«Մեր օրինшխախտ հարևանները կրկին չեն հանդարտվում ու այս անգամ էլ կեսգիշերից հարձակվել են իմ Youtube-յան ալիքի վրա». Էրիկ Կարապետյան
Life
Երգիչ Էրիկը ֆեյսբուքյան իր էջում նոր հրապարակում է արել՝ նշելով, որ օրը կրկին սկսվեց շատ հետաքրքիր:
«Մեր օրինախախտ հարևանները կրկին չեն հանդարտվում ու այս անգամ էլ կեսգիշերից հարձակվել են իմ Youtube-յան ալիքի վրա ՝ կեղծ հղումներ անելով ջնջել 6 երգ ՝ նշելով որ դրանք էլ են ադրբեջանական, և իհարկե իրենց սովոր ձևով ՝ շանտաժի միջոցով փորձում են վերականգնել իրենց կատարումներից մեկը, որը մենք արդեն հեռացրել ենք Youtube-ից և երբեք չենք վերականգնելու:
Իմ երգերը մոտ օրերս կվերականգնվեն անկասկած, իսկ նման էժանագին քայլերն ինձ չեն վախեցնում և ընդհանրապես չեն կանգնեցնելու ՝ անգամ, եթե ջնջեն բոլոր հաշիվներս:
Ցավոք չեմ կարող չնշել .
Այս օրերին մինչ ես պայքարում եմ ադրբեջանցիների դեմ իմ իրավունքները վերականգնելու համար՝ իմ հայրենակիցներից ոմանք նյութեր են տեղադրում «Սկանդալ, վիճաբանություն, գումարներ, բամբասանք» և այլ սխալ ու անհիմն վերնագրերով ՝ արատավորելով իմ անունն ու համբավը:
Կոչ եմ անում դադարեցնել այդ ամենն ու չխանգարել ինձ՝ կարևոր պայքարում»,- գրել է երգիչը:
Հիշեցնենք՝ օրեր առաջ Էրիկ Կարապետյանի հեղինակային «Ոչ ավել , ոչ պակաս» երգը հերթական անգամ աղավաղել էին՝ ռուսական ալիքում ներկայացնելով որպես ադրբեջանական երգ:
Սոցիալական ցանցերում մեծ աղմուկ բարձանալուց և բազմաթիվ մեկնաբանություններից հետո Մալախովի հաղորդումից հեռացվել էր ադրբեջանցի երգիչների կատարման հատվածը:
Հաղորդումը կրկին թողարկվել էր յութուբում՝ առանց այդ հատվածի:
1
2
3
4
5
1
3
5
2
