Մեդվեդևը կտրուկ է արձագանքել ՌԴ նավթի պոմպակայանի վրա Կիևի հարձակմանը
Աշխարհ
Ռուսաստանի Անվտանգության խորհրդի ղեկավարի տեղակալ Դմիտրի Մեդվեդևը Telegram-ի իր ալիքում մեկնաբանել է Ուկրաինայի Զինված ուժերի հարձակումը Կրասնոդարի նավթի պոմպակայանի վրա։
Նա հիշեցրել է, որ ոչ միայն ռուսական նավթն է անցնում Caspian Pipeline Consortium մայրուղային նավթամուղով, որում առկա նավթը տարբեր համամասնություններով պատկանում է տարբեր ընկերությունների, այդ թվում՝ ամերիկյան և եվրոպական։
«Կատաղած կենդանին կծել է իր տիրոջը։ Չնայած Վաշինգտոնից ամենաբարձր կախվածությանը՝ նա միտումնավոր հարվածներ է հասցրել ամերիկյան ընկերությունների ակտիվներին, որոնք արդեն իսկ զգալի վնասներ են կրել հարձակման արդյունքում»,- գրել է Մեդվեդևը։
Մեդվեդևի խոսքով՝ դա կարող էր տեղի ունենալ, քանի որ ԱՄՆ-ն դադարեցրել է Ուկրաինային տրամադրվող ռազմական օգնությունը։
«Չափից շատ սնված, գեր արարածը հարձակվել է իր տիրոջ վրա, ով դադարեցրել է նրան կերակրելը և նույնիսկ սկսել է մտածել նյարդայնացնող կենդանուն դանակի տակ դնելու մասին: Եվ հետո, հուսահատությունից՝ արարածը որոշել է կծել իր տիրոջը և ավելի շատ վնասել նրան։ Նա կառչել է իր կերակրողի ձեռքից՝ ԱՄՆ նախագահի ձեռքից»,- գրել է ՌԴ Անվտանգության խորհրդի ղեկավարի տեղակալը։
1
2
3
4
5
2
3
4
5
3
