Անկարայի քրեական դատարանը սկանդալային որոշում է կայացրել

Թուրքական դատարանը մեջլիսի հայ պատգամավորին վիրավորած անձին անպատիժ է թողել: Ըստ թուրքական «Cumhuriyet» թերթի կայքի` դատարանն ընդունել է, որ քաղաքացի Իբրահիմ Քափլանի գրությունը Դողանին նվաստացնելու ու պատիվն արատավորելու նպատակ է ունեցել և վիրավորական տարրեր է պարունակել, սակայն Քափլանի նկատմամբ պատիժ չի սահմանել: Դատավոր Նեջդեթ Շահինը գտել է, որ «պատժ սահմանելու կարիք չկա»: Իսկ որոշումը հիմնավորել է այն բանով, որ դեպքից 2 ամիս անց հայ պատգամավորը «օրենքին հակասող» գրություն է թողել Twitter-ում` այն համարելով փոխադարձ վիրավորանք: Հիշեցնենք, որ Թուրքիայի ընդդիմադիր «Ժողովրդահանրապետական կուսակցությունից» ընտրված մեջլիսի հայ պատգամավոր Սելինա Դողանը դատարան էր դիմել այն բանից հետո, երբ «Facebook» սոցցանցում իր տեղադրած տեսանյութի տակ կասկածյալ Քափլանը թողել էր հետևյալ գրությունը. «Դուք անբարոյական եք: Հիմա էլ բացեիբաց հայերին բյուզանդացիների ժառանգորդ եք դարձնում: Կարծում եք` բյուզանդացիների թոռները ողջ են, իսկ Սուլթան Ֆաթիհի (Բյուզանդիան գրաված սուլթան Մեհմեդ 2-րդ-խմբ.) թոռները մահացե՞լ են, անբարոյականներ»: Այս գրությունից 2 ամիս անց 2016-ի մարտի 13-ին Թուրքիայում մահապարտ կնոջ իրականացրած պայթյունի կապակցությամբ Դողանը գրել էր հետևյալը. «Քանի դեռ չի խոսվում 1992 թվականին ծնված կնոջ կողմից իրեն պայթեցնելով շուրջը մահ սփռելու պատճառների մասին, ահաբեկչության դեմ պայքարը սուտ է»: Դատավորը հայ պատգամավորի այս գրությունը համարել է մեղադրյալին ուղղված փոխադարձ վիրավորանք և Քափլանին ազատել պատիժը կրելուց: ԿԱՐԴԱՑԵՔ ՆԱԵՎ Մարալիկ քաղաքի ծննդատունը փակման եզրին է. ծննդկան չկա ՏԵՍԱՆՅՈՒԹ. Ինչ է իրականում տեղի ունեցել փաստաբանների միջև. պարզաբանում է փաստաբանական դպրոցի տնօրենը ՏԵՍԱՆՅՈՒԹ. «Կազմակերպչական աշխատանքով» զբաղվում են նաև բուհերո՞ւմ Նման նյութեր Թուրքիան պետք է հարգանք ցուցաբերի օրենքի նկատմամբ. ՆԱՏՕ-ի գլխավոր քարտուղարՀայոց ցեղասպանության ճանաչման պատճառով Թուրքիան հետ է կանչել Չեխիայի դեսպանինՍիրիայի տարածքից ականանետից գնդակոծել են թուրքական ռազմաբազանԹուրքիայի Գերագույն դատարանը մերժել է սահմանադրական հանրաքվեի արդյունքները չեղարկելու մասին ընդդիմության հայցըԹուրքիան կվերանայի ԵԽԽՎ-ի հետ հարաբերությունները. Թուրքիայի ԱԳՆԹուրքիայի ռազմաօդային ուժերը սխալմամբ հարված են հասցրել դաշնակիցների ուղղությամբՀայոց ցեղասպանությունը դատապարտող հայտարարություն ԹուրքիայումՌուսաստանը պատրաստ է հեշտացնել Թուրքիայի համար վիզային ռեժիմը: