«Ես ուզում եմ լինել այն համարձակ աղջիկը 1997-ի, սխալվել, ընկնել ու շարժվել առաջ». Մարիամ Դավթյանը տեսանյութ է հրապարակել, որտեղ 24 տարեկան է

Life 21 Սեպտեմբեր, 2024 17:22

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Դերասանուհի Մարիամ Դավթյանն ինստագրամում արխիվային տեսանյութ է հրապարակել, որտեղ նա ընդամենը 24 տարեկան է:

«1997 թ., ես այստեղ 24 տարեկան եմ: Շատերը, ովքեր նայում են այս հատվածը մոտավոր այդ տարիքի են։

Ես այդ ժամանակ շատ համարձակ էի, ինքնավստահ, որոշումներ էի կայացնում, անում էի քայլեր, սխալվում էի, ընկնում ու ոտքի կանգնում, շարունակում էի քայլել, բայց միևնույն է ոչ մեկի կարծիքը հաշվի չէի առնում։ Ես համոզված էի, որ ամեն բանի ես ինքս պիտի հասնեմ, որ ամեն բան ես իմ սխալների միջոցով պիտի հասկանամ, այլ ոչ թե ուրիշի օրինակով։

Ես դեմ էի այն կարծրատիպին՝ "Умные учатся на чужих ошибках, а глупые на своих": Ասում էի՝ ես եմ ուրեմն այն հիմարը, ով սովորում է իր սեփական սխալների վրա։ Մտածում էի, երբ կմեծանամ, կդառնամ մի իմաստուն, որը ապրել է մի ամբողջ կյանք, ամեն բան զգացել է հենց իր մաշկի վրա։
Այս վերջին տարիներին ես էլ այդպես չեմ սխալվում, չեմ ընկնում։ Հայտնվել եմ մի տեղ, որին կարծես թե հաջորդում է իմաստության գոտին: Բայց ազնիվ խոսք, ես ուզում եմ լինել այն համարձակ աղջիկը 1997-ի, որը այս պահին ձեր առջև է. սխալվել, ընկնել ու շարժվել է առաջ։
Եթե մի բան ուզում ես անել, ավելի լավ է անես ու բաց չթողնես այդ պահը։
Միգուցե ուրիշների համար ոչ, բայց ինձ համար դա է կյանքը»,- տեսանյութին կից գրել է նա: