Թրամփը միանգամայն վստահ է, որ ԱՄՆ-ը կստանա Գրենլանդիան
Ամենաընթերցված
ԱՄՆ նախագահ Դոնալդ Թրամփը բացարձակ վստահություն է հայտնել, որ Վաշինգտոնը կստանա Գրենլանդիան:
«Մենք կստանանք Գրենլանդիան: Այո, 100 տոկոսով»,- ասել է նա NBC News-ին պատասխանելով այն հարցին, թե արդյոք ինքը վստահ է այդ նպատակին հասնելու մեջ, փոխանցում է ՏԱՍՍ-ը:
Միևնույն ժամանակ նա հայտարարեց, որ «առանց ռազմական ուժի դա անելու լավ հնարավորություն կա», բայց, այնուամենայնիվ, «ոչինչ չի բացառում»։
Հարցին, թե դրանից հետո ինչ ազդանշան կուղարկվի աշխարհին, Թրամփը պատասխանել է, որ իրեն դա չի հետաքրքրում: «Ես այդ մասին չեմ մտածում։ Ինձ դա չի հետաքրքրում: Գրենլանդիան բոլորովին այլ հարց է: Խոսքը միջազգային խաղաղության, անվտանգության և ուժի մասին է»,-ընդգծել է նա։
ԱՄՆ նախագահը նաև պնդում է, որ «Ռուսաստանի, Չինաստանի և շատ այլ երկրների նավերը շրջում են Գրենլանդիայի մոտ», ուստի ԱՄՆ-ը չպետք է թույլ տա, որ «տեղի ունենա այն, ինչը կվնասի աշխարհին կամ ԱՄՆ-ին»:
1
2
3
4
5
1
2
3
5
1
2
3
4
5
