Հայերեն


Ո՞ր մի բանիմաց մասնագետն իր անունը կկապի այս իշխանությունների հետ. «Փաստ»

Քաղաքականություն

«Փաստ» օրաթերթը գրում է.

Եվ թող ներեն մեզ տարատեսակ ու, սովորաբար, ագրեսիվ լիբերալները, բայց Իոսիֆ Ստալինը, հեռավոր 1935 թվականին ելույթ ունենալով ռազմական ակադեմիաների շրջանավարտների առաջ, հայտարարեց. «Ամենաթանկ կապիտալը մարդիկ են: Կադրերն են վճռում ամեն ինչ»: Իսկ թե ինչ եղավ հետո, հանրահայտ է:

Հիմա էլ թող ներեն մեզ լիբերալներն ու մոլի ստալինականները ու, առհասարակ, մեր հայրենակիցները, բայց նախօրեին կառավարության նիստում Նիկոլ Փաշինյանը հայտարարեց. «7 տարվա մեջ ով վեր է կենում, առավոտից երեկո ասում է՝ էս կառավարությունը սխալ կադրային քաղաքականություն է վարում: Հա՛, սխալ կադրային քաղաքականություն է վարում, որովհետև երկրում կադրային ճգնաժամ է, մարդկային ռեսուրսի ճգնաժամ է»:

Նրա խոսքով, մի երկրում, որտեղ բնակավայրերի 70 տոկոսում մանկապարտեզ չկա, երբ դպրոցների 70 տոկոսը կիսավեր է, չի կարող չլինել կադրային սով...

Այսինքն, ըստ Փաշինյանի, երկրում կադրային սով է, անգամ՝ ճգնաժամ, պարզ ասած՝ ոչ մի ոլորտում ոչ մի խելքը գլխին, բանիմաց մասնագետ չկա, որ որևէ գործ վստահես կամ հանձնարարություն տաս: Դա, իհարկե, առնվազն իրականությանը չհամապատասխանող և անպատասխանատու հայտարարություն է: Բայց շատ ավելի հետաքրքիր ու կարևոր է այն, թե ինչու է Փաշինյանը հիմա նման բան հայտարարում:

Կա տեսակետ, որ այդօրինակ հայտարարություններով Նիկոլ Փաշինյանը իր առկա ու առաջիկա տապալումների համար նոր մեղավորներ է փնտրում: Իսկ մեղավորը, այո, ժողովուրդն է, «հպարտ» ու «ոչ հպարտ» քաղաքացիները: Էլի՝ բոլորը, իրենից բացի:

Բացի «կադրային ճգնաժամի» թեմայից, նույն շարքից են ու նույն նպատակին են ծառայում նրա ոչ այնքան վաղուցվա հայտարարություններն առ այն, որ աղքատությունը կրթության պակասի հետևանք է, մարդիկ կրթված չեն, չեն ուզում մասնագիտանալ և այդպես շարունակ: Հա, անգամ ավտոմեքենա վարել չգիտեն: Դե, «աղքատությունը ձեր գլխում է» արտահայտությունն էլ չի մոռացվել:

Մի խոսքով, Փաշինյանը հող է նախապատրաստում, որպեսզի նորանոր (նաև նախորդ) տապալումների համար մեղադրի վատ կադրերին, վատ աշխատողներին, անբանիմաց, անգետ, անկիրթ աշխատողներին, մի խոսքով՝ կրկնենք՝ ժողովրդին: Դե, խեղճ Փաշինյանն ի՞նչ անի, ախր ոչ մի ոլորտում ոչ մի նորմալ մասնագետ չկա, բոլորը դիպլոմավորված «փինաչիներ» են կամ նույնիսկ դիպլոմ չունեն, անգամ՝ ԵՊՀ ժուռնալիստիկայի ֆակուլտետի դիպլոմ... Մի խոսքով՝ կադր չկա... Հարկավ, բարձրակարգ, մասնագիտությանը լիարժեք տիրապետող մասնագետներ միշտ չէ ու հեշտ չէ գտնել ցանկացած երկրում: Բայց իրականում Հայաստանում և՛ կադրեր կան, և՛ համապատասխան մասնագետներ, և՛ բանիմաց ու գիտակ, պարտաճանաչ ու պարկեշտ աշխատողներ:

