Արտակարգ միջադեպ դատարանում. լեզվաբանը շիշ նետեց ամբաստանյալի դեմքին (տեսանյութ)
ՀասարակությունԷրեբունի և Նուբարաշեն վարչական շրջանների ընդհանուր իրավասության դատարանում շարունակվում է հայտնի լեզվաբան Փառանձեմ Մեյթիխանյանի ամուսնու՝ Եղիշե Խաչատրյանի սպանության գործով դատական նիստը՝ դատավոր Աննա Դանիբեկյանի նախագահությամբ:
Դատական նիստի ընթացքում միջադեպ գրանցվեց ամբաստանյալների ու տուժողի իրավահաջորդների ներկայացուցիչների միջև:
Երբ մեղադրող դատախազը ներկայացնում էր մեղադրանքը, տուժողի իրավահաջորդի ներկայացուցիչ Փառանձեմ Մեյթիխանյանը լքեց նիստերի դահլիճը, սակայն քիչ անց վերադարձավ և ջրի շիշը նետեց գործով ամբաստանյալ Յուրի Հակոբյանի դեմքին, ինչին հաջորդեցին հայհոյանքներ, իրարանցում ու քաշքշոց։
Նիստերի դահլիճից ամբաստանյալների հարազատները ևս սկսեցին փոխադարձ մեղադրանքներ ու հայհոյանքներ հնչեցնել։ Իրավիճակը փորձում էին վերահսկել պաշտպանները, դատախազներն ու դատական կարգադրիչները։ Դատավորը լքեց նիստերի դահլիճը, դատական նիստը հետաձգվեց։
Հիշեցնենք, որ հուլիսի 4-ին, ժամը 23-ին «Ֆորդ Տրանզիտ» մակնիշի ավտոմեքենայի վարորդ, 1958թ. ծնված Եղիշե Խաչատրյանի և ճանապարհատրանսպորտային երթևեկության կանոնները խախտած ավտոմեքենայի վարորդի և ուղևորների միջև Նուբարաշենի խճուղու թիվ 1/5 հասցեի մոտ տեղի էր ունեցել վիճաբանություն, որի ընթացքում 75-ամյա մոր ներկայությամբ Եղիշե Խաչատրյանին հասցրել էին մարմնական վնասվածքներ, ինչի հետևանքով վերջինս մահացել էր:
Գործով կալանավորված են Երևանի Էրեբունի փողոցի բնակիչներ Արտաշես Չիչոյանը, Յուրի Հակոբյանը, Խաչիկ Կոսյանը, Արարատ Նիկողոսյանը և Արթուր Զաքարյանը:
1
2
3
4
5
1
2
3
4
5
2
4
