«Յուրաքանչյուրն, ով Լոս Անջելեսում է, վտանգի տակ է». հայ արտիստներն անդրադարձել են ԱՄՆ-ում մոլեգնող հրդեհներին

ԱՄՆ-ում և Հայաստանում բնակվող հայ արտիստները ևս սոցցանցի իրենց էջերում անդրադարձել են Կալիֆոռնիա նահանգում մոլեգնող ավերիչ անտառային հրդեհներին:

Նրանք լուսանկարներ ու տեսանյութեր են հրապարակում տարածվող հրդեհից՝ հույս հայտնելով, որ այն շուտով կավարտվի:

Դերասանուհի Անի Երանյանն ինստագրամի սթորի բաժնում լուսանկար ու տեսանյութ է հրապարակել, որին կից գրել է.

«Յուրաքանչյուրն, ով Լոս Անջելեսում է, հնարավոր վտանգի տակ է»:

Դերասան Հովհաննես Բաբախանյանն, ով արդեն տևական ժամանակ բնակվում է ԱՄՆ-ում, սոցցանցի իր էջերում լուսանկարներ է հրապարակել և կից գրառում արել.

«Աստված գթա ժողովրդիդ»:

Երգիչ, դերասան Միհրան Ծառուկյանն ու Արփի Գաբրիելյանը ևս ինստագրամի սթորի բաժնում հրդեհից լուսանկարներ են հրապարակել և գրել.

«Աղոթենք Լոս Անջելեսի համար»:

Լրագրող Անի Քոչարը ինստագրամի սթորի բաժնում գրել է.

«Ամեն բան մի քանի ակնթարթում կարող է հրո ճարակ դառնալ, նյութական արժեքները, հարստությունն ու ունեցվածքը ոչինչ է. երբեք մի' մոռացեք սա»:

Ավելի վաղ, անդրադարձել էինք ռեժիսոր Ելենա Արշակյանի գրառմանը:

«Իմ ընկերներ, սիրելի մարդիկ, ովքեր անհանգստանում էին իմ ու աղջկաս համար, ասեմ՝ մենք արդեն Հայաստանում ենք: Բայց Լոս Անջելեսում են մեր ընկերները, հարազատները և հայրենակիցները: Հուսանք այս արհավիրքը շուտ կավարտվի»,- գրել էր նա:

Հիշեցնենք՝ ԱՄՆ Կալիֆոռնիա նահանգում մոլեգնող ավերիչ անտառային հրդեհները հասնել են հանրահայտ Hollywood գրությամբ բլուրներին, զոհվել է 5 մարդ, տարհանվել 130,000 բնակիչ:

Ընդհանուր առմամբ, մոլեգնում է 6 առանձին հրդեհ, որոնց դեմ պայքարում են հազարավոր հրշեջներ: Կրակի տարածմանը նպաստում են ուժեղ քամիները:

Արագ տարածվող հրդեհը նաև հայաշատ բնակավայրերում է՝ Գլենդեյլ, Բըրբանք, Փասադենա, Սիլմար։ Հրդեհները վնասել են հոլիվուդյան հայտնի մարդկանց տները, այդ թվում՝ Փերիս Հիլթոնի, Բիլլի Քրիսթալի և Մենդի Մուրի։