Պատմության ամենահզոր և ծանր հրթիռի՝ Starship-ի 7-րդ փորձնական թռիչքն ավարտվել է անհաջողությամբ (տեսանյութ)
ՀասարակությունՊատմության ամենահզոր և ծանր հրթիռի՝ Starship-ի յոթերորդ փորձնական թռիչքն ավարտվել է անհաջողությամբ։ Այս մասին հինգշաբթի հայտարարել է SpaceX մշակող ընկերությունը։
Հրթիռն արձակվել է Տեխաս նահանգի Բոկա Չիկա քաղաքի արձակման հարթակից։ Բազմակի օգտագործման Super Heavy առաջին աստիճանը տիեզերանավը դուրս է բերել ուղեծիր, որից հետո այն վերադարձել է Երկիր և վայրէջք կատարել արձակման հարթակի վրա։
Վերին աստիճանն առանձնացել է արդեն երկնքում. դրա բոլոր 6 Raptor շարժիչները գործարկվել են և տիեզերանավը պատրաստվել է տիեզերք մտնելուն: Բայց հետո կապը դրա հետ կորել է, և տիեզերանավը կործանվել է:
«Նախնական տվյալներով՝ շարժիչի պատի վերևի խոռոչում թթվածնի կամ վառելիքի արտահոսք է եղել»,- մեկնաբանել է SpaceX-ի ղեկավար Իլոն Մասկը:
Starship-ը պատմության մեջ ամենամեծ և ամենահզոր հրթիռն է: Ըստ SpaceX-ի՝ այն կկարողանա մարդկանց և բեռներ հասցնել Երկրի ցածր ուղեծիր, Լուսին և Մարս: Համակարգի ընդհանուր նախագծային տարողունակությունը 150 տոննա է: Բազմակի օգտագործման Starship համակարգը բաղկացած է 70 մետրանոց Super Heavy առաջին աստիճանից և 50 մետրանոց Starship տիեզերանավից՝ լրացուցիչ շարժիչներով։
1
2
3
4
5
1
2
4
1
4
