է փնտրում այն խիստ քաղաքականացնելու համար: Հարգելիներս, սա ընտրություն է քաղաքային տնտեսության կառավարման համար, ընտրություն, որտեղ մասնակիցները պետք է առավելագույնս տեղյակ լինեն քաղաքային տնտեսությունից, դրա հնարավորություններից, կատարվող/կատարված ծրագրերից, խնդիրներից և քաղաքի զարգացման տեսլականից: Ցավոք, նշածս և ոչ մի բանից Ելքը տեղյակ չէ՝ գուցե ընթանրական, մակերեսային, բայց դե հո էդպես քաղաք չեն կառավարում: «Ելք կա-ն» համապետական ընտրություններում որոշակի աշխատեց, Երևանում այն այդ բառակապակցությունը չէ՝ քաղաքային տնտեսություն ուսումնասիրեք, գուցե մինչ քարոզարշավի պաշտոնական մեկնարկ մի այլ համահունչ ելք գտնեք:
Հ.Գ. Մի թերագնահատեք մի մեծ թիմի սրտացավ ու արդյունավետ երկար տարիների աշխատանքը, գուցե ասեք ՝ մենք ավելի լավ կկառավարենք, կկազմակերպենք, կամ, չգիտեմ, կաշխատացնենք, բայց մի քննադատեք, քանզի ահռելի աշխատանք է արվել ամբողջ քաղաքում՝ սկսած ամենածայրամաս թաղամասերից: Հա, մեկ էլ, որ հանկարծ հորդորս ի նկատի կունենաք՝ չքննադատելու, այլ ավելիի մեջ ձեր խոսքերը ձևակերպելու համատեքստում, խնդրում եմ, անպայման կնշեք ինչպես, որտեղից և երբ:
Ձեզ բարի ելքեր