Սպանություն ֆուտբոլային խաղի ժամանակ (տեսանյութ)
ՍպորտԱրգենտինական «Բելգրանո» ակումբի երկրպագու Էմանուել Բալբայոն այցելել է «Տալյերեսի» հետ խաղին, որտեղ նրան ծեծել և ցած են նետել մարզադաշտի տրբունայից:
Ստացած վնասվածքների պատճառով նա հիվանդանոցում մահացել է, հայտնում է «AS»-ը:
Ի սկզբանե հաղորդվում էր, որ ողբերգությունը տեղի է ունեցել այն պատճառով, որ Բալբայոն «Տալյերես» գրությամբ դաջվածք է ունեցել և հայտնվել է ոչ այն տրիբունայում: Բայց մահացածի հայրը վստահեցնում է, որ տեղի ունեցածի մեջ մեղավոր է Օսկար Գոմեսը, որը 4 տարի առաջ մահացու վրաերթի է ենթարկել Էմանուելի եղբորը:
«4 տարի առաջ իմ տղաներից մեկը սպանվեց: Էմանուելը միևնույն բազմության մեջ է եղել եղբոր սպանության մեղավորներից մեկի հետ: Այդ Գոմեսը տղամարդ չէ: Բացի դա, իրեն պաշտպանելու համար նա իր ընկերներին բռնության կոչ է արել և նրանք ծեծել են իմ որդուն»,- ասել է Էմանուելի հայրը:
Ոստիկանությունը 4 կասկածյալի է բերման ենթարկել, բայց նրանց մեջ Գոմեսը չկա: Սպասվում է, որ նա մոտ ժամանակներս կձերբակալվի:
1
2
3
4
5
1
2
4
5
1
2
3
4
5
