Փաշինյանի հրաժարականը պահանջող երթի մասնակիցները կոչով դիմեցին ՀՀ նախագահին
Քաղաքականություն
Մենք այժմ գտնվում ենք Բաղրամյան 26 շենքի մոտ, ցավոք սրտի Արցախյան կորստից հետո մեր շատ հայրենակիցներ հասկացան, թե 2018 թվականին ում են բերել իշխանության, բայց կարող էին նույն 2018 թվականին հասկանալ, որ իշխանության են բերել մեկին, որը միայն սիրում է նյութապաշտությունը, հարմարավետությունը։ Այս մասին Նիկոլ Փաշինյանի հրաժարականը պահանջող երթի ընթացքում ասաց Գեղամ Մանուկյանը։
Եվ դիմելով ՀՀ նախագահ Արմեն Սարգսյանին ասաց․ «Հիմա մեկ վայրկյան այստեղ կանգնած դիմում ենք ՀՀ նախագահին, այն նախագահին, ով պատերազմի ավարտից մի քանի օր հետո, հանրային բողոքներից հետո, պաշտոնապես միացավ շարժմանը և միացավ պահանջին՝ Փաշինյանի ու կառավարության հրաժարականին։ Այժմ մեր պահանջն է, որ Արմեն Սարգսյանը լինի իր այդ պաշտոնական պահանջին տերը», - ասաց Մանուկյանը։
Նա շեշտեց, որ նախագահը պետք է անի երկու գործողություն՝ պահանջի վարչապետի և կառավարության հրաժարականը, և չվավերացնի որևէ փաստաթուղթ, որն ուղարկում են նախագահական վավերացնելու՝ վարչապետի աթոռը գրաված անձի կողմից։
Ըստ նրա, նախագահն ունի այդ փաստաթղթերը չվավերացնելու իրավունք, քանի որ վերջինս Նիկոլ Փաշինյանի նախագահը չէ, այլ ՀՀ նախագահն է։
1
2
3
4
5
1
3
4
5
3
4
5
