ՍԱՍ-ի Արտակին քրեական պատասխանատվության ենթարկելը հնարավոր է մի պարագայում

«Ձայնագրությունը լսելուց հետո առաջին տպավորությունս եղել է այն, որ սա քրեական օրենսգրքով սահմանված թրաֆիկինգ և մարդու շահագործման հանցակազմ պարունակող հատկանիշներ է պարունակում: Սակայն մանրամասն վերլուծեցի Քրեական օրենսգրքով ընտրական իրավունքի իրականացման գործընթացքում քրեաիրավական հետևանք ունեցող պատասխանատվության ինստիտուտները: Անկեղծ ասած, միանշանակ չէ՝ այնտեղ առկա՞ է թրաֆիկինգ, թե ոչ, բայց եթե վարույթ իրականացնող մարմինը կհանգի նման հետևության, որ այդ գործողություններում առկա են թրաֆիկինգի, մարդկանց շահագործման հատկանիշներ, որպես իրավաբան՝ համակարծիք կլինեմ այդ դիրքորոշման հետ,-

«Առաջին լրատվական»-ի հետ զրույցում, անդրադառնալով ՍԱՍ» գրուպի աշխատակիցների հետ անցկացված նախընտրական ժողովի վերաբերյալ ձայնագրությանը, ասաց փաստաբան Նորայր Նորիկյանը:

Նրա խոսքով՝ ակնհայտ է, որ ժողով վարող անձի տրամադրվածությունը և բառապաշարը մարդկանց նվաստացնելու նպատակ ունի: Փաստաբանի կարծիքով՝ ոչ միայն վարույթ պետք է սկսել, այլ կոնկրետ և առարկայական և քրեաիրավական գնահատական տրվի այս գործընթացներին.«Ստացվում է, որ ՀՀ-ում հնարավոր են գործընթացներ, երբ գործատուն կարող է նման իրավունք դրսևորի իր աշխատողների նկատմամբ: Խախտվել են գործատուի կողմից աշխատանքային իրավունքի սկզբունքներն ամբողջությամբ, սահմանադրությամբ ամրագրված նվաստացման իրավունքի խախտում է տեղի ունեցել՝ չհաշված քրեական օրենսգրքով ամրագրված իրավանորմերի խախտումներ են արձանագրվել» ,-ասաց Նորայր Նորիկյանը՝ հավելելով, որ ՀՔԾ քայլերից հետո նոր համապարփակ գնահատական տալու հնարավորություն կստեղծվի:

շարունակությունը՝ կայքում