Նեթանյահուի տան վրա մենք ենք հարձակվել, մենք երբեք սպիտակ դրոշ չենք բարձրացնի. «Հեզբոլլահ»
Աշխարհ
Լիբանանյան «Հեզբոլլահ» շարժումը պաշտոնապես ստանձնել է Իսրայելի վարչապետ Բենիամին Նեթանյահուի տան վրա անօդաչուով հարձակումը: Այս մասին հայտնում է Իսլամական հեղափոխության պահապանների կորպուսի թելեգրամյան ալիքը:
«Իսլամական դիմադրությունն ամբողջությամբ և բացառիկ պատասխանատվություն է կրում Կեսարիայում գործողության և ռազմական հանցագործ Նեթանյահուի տան վրա հարձակման համար:
Մենք երբեք սպիտակ դրոշ չենք բարձրացնի»,- Բեյրութում մամուլի ասուլիսում հայտարարել է «Հեզբոլլահ»-ի խոսնակ Մուհամեդ Աֆիֆը:
Հոկտեմբերի 19-ին հայտարարվել էր Կեսարիայում Իսրայելի վարչապետի առանձնատան վրա անօդաչուով հարձակման մասին: Նեթանյահուն պնդել էր, որ իրեն ու կնոջը ցանկացել է սպանել Իրանը: Իսրայելի հանրային հեռուստաալիքի փոխանցմամբ՝ անօդաչու թռչող սարքը հարվածել է վարչապետի ննջասենյակի պատուհանին։
1
2
3
4
5
1
2
3
4
5
2
4
5
