Պետք է արտաքսել թմրամոլներին և լուրջ առողջական խնդիրներ ունեցող օտարերկացիներին․ Մեդվեդև
Աշխարհ
Օտարերկրացիները, ովքեր վարակված են վտանգավոր վարակներով կամ թմրանյութեր են օգտագործում, պետք է անհապաղ արտաքսվեն Ռուսաստանից, հայտարարել է ՌԴ Անվտանգության խորհրդի փոխնախագահ Դմիտրի Մեդվեդևը։ Այս մասին գրում է Ria Novosti-ն։
«Միգրացիայի ոլորտում սուր խնդիրներից մեկը վտանգավոր վարակներով վարակված կամ թմրանյութ օգտագործող օտարերկրացիների հետ կապված իրավիճակն է։ Նրանց պետք է անհապաղ արտաքսել Ռուսաստանից»,- գրել է նա VKontakte սոցիալական ցանցի իր էջում։
Հանդիպման ընթացքում Մեդվեդևը նաև նշել է, որ առանց նման միջոցների անհնար է լիովին ապահովել Ռուսաստանի քաղաքացիների համաճարակաբանական անվտանգությունը և պայքարել թմրամոլության, հանցագործության և այլ վտանգավոր երևույթների դեմ։
Անվտանգության խորհրդի փոխնախագահը նիստում հավելել է, որ գործնականում օրենքով նախատեսված ընթացակարգերը «հաճախ ձգձգվում են, արտաքսման մասին որոշումները երկար ժամանակ են պահանջում և ոչ միշտ են կատարվում»։
«Հաճախ նման մարդիկ թաքնվում են վերահսկողությունից և շարունակում են ապրել մեր երկրում: Ավելին, կան նաև դեպքեր, երբ նման խնդիրներ ունեցող օտարերկրացիներն օրինականացել են և նույնիսկ ստացել մեր երկրի քաղաքացիություն: Սա, իհարկե, զայրույթ է առաջացնում»,- ասել է Մեդվեդևը: