«Էդ մի «Սասնա ծռերն» էր ու վերջացա՞վ». ՀԱԿ-ը որոշում է կայացրել

«Առաջին լրատվական»-ի զրուցակիցն է ՀԱԿ վարչության անդամ, նախկին քաղբանտարկյալ Վարդան Մալխասյանը։

– Պարոն Մալխասյան, Սահմանադրական դատարանը մերժեց ընտրությունների արդյունքներն անվավեր ճանաչելու վերաբերյալ «Կոնգրես-ՀԺԿ» դաշինքի դիմումը։ Արդյոք ա՞յլ ակնկալիքով էիք դիմել ՍԴ։

– Ես բազմիցս նշել եմ, որ այս երկրում արդարադատություն գոյություն չունի՝ սկսած հենց Սահմանադրական դատարանից։ Սա ոչ թե իրավունքի, արդարության պետություն է, այլ կեղծիքի, չարիքի ու խաբեության տիրապետություն։ Սահմանադրական դատարան դիմելու պահից էլ ես գիտեի, որ այսպիսի որոշում են կայացնելու։ Հիմա մենք ինչո՞ւ դիմեցինք. որպեսզի դրան հաջորդող այլ քայլեր անենք՝ կարող է հասնենք նաև մինչև Եվրոպական դատարան։ Սա քաղաքական քայլ էր, որը շարունակություն է ունենալու։

– ՍԴ-ն որպես հիմնավորում բերել է այն փաստը, որ ձեր հանձնաժողովի անդամները տեղամասերում վավերացրել են ընտրությունների արդյունքները՝ նույնիսկ հատուկ կարծիք չեն կազմել, ստորագրել են բոլոր արձանագրությունները։ Սա ինչպե՞ս կբացատրեք։

– Հնարավոր է տեղամասերում խնդիրներ չլինեն, բայց հետագայում փաստեր ի հայտ գան։ Օրինակ՝ զանգվածային կաշառատվություն է եղել՝ կաշառքով քվեներ են գնել։ Հարց է առաջանում՝ վստահված անձինք կարո՞ղ էին դա բացահայտել, իհարկե՝ ոչ, բայց եթե իշխանավորները տրամադրված լինեին՝ հազարներով դեպքեր կարձանագրեին. բացահայտման մեխանիզմն իրենց ձեռքում է։ Սերժ Սարգսյանը ոստիկանությանը կամ ազգային անվտանգությանը կարող էր հրահանգ իջեցնել, որ խստագույնս հետևեք և բռնեք կաշառքը, տեսեք՝ ինչքան մարդ կբռնվեր։ Այդ ինչպե՞ս է լինում, որ երբ ուզում են ընդդիմադիր գործիչների հետ կապված փաստեր բերել մեջտեղ, ամիսներով հետևում են այդ մարդուն, հեռախոսն են գաղտնալսում՝ մինչև մի բան պարզում են։ Մեր դատի ժամանակ, օրինակ, պարզվեց, որ վեց ամիս առանց օրենքի գաղտնալսել են։ Եթե ուզենային՝ կգաղտնալսեին ու ջրի երես կբերեին, բայց չեն արել. բոլորը Սերժ Սարգսյանի թողտվությամբ է տեղի ունեցել։ Անհերքելի փաստեր են ի հայտ եկել, և մենք մտածեցինք, որ դատարանը գոնե այս անգամ ճիշտ որոշում կկայացնի։ Մենք հույս չունեինք, պարզապես փուլեր կան, որ պետք է անցնես։ Հիմա կանցնենք այլ փուլերի։

շարունակությունը՝ կայքում