Այլ հարց է, որ «թավիշից» հետո նույն Նիկոլ Փաշինյանն ու իր ՔՊ-ն պետական կառավարման համակարգը և առանցքային ոլորտները բառացիորեն լցոնել են յուրայիններով՝ իրենց կուսակցականներով, ազգուտակով, խնամի-մտերիմ-բարեկամ-դասարանցի-զուգահեռդասարանցի-կուրսեցիներով:

Փաշինյանի ու նրա իշխանության կադրային «քաղաքականությունը» հիմնված է բացառապես 1 առանցքային սկզբունքի վրա՝ անձնական նվիրվածություն Փաշինյանին, նրա ու նրա ընտանիքի անդամների պաշտամունք, «մեծն առաջնորդի», «փրկչի» գծից ու անձնական շահից ոչ մի շեղում: Բոլորը՝ մեկի համար, մեկը՝ միայն իր:

Փաշինյանի կադրային «քաղաքականությունը», ի լրումն անձնական նվիրվածության, յուրային լինելու, հիմնվում է նաև այն պահանջների վրա, որ... պահանջներ չկան: Այսինքն, ո՛չ կրթություն ունենալն է կարևոր, ո՛չ մասնագիտացումը, ո՛չ դիպլոմավորված լինելը, ո՛չ աշխատանքային փորձը, ո՛չ մասնագիտական ու մարդկային որակները: Անձը կարող է լինել բացարձակապես ոչ մեկը, նույնիսկ մարդկային հատկանիշներով, բայց նշանակվել առանցքային պաշտոնի: Հա, փաշինյանական իշխանության «կադրերի» համար էական է նաև, որ դա լինի այնպիսի անձնավորություն, որ առանց կարմրելու կարող է ստել, սանձարձակ պահվածք դրսևորել իշխանության հետ կապ չունեցող անձանց նկատմամբ:

Այդպես, նման «կադրերով» կարելի է երկիր ու պետություն կործանել, ինչը և անում են: Պետությունները այդպես էլ կործանվում են, առհասարակ:

Կրթվելու «նորաձևության» մասին լոլոներ կարդացող իշխանությունը երբեք էլ առաջնային չի համարել կրթություն ունենալն ու կիրթ լինելը: Ու դրա ծանր հետևանքը այս 7 տարվա ընթացքում ձևավորված մղձավանջային իրականությունն է:

Մյուս կողմից՝ առնվազն զարմացնում է այն, որ կոնկրետ Փաշինյանի իշխանությունն է կադրային սովի ու ճգնաժամի մեջ: Իսկ ո՞ր նորմալ մասնագետն իր ճակատագիրն ու կենսագրությունը, իր անունն ու բարի համբավը կամովին կկապի փաշինյանական իշխանության հետ: Ո՞վ, ո՞ր նորմալ մարդը, ո՞ր նորմալ հայն ու Հայաստանի քաղաքացին կհամաձայնի Փաշինյանի մոտ կամ նրա կառավարության հետ աշխատել, գործ ունենալ, ըստ այդմ՝ առհավետ ու սերնդեսերունդ արատավորված լինել: Դեռ չենք խոսում անիծվածության մասին, որը հենց Փաշինյանն ինքը հիշատակեց:

Այո, կան մասնագետներ, կան կադրեր: Բայց նրանք կա՛մ իրենք են իրենց «գլխի ճարը» տեսնում, կա՛մ մասնավոր սեկտորում են տեղավորվում, կա՛մ, ցավոք, արտագաղթում են և օտար ափերում բախտ որոնում: Իսկ աշխատել Փաշինյանի մո՞տ, Փաշինյանի կառավարության հե՞տ: Այսինքն, համաձայն լինե՞լ այն ամենի հետ, ինչ արեց Նիկոլ Փաշինյանն այս տարիների ընթացքում Արցախի ու Հայաստանի գլխին: Չհաշված՝ հենց Նիկոլ Փաշինյանի հետ աշխատելու անտանելիությունը: Դե, ասեք, որ մի նորմալ, բանիմաց, ինքն իրեն ու իր ազգությունը հարգող մարդը կկամենա աշխատել նման «խելահեղ» պայմաններում ու, ի լրումն, կրկնում ենք՝ իր անունը, իր նախնյաց հիշատակն ու իր զավակների ապագան առհավետ սևացնելու գնով: 

ԱՐՄԵՆ ՀԱԿՈԲՅԱՆ

Մանրամասները՝ «Փաստ» օրաթերթի այսօրվա համարում

Թրամփը պատմել է ԵՄ-ից «նվեր ստացած» 600 մլրդ դոլարի մասին Վերականգնման աշխատանքներ՝ Շատիվանք վանական համալիրում և Գնդեվազի Սբ Աստվածածին եկեղեցումԱնգլիայի տներից մեկում բռնել են կես մետրից ավելի երկարությամբ առնետ Թրամփը հայտարարել է, որ հավանաբար այլևս չի առաջադրվի նախագահի պաշտոնում Թուրքիայում փորձել են հրկիզել Սուրբ Սոֆիա տաճարը Նեթանյահուն պլանավորում է գրավել ամբողջ Գազայի հատվածը և նման հրաման է տվել բանակին. լրատվամիջոցներԻրանը տարանցիկ ոլորտում ունի բացառիկ աշխարհագրական դիրք և ձգտում է ընդլայնել համագործակցությունը հարևան երկրների հետ. փոխնախագահԱդրբեջանի և Վրաստանի վարչապետները հանդիպել են Թուրքմենբաշիում Նեյմարի դուբլն օգնեց «Սանտոսին» հաղթել «Ժուվենտուդեին» Առանձնապես խոշոր չափերով թմրամիջոցներ մաքսանենգությամբ Հայաստան տեղափոխած անձինք կալանավորվել ենՔաղաքացին Մարմարիկ գետից էլեկտրական հոսանքահարման միջոցով կարմրախայտ է որսացելՏԵՍԱՆՅՈՒԹ․ Գողության դեմ պաշտպանիչ աքսեսուարներ, միջատների խայթոցների դեմ միջոցներ և արտաքին մարտկոցներ. ի՞նչ են հայերն ամռանը գնել Ozon-ում«Կիրականանա այն երազանքը, որը ես կրել եմ իմ մեջ այդքան տարիներ». Արկադի Դումիկյանը՝ իր մեծ մենահամերգի մասինՄարող արևը. Հայաստանի արևային էներգետիկայի ոլորտի մռայլ ապագան«EthnoRhythm. ազգային հնչյունների նոր զարկերակը»․ երիտասարդական մշակութային ծրագիր Գյումրիում «Հանրայինի» ռեպորտաժը ձևավորել է հանրային թյուր կարծիք և անհիմն շահարկումների առիթ է դարձել. «Սոգլասիե-Արմենիա» ՓԲԸ իրավաբանական խմբի հայտարարությունը Կյանքից հեռացել է 1990 թվականի ֆուտբոլի աշխարհի առաջնության չեմպիոն Ֆրենկ Միլը Ինչպե՞ս ընտրել ճիշտ արևային վահանակներ ձեր տան համարՀայաստանը և Ադրբեջանը ուրբաթ Վաշինգտոնում կստորագրեն փոխըմբռնման հուշագիր՝ պարտավորվելով հետամուտ լինել խաղաղության հաստատմանը. Middle East Eye Կորցնել նոր սերնդին` նշանակում է երկիր կորցնել. Ատոմ Մխիթարյան «Մի դրամի ուժի» թիմն այցելեց «Հայորդի» ճամբար Ներմուծողից՝ խոշոր արտադրող. «Էլեկտրիկա Գռուպ» Բազմաթիվ կյանքեր կփրկվեն, եթե Առողջապահության նախարարությունը հետևողական աշխատի. Պետրոս Անանիկյան Հայաստանում առաջինը. բացահանքի պատերի դեֆորմացիաների արձանագրման և կառավարման համար ԶՊՄԿ-ն հանքավայրում տեղադրել է լանջի կայունության ռադարԺողովուրդը պետք է բանակի հետ միասին լինի, և այդ բանակը չի պարտվի. Ավետիք Քերոբյան «ՀայաՔվե» միավորումը Լոռու մարզի Ալավերդի քաղաքում անցկացրեց ընտրական դիտորդների վերապատրաստման հերթական դասընթացըԱսել, որ սրբազանները պիտի անձնական կյանք չունենան, տոտալ տխմարություն է ժողովրդավարության տեսակետից. Արմեն Աշոտյան ՌԴ-ն Արցախից տեղահանվածներին մարդասիրական օգնություն է տրամադրում Գազ չի լինելու օգոստոսի 7-ին․ հասցեներ Գիշերը մի երկու կրակոց ա եղել, բայց ընդհանուր առմամբ, խաղաղ ա. Տեղի բնակիչ ՔՊ-ական բարքեր՝ ծեծ, կռիվ, լկտիացում Շիրակի թեմի առաջնորդին կոտրել չի հաջողվի Օգոստոսի 6-ից գիշերային ժամերին Դիլիջանի թունելով երթևեկությունը փակ կլինի Երևանում հրդեհ է բռնկվել «Mercedes»-ում. այն դարձել է ոչ շահագործելի Իրանը Հայաստանի իսկական բարեկամն է, ՌազմաՔաղաքական և Տնտեսական բնական դաշնակիցը. Խաչիկ ԱսրյանԻշխանությունը մանիպուլացնում է ՀԷՑ-ի մասին որոշումը Օգոստոսի 5-ին վթարային ջրանջատումներ կլինեն Երևանի մի շարք հասցեներում «Դուք տեսաք ինչպես էր հագնվել 56-ամյա Ջեյ Լոն, այսուհետ չքննադատեք, եթե ես հագնեմ բոդի». Իվետա Մուկուչյան Թրամփը շտապում է և պարտադրում Փաշինյանին և Ալիևին Պետդեպը ԱՄՆ մեկնելու համար վիզաների նոր ծրագիր է մեկնարկում Գողության դեմ պաշտպանիչ աքսեսուարներ, միջատների խայթոցների դեմ միջոցներ և արտաքին մարտկոցներ. ի՞նչ են հայերն ամռանը գնել Ozon-ում Սամվել Կարապետյանի ձերբակալությունը. հարցեր, որոնք մնացել են օդում Արբիտրաժի հարգումը ոչ թե կամավոր բարեհաճություն է, այլ իրավական պարտավորություն և պետության կայուն գոյության նախապայման. Վլադիմիր ՄարտիրոսյանՆիկոլն անհավատ է, նա իրավունք չունի մեր եկեղեցին քննադատելու. քաղաքացի Անապատներից տաք օդային հոսանքներ են ներթափանցում Հայաստան․ Գագիկ Սուրենյանը՝ եղանակի մասին Ստեփանծմինդա-Լարս ավտոճանապարհը բաց է «Սյունիքը սոսկ սահման չէ, այլ ողջ տարածաշրջանի ճակատագիր» Տարբեր uպառնալիքներով քաղաքացիներին ստիպում են լրացնել հայտարարագիր. Նաիրի Սարգսյան Ամերիաբանկը միացել է ԱՏՁՄ-ին` ազդարարելով ֆինանսական և տեխնոլոգիական ոլորտների աննախադեպ համագործակցության մասինՍյունիքի դարպասները բացելն ավարտվելու է պետության կործանմամբ. Արմեն Մանվելյան
Ամենադիտված