Մենք մեկնարկում ենք մեր պայքարի նոր շրջանը. Բագրատ Սրբազան
Հասարակություն
Մենք լինելու ենք փողոցներում, հրապարակներում, մենք լինելու ենք քաղաքների դռների առջեւ, մենք լինելու ենք պարիսպների վրա, մենք լինելու ենք ամենուր, որովհետեւ անմեղները, որոնք ցանկություն ունեն արդարություն հաստատելու, նրանք չեն ընկրկելու: Այս մասին այսօր՝ հունվարի 11-ին, ժողովրդին ուղղված ուղերձում ասել է Սրբազան պայքարի առաջնորդ Բագրատ Արքեպիսկոպոս Գալստանյանը:
«Մեզ համար այլ օրակարգ, որեւէ մեկի հետ խնդիր ունենալու հանգամանք գոյություն չունի, բացի չարիքը հեռացնելուց մեր տնից: Սա մեր յուրաքանչյուր օրվա, յուրաքանչյուր ժամի, ու րոպեի մտածումն ու գործն է»,-ասաց նա:
Անդրադառնալով իշխանության ներկայացրած խաղաղության օրակարգին՝ Բագրատ Սրբազանն ասաց, որ այն կեղծ է:
«Խաղաղությունը չի ենթադրում ոչնչացում, ճահճացում, այլ օվկիանոսային խաղաղություն, հաղթանակած խաղաղություն: Սուրբ Ծննդից հետո մեր առաջին այս հանդիպումով մենք մեկնարկում ենք մեր պայքարի նոր շրջանը, որը ես համոզված եմ, որ գնալու ենք դեպի վերջնարդյունք հաղթանակով, որն էլ երաշխիք կլինի իրական խաղաղության»,- ասել է նա:
1
2
3
4
5
5
1
2
3
4
