«Ռեալ Սոսյեդադ»-ում վստահություն են հայտնել, որ Զախարյանը թիմի առանցքային խաղացողը կդառնա
Սպորտ
«Ռեալ Սոսյեդադի» մամուլի քարտուղար Ջոն Անդեր Մունդուատեն մեկնաբանել է Արսեն Զախարյանի՝ այս մրցաշրջանում առաջին անգամ խաղադաշտ դուրս գալը։
Կիրակի օրը՝ փետրվարի 2-ին, հայազգի կիսապաշտպանը Լա Լիգայի հերթական տուրի՝ «Օսասունայի» հետ հանդիպման (1:2) 78-րդ րոպեին փոխարինել է Տակեֆուսա Կուբոյին։ Հիշեցնենք, որ Զախարյանը կոճի վնասվածքի պատճառով բաց է թողել մրցաշրջանի առաջին հատվածը։
«Երեկ ծանր գիշեր էր թիմի և Արսենի համար. մենք պարտվեցինք ևս մեկ դերբիում:
Զախարյանի վիճակը խաղից հետո՞: Նա պատրաստ է հիմա և կշարունակի վաստակել իր րոպեները խաղադաշտում։ Իհարկե, երկրպագուները, անձնակազմը և թիմակիցները շատ ուրախ են, որ Արսենը վերադարձել է: Մենք ակումբում հավատում ենք, որ Զախարյանը մրցաշրջանի երկրորդ կեսում առանցքային խաղացող կդառնա»,- Sport24-ի թղթակից Վլադիսլավ Շապիրոյի հետ զրույցում ասել է Մունդուատեն։
1
2
3
4
5
2
4
5
1
3
4
