Իսրայելական բանակը հայտարարել է Գազայի հարավում գործողությունն ավարտելու մասին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին


Իսրայելի պաշտպանության բանակը իր Telegram ալիքում հայտարարել է Գազայի հատվածի հարավում գործողությունն ավարտի մասին։

«Զինվորականները ոչնչացրել են մոտ վեց կիլոմետր երկարությամբ վեց թունել, ոչնչացրել են ավելի քան 250 ահաբեկիչների և վերադարձրել պատանդների վեց դիակ»,- ասվում է հրապարակման մեջ։
Ռազմական գործողության ընթացքում 98-րդ դիվիզիայի ուժերը ոչնչացրել են ՀԱՄԱՍ-ի տասնյակ ենթակառուցվածքային օբյեկտներ Խան Յունիս և Դեյր ալ-Բալահ շրջաններում։

Անցյալ երեքշաբթի զինվորականները հայտնաբերել և Իսրայել են վերադարձրել Գազայի հատվածում ՀԱՄԱՍ-ի գերության մեջ զոհված վեց պատանդների մարմինները։

Գազայի հատվածի հարավում գտնվող Խան Յունիս քաղաքում գործողությունը սկսվել է օգոստոսին այն բանից հետո, երբ Իսրայելի պաշտպանության բանակը հետախուզությունից տեղեկություն ստացավ այդ տարածքում «ահաբեկիչների և ահաբեկչական ենթակառուցվածքների» առկայության մասին:

Իսրայելի պաշտպանության բանակը Գազայի հատվածում սկսեց «Երկաթե սուր» գործողությունը, որը ներառում էր հարձակումներ քաղաքացիական օբյեկտների վրա: Իսրայելը հայտարարել է անկլավի ամբողջական շրջափակման մասին՝ դադարեցվել է ջրի, էլեկտրաէներգիայի, վառելիքի, սննդի և դեղորայքի մատակարարումները։

Սրան զուգահեռ՝ իրավիճակը սրվել է իսրայելալիբանանյան սահմանին։ Իսրայելական բանակը և լիբանանյան «Հեզբոլլահ» շարժման մարտիկները ամեն օր կրակում են միմյանց դիրքերի ուղղությամբ։ Լիբանանի ԱԳՆ-ի տվյալներով՝ մոտ 100 հազար մարդ ստիպված է եղել լքել իր տները երկրի հարավում։ Իսրայելական կողմը հայտնել է, որ Հյուսիսային Իսրայելի մոտ 80 հազար բնակիչ հայտնվել է նմանատիպ իրավիճակում։

Առավել մանրամասն` այստեղ.

https://t.me/armenia24live