Հայերեն


«Էրատո» ջոկատի գորիսյան արկածները

Հասարակություն

«168 ժամ» թերթը գրում է. «Օրեր առաջ Աբովյան քաղաքում Նիկոլ Փաշինյանն անդրադառնալով կնոջ՝ Աննա Հակոբյանի՝ «Էրատո» ջոկատի «մարտական» գործողություններին, հայտարարել է, թե այդ ջոկատը Գորիսի խրամատներում է կանգնել:

«Ստեփանակերտից հետո, երբ ասում եմ, որ սա Սարդարապատ է, պետք է կանգնել, կինս կանանց կամավորական ջոկատ է կազմում, ու գնում են Սիսիանում մարտական պատրաստություն են անցնում ու գնում կանգնում Գորիսի խրամատներում: Ի՞նչն է այստեղ վատ, դավաճանությո՞ւն ա: Պետք է գնային սալոններում լինեին, որ ճիշտ լինե՞ր»,- ասել էր նա:

Մի կողմ թողնենք, որ այդ օրերին սոցցանցերում հատկապես կանայք քննարկում էին «ֆենած» մազերով «էրատոներին»՝ կարծես ամեն օր սալոններից էին դուրս գալիս…

Ինչևէ:

Մեր տեղեկություններով՝ նախ Աննա Հակոբյանի և «Էրատո» ջոկատի անվտանգության ապահովման համար Գորիսում բունկեր և խրամատ էր փորվել:

Ավելի ուշ 2-րդ, 3-րդ գծում մի փոքր փոս են փորել, երբ Աննա Հակոբյանը հոկտեմբերի 17-19-ին գնացել է այնտեղ, բայց սա դասական իմաստով խրամատ չի եղել:

Ինչ վերաբերում է այդ օրերին սոցցանցերում տարածված «Էրատո» ջոկատի և Աննա Հակոբյանի «ռազմական» նկարներին, ապա դրանք արվել են Կոռնիձոր-Խնձորեսկ հատվածում գտնվող մի տան նկուղում, որտեղ Աննա Հակոբյանը «բուշլատով» ծածկված է:

Հիշեցնենք, որ ավելի վաղ Նիկոլ Փաշինյանը հայտարարել էր, թե կնոջը հանձնարարել է գնալ Արցախ՝ հրամանատարական կետ՝ բարոյական աջակցություն, զորակցություն հայտնելու:

«Իմ տիկնոջն են թիրախ դարձնում՝ մոռանալով հարց տալ, իսկ հրթիռակոծվող քաղաքում, որի բնակչության 70 տոկոսը լքել է իր բնակչության վայրը, ի՞նչ գործ ուներ վարչապետի ընտանիքի անդամը, այսինքն՝ Բադեն-Բադենի սանատորիա՞ էր հրթիռակոծվող քաղաքը, որ այնտեղ գտնվելը փորձ է արվում ներկայացնել՝ որպես իշխանության ցոփության օրինակ։ Ռմբապաստարաններում մնացած բնակիչներին հաց ու ջուր հասցնելը հանցագործությո՞ւն էր»,- ասել էր Փաշինյանը:

Արցախի Հանրապետության նախագահի աշխատակազմի տեղեկատվության գլխավոր վարչության պետ Վահրամ Պողոսյանն էլ հավելել էր, թե Աննա Հակոբյանը պատերազմի ժամանակ Արցախում գտնվելու օրերին ներգրավված է եղել բացառապես թիկունքային աշխատանքներում:

Սա՝ այն դեպքում, երբ ՊԲ նախկին հրամանատար և ՀՀ ԶՈՒ ԳՇ նախկին պետ Մովսես Հակոբյանը լրագրողներին հստակ հայտնել էր, թե ինչպես է Աննա Հակոբյանը բունկերում նստած հետևել մարտական գործողություններին:

«Հրամանատարական կետից ես բարձրացել եմ վերև՝ ճաշելու, իջել եմ, տեսել եմ՝ նստած է տիկին Աննան, էկրանի առաջ, որտեղ երևում են մարտական գործողությունները, կողքին կանգնած է Բաբայան Սամվելը: Բարևել եմ, նստել սեղանի շուրջ, որովհետև այնտեղ ընթանում էր մեկ դիտարժան մարտ, բոլորդ շատ երկար ժամանակ լուսաբանում էիք, դա հակառակորդի մուտքն էր դեպի Մատաղիս, երբ որ մեր զորքերը ջախջախում էին և բավականին էֆեկտիվ էին ջախջախում: Տիկին Աննան նստած դիտարկում էր, որևէ գործի չէր խառնվում, որևէ հարցի չէր միջամտում, ցուցումներ չէր տալիս, դիտարկում էր ընդամենը՝ ինչ էր կատարվում մարտի դաշտում: Երբ որ դա ավարտվեց, ես մոտեցա, խնդրեցի-ասեցի՝ տիկի՛ն Աննա, այսպիսի տեսարժան բաներ չի լինելու. մնացած ուղղություններում ընթանում են մարտեր: Նպատակահարմար է, որ Դուք գնաք, որովհետև տղաները խոսում են, գոռում են, կարող է նաև՝ հայհոյեն, կաշկանդվում են Ձեզնից: Ասեց՝ լավ: Մի 20 րոպե նստեց-գնաց: 4 ժամից հետո ինձ կանչեցին Երևան»,- մանրամասնել էր գեներալը:

Ի դեպ, հոկտեմբերի 6-ին Աննա Հակոբյանը գրառում էր կատարում, որ գտնվում են գնդակոծվող քաղաքում, և կից տեսանյութ տեղադրում, որտեղից երևում էր, որ ինքը և Նիկոլ Փաշինյանը դուրս են գալիս առանձին զրույցից, իսկ դռների առաջ նրանց սպասում են Արցախի նախագահ Արայիկ Հարությունյանն ու ԱԺ նախագահ Արարատ Միրզոյանը։

Հիշեցնենք, որ այդ օրերին իրականացվել է Սամվել Բաբայանի մտահղացած Քյանդ-Հորադիզ օպերացիան:

«Ես որքան գիտեմ՝ պատերազմի ժամանակ էլ և պատերազմից հետո, այս վերջին 5-6 օրը ավելի ակտիվ ինչ-որ Լելե Թեփե են ասում: Օպերացիայի գաղափարը ես եմ առաջարկել։ Ամսի (հոկտեմբերի- խմբ․) 5-6-ը, երբ հակառակորդի մի թևն արդեն Ջաբրայիլի բերանում էր, մյուս թևը Հադրութի Բանաձոր գյուղն էր վերցրել, երրորդ թևը գնում է դեպի Խոդաֆերին, պարոն Փաշինյանը սելեկտորով կապվում է Օնիկ Գասպարյանի հետ, որ այստեղի գեներալները նման բան են ասում։ Խոսակցության ընթացքում ես միջամտում եմ, ասում եմ՝ եթե դուք կարողանում եք այդ տարածքում պաշտպանություն կազմակերպելու, մենք կարող ենք չանել, բայց եթե չենք կարող, միակը մնում է այդ քայլը։ Մարդը ասում է, որ չի լինում, մենք չունենք ռեսուրսներ, որ կանգնեցնենք հակառակորդին այդ երեք ուղղություններով, այսինքն՝ մնում է Հորադիզը, Լելե Թեփեն 9-10 կմ այդտեղից հեռու է։ Հորադիզից ուղիղ ճանապարհ է իջնում մինչև Արաքս գետ, եթե մենք չենք կարողանում այդ 12 կմ փակել, ապա 100կմ ինչպե՞ս ենք պաշտպանություն ստեղծում։ Առաջարկը եղել է իմ կողմից, 1993 թվականին այդ տարածքները այդ կերպ ենք ազատագրել։ Ցավալին նա է, որ մասնակիցներից մեկն է դա ասում՝ ճանապարհը փակել ենք, օղակի մեջ ենք վերցրել, ով անցել է Իրանի կողմ, ով էլ զոհվել է։ Առաջարկ է եղել նույն կերպ գործել, ընդունել է և՛ Ջալալը, և՛ Օնիկը Գասպարյան, որ այո, դա է միակ ձևը»,- Հանրային ՀԸ հաղորդավար Պետրոս Ղազարյանին տված հարցազրուցում ասել էր Արցախի Ազգային անվտանգության խորհրդի նախկին քարտուղար Սամվել Բաբայանը։

Նշենք, որ հոկտեմբերի 6-ին Նիկոլ Փաշինյանը հարցազրույց էր տվել ռուսական РБК հեռուստաալիքին, որտեղ նշել էր.

«Եթե հաշվի առնենք այն տեղեկատվությունը, որը ստացվում է այսօր վաղ առավոտից, կարող ենք ասել, որ ղարաբաղցի զորահրամանատարների մտահղացումն իրագործվել է․ նրանք հարավում մարտավարական քայլեր են ձեռնարկել՝ միջանցք են թողել և այնտեղ ծուղակի մեջ գցել Ադրբեջանի ռազմական կորպուսը։ Բառացիորեն այս վայրկյաններին այդ կորպուսը ստանում է ջախջախիչ հարվածներ։ Եվ ես կարծում եմ, որ սա կլինի ողջ գործողության առանցքային կետը։ Այս պահին, իմ տեղեկություններով, դրվում է ղարաբաղյան բանակի վերջնական հաղթանակի իրական հիմքը: Ես սա ասում եմ, որովհետև ղարաբաղցի, հայ զորահրամանատարները ծրագիր ունեին՝ հետ քաշվել Ջաբրայիլի ուղղությամբ և այնտեղ ներքաշել ադրբեջանական բանակի մեծ ուժեր։ Երեկ երեկոյան նրանք այնտեղ են մտել մեծ, շատ մեծ ուժերով, և այսօր առավոտից նրանց ջախջախիչ հարված է հասցվում, գործողությունը չափազանց հաջող է ընթանում»:

Այսինքն, Աննա Հակոբյանի՝ այս օրերի այցը Արցախ, բնավ պատահական չէր:

Ավելին, վերադառնալով հոկտեմբերի 17-19-ը Սյունիքի մարզ՝ Գորիս կատարած այցին, նկատենք, որ այն, ըստ էության, ևս պատահական չէր: Այսինքն, Աննա Հակոբյանի այցերը համընկնում են ինչ-որ ճակատագրական իրադարձության հետ, այլոց համար ճակատագրական:

Աշոտ Փաշինյանը, մեզ հասած տեղեկություններով, եղել է Կուբաթլիում, այնուհետ Քաշաթաղի շրջանում՝ Իշխանաձորի հատվածում, Կարապետավանում:

Իսկ հոկտեմբերի 18-19-ը թեժ մարտեր են ընթացել Իշխանաձորի և Այգեհովիտի հատվածներում, որի ժամանակ Իջևանի գունդը մոտ 4 տասնյակ զոհ է տվել՝ սպաներ և ժամկետայիններ, զոհերի թվում եղել են ԳՇ նախկին պետ Օնիկ Գասպարյանի ընկերները՝ փոխգնդապետ Արմեն Օհանյանը և գնդապետ Թաթուլ Ղազարյանը:

Ասում են՝ Աշոտ Փաշինյանին փրկելու օպերացիա է իրականացվել նաև:

Ի դեպ, նոյեմբերի կեսին Աննա Հակոբյանը իր «Էրատո» ջոկատից լուսանկարներ էր հրապարակել՝ մակագրելով․ «Քանի որ դիրքերից իմ տեսաուղերձում միայնակ լինելուս հանգամանքը և իմ կողքին կանգնած զինված դիրքապահը (մեր ջոկատի աղջիկներից մեկն է), մեր շատ հայրենակիցների անհանգստացրել է, տեղադրում եմ մի քանի լուսանկար մեր առօրյա կյանքից»։

Այդ լուսանկարների հրապարակումից հետո Աբխազիայի հայ համայնքից 168․am-ի հետ կապ հաստատած մեր վստահելի աղբյուրները միաբերան նշել էին, որ Աննա Հակոբյանի կողքին գտնվող լուսանկարում նշված կնոջ անունը Գայանե է, նա Աբխազիայում թուրքերի հետ սերտ հարաբերությունների մեջ է եղել։ Նրանք անհանգստացած էին, որ այդ կինը պատերազմի օրերին Աննա Հակոբյանի ջոկատում է․

«Նկարում նշվածին Աբխազիայում ճանաչել եմ երկար տարիներ, բոլորը գիտեն` ինքը թուրքերի հետ էր․ թուրքերի, որոնք առևտրով էին զբաղվում։ Ամուսինը բռնացնում է, թուրքերը զենքը պահում են ամուսնու գլխին, ասում են՝ կխփենք, եթե ձայն հանես։ Այդ կարգի մարդկանց, փաստորեն, Աննա Հակոբյանի ջոկատ են ընդգրկում, ներկայացնում, իբրև հայրենասերնե՞ր, իբրև թե դիրքերում են։ Այդ կինը սրբապիղծ է, ու նա այսօր Աննա Հակոբյանի հետ իբր թուրքի դեմ է կռվում, հա՞…»:

Ավելին՝ այստեղ

Մենք ունենք բարելավելու դաշտ՝ տեղական ինքնակառավարման մարմինների և մարզերի ֆինանսական հոսքերի վերաբերյալ.Մհեր ՊոլոսկովԱրցախի Արդարություն կուսակցությունը կոչ է անում քվեարկել «Հայաստան» դաշինքի օգտինՄեր տունը Հայաստանն է կուսակցության քայլերթը ԳյումրիումԵս կրկին գալու եմ խոսելու քո´ անունից և քո´ խնդիրների շուրջ, գալու եմ մեջքդ ուղղելու, պատիվդ ու արժանապատվությունդ վերականգնելու. Ս. Խաչատրյան Ինչո՞ւ ընտրել Բարգավաճ Հայաստան կուսակցությանը...ՌՀՄ պատասխանը՝ Ադրբեջանի հայտարարությանը Գագիկ Ծառուկյանի նախընտրական քարոզարշավը՝ Արմավիրի մարզի Էջմիածին քաղաքումԱրցախում որոնողական աշխատանքները շարունակվում են Հադրութի շրջանում Beeline-ը հերքում է քաղաքական քարոզչությունը Ադրբեջանը միջազգային հետախուզում է հայտարարել ՌԴ հայերի միության նախագահ Արա Աբրահամյանի նկատմամբ Գարիկ Մարտիրոսյանն իր աջակցությունն է հայտնել Լուսավոր Հայաստանին Երկու խորհրուրդ՝ ընտրություններին ընդառաջ Փաշինյանի կուսակցությունը մարզերում 20 լիտր բենզինի կտրոններ է բաժանում՝ որպես ընտրակաշառք․ Մեդիապորտ Հովհաննես Մանուկյանը հրապարակեց իր թեկնածուի անունը Ռուսաստանի հայերի միության նախագահ Արա Աբրամյանի հանդիպումը գործարար Արթուր Բաքոյանի հետ․ տեսանյութ «Տաշիր» ընկերությունների խումբն արձագանքել է Բաքվի մեղադրանքներին Արցախի ՊԲ-ն հայտարարություն է տարածել Քաղաքացիների 29.7%-ն իրենց վստահության քվեն պատրաստ են տալ «Բարգավաճ Հայաստան» կուսակցությանը Ես և մեր թիմը պատրաստ ենք պահպանել ժողովրդի հաղթանակը և թույլ չենք տա քաղաքացիական պատերազմ. «Միասնություն» շարժման ղեկավար Արման Վարդանյան Նիկոլն ուզում է բախումներ հրահրել Երևանի փողոցներում՝ ընտրությունները չեղյալ հայտարարելու համար․ Գաբրիելյանով Նախագահական նստավայրում տեղի է ունեցել դատավորների երդման արարողություն Թուրքիայում հարձակվել են ընդդիմադիր կուսակցության գրասենյակի վրա և սպանել աշխատակցին Ով է կարգադրել, որ մեր ՀՕՊ-ը անջատի ՌԷՊ-ը, ինչից անմիջապես հետո թուրքական ԱԹՍ-ն մտել է ներս Տոկիո 2020-ին ընդառաջ ՀԱՕԿ նախագահը հանդիպել է մարզաշխարհի ներկայացուցիչների հետ 1989 թվականին ընդունված փաստաթուղթը ուժի մեջ մտավ «Այս իշխանությունը տապալեց տնտեսության պոտենցիալը, վնաս հասցնելու ցանկը շատ երկար է». Աուդիտորների պալատի նախագահ. «Փաստ» Վթարի ենթարկված 14-ամյա պատանու վիճակը շարունակում է մնալ ծանր․ «Սուրբ Աստվածամայր» ԲԿ Մեկնարկել է «Մաթեմատիկա» առարկայից միասնական քննությունը Կորոնավիրուսի հաստատված դեպքերի թիվն աճել է 86-ովԱՄՆ նախագահի նստավայրի մոտ անհայտ կնոջ դի է հայտնաբերվել Ադրբեջանը հրապարակել է ևս 14 հայ գերիների անուններ «Mercedes»-ի վարորդը մահացել է Նիկոլ Փաշինյանին փոխարինած Տիգրան Ավինյանը նոր որոշում է ստորագրել Մենք պետք է հաղթահարենք պարտվողի բարդույթը. գալիս ենք հայրենասիրություն սերմանելու համար, իսկ հայրենիքը հողն է և դուք եք. Ռոբերտ Քոչարյան (տեսանյութ) Այսօր ամփոփում ենՆիկոլ Փաշինյանի ելույթի կեսից մարդիկ խմբերով հեռացել են Հրապարակից (տեսանյութ) Նավթի գները նվազել են NYMEX. Թանկարժեք մետաղների գները նվազել են Ամերիկյան ինդեքսները նվազել են՝ բացառությամբ Nasdaq-ի Եվրո-2020. Դե Բրույնեի վերադարձը հաղթանակ է բերում բելգիացիներին ու նվազեցնում Դանիայի ընտրանու՝ խմբից դուրս գալու շանսերը ԵՎՐՈ-2020. Նիդերլանդները երկրորդ հաղթանակը տոնեց ու ստանձնեց խմբի առաջատարությունը (տեսանյութ) «ՀԷՑ»-ը տեղեկացնում է. Երկար ժամանակով լույս չի լինելու Գագիկ Ծառուկյանի հարցազրույցը Հանրային հեռուստաընկերությանըՀրապարակը՝ կապիտուլյանտի ելույթի պահինԲՀԿ-ն համապետական հանրահավաք է անցկացրել Ազատության հրապարակում Ով է կանգնած Տիգրան Արզաքանցյանի դեմ քարոզարշավի հետևում «Դեմ դիմաց». Դավիթ Խաժակյան VS Միքայել ՄելքումյանԳիտությունը «Լուսավոր Հայաստան»-ի նախընտրական ծրագրումԱդրբեջանի կողմից բռնազավթված տարածքներում հայտնաբերվել է ևս 3 աճյուն«Մեր տունը Հայաստանն է». քարոզարշավը՝ վաղը 11:15-ին
Ամենադիտված