Հայերեն


1989 թվականին ընդունված փաստաթուղթը ուժի մեջ մտավ

Հասարակություն

Հունիսի 18-ին ուժի մեջ է մտնում 1989 թվականի դեկտեմբերի 15-ին ընդունված «Քաղաքացիական և քաղաքական իրավունքների մասին» միջազգային դաշնագրի մահապատժի վերացմանն ուղղված 2-րդ կամընտիր արձանագրությունը։

«Սույն արձանագրության կողմ պետությունները, համարելով, որ մահապատժի վերացումը նպաստում է մարդկային արժանապատվության բարձրացմանը և մարդու իրավունքների առաջադիմական զարգացմանը,

վկայակոչելով 1948 թվականի դեկտեմբերի 10-ին ընդունված Մարդու իրավունքների համընդհանուր հռչակագրի 3-րդ հոդվածը և 1966 թվականի դեկտեմբերի 16-ին ընդունված «Քաղաքացիական և քաղաքական իրավունքների մասին» միջազգային դաշնագրի 6-րդ հոդվածը,

նշելով, որ «Քաղաքացիական և քաղաքական իրավունքների մասին» միջազգային դաշնագրի 6-րդ հոդվածը վերաբերում է մահապատիժը վերացնելուն այն մասով, որով հորդորվում է, որ վերացումը ցանկալի է,

համոզված լինելով, որ մահապատժի վերացմանն ուղղված բոլոր միջոցները պետք է դիտարկել որպես կյանքի իրավունքի իրականացման հարցում ունեցած առաջընթաց,

ցանկանալով սույնով ստանձնել մահապատիժը վերացնելու միջազգային հանձնառություն,

համաձայնեցին հետևյալի շուրջ.

Հոդված 1

1. Սույն արձանագրության կողմ պետության իրավազորության ներքո գտնվող ոչ մի անձ չպետք է ենթարկվի մահապատժի:

2. Յուրաքանչյուր Կողմ պետություն ձեռնարկում է բոլոր անհրաժեշտ միջոցները՝ իր իրավազորության շրջանակներում մահապատիժը վերացնելու համար:

Հոդված 2

1. Սույն արձանագրության մասով ընդունելի չէ որևէ վերապահում՝ բացառությամբ վավերացման կամ միանալու պահին կատարվող վերապահման, որով նախատեսվում է պատերազմի ժամանակ մահապատժի կիրառում` պատերազմի ժամանակ կատարված ամենալուրջ զինվորական հանցագործությունների համար դատապարտման հիմքով։

2. Նման վերապահում կատարող Կողմ պետությունը վավերացման կամ միանալու պահին Միավորված ազգերի կազմակերպության գլխավոր քարտուղարին հաղորդում է պատերազմի ժամանակ կիրառելի իր ազգային օրենսդրության համապատասխան դրույթների մասին:

3. Նման վերապահում կատարած Կողմ պետությունը Միավորված ազգերի կազմակերպության գլխավոր քարտուղարին ծանուցում է իր տարածքի նկատմամբ կիրառելի` ցանկացած պատերազմական վիճակի սկզբի կամ ավարտի մասին:

Հոդված 3

Սույն արձանագրության կողմ պետությունները, Դաշնագրի 40-րդ հոդվածին համապատասխան, Մարդու իրավունքների հարցերով կոմիտեին ներկայացվող զեկույցներում ներառում են տեղեկություններ սույն արձանագրությունը գործողության մեջ դնելու համար իրենց սահմանած միջոցների մասին։

Հոդված 4

Դաշնագրի՝ 41-րդ հոդվածի համաձայն հայտարարություն արած Կողմ պետությունների մասով Մարդու իրավունքների հարցերով կոմիտեի՝ հաղորդումներ ստանալու և քննարկելու իրավասությունը տարածվում է սույն արձանագրության դրույթների վրա այն դեպքում, երբ մի Կողմ պետությունը բողոքում է մյուս Կողմ պետության կողմից սեփական պարտավորությունները կատարված չլինելու մասին, եթե տվյալ Կողմ պետությունը վավերացման կամ միանալու պահին հակառակ հայտարարություն չի արել։

Հոդված 5

1966 թվականի դեկտեմբերի 16-ին ընդունված «Քաղաքացիական և քաղաքական իրավունքների մասին» միջազգային դաշնագրի առաջին կամընտիր արձանագրության կողմ պետությունների մասով Մարդու իրավունքների հարցերով կոմիտեի՝ իր իրավազորության ներքո գտնվող առանձին անհատներից հաղորդումներ ստանալու և քննարկելու իրավասությունը տարածվում է սույն արձանագրության դրույթների վրա, եթե տվյալ Կողմ պետությունը վավերացման կամ միանալու պահին հակառակ հայտարարություն չի արել:

Հոդված 6

1. Սույն արձանագրության դրույթները կիրառվում են որպես Դաշնագրի լրացուցիչ դրույթներ։

2. Չհակասելով սույն արձանագրության 2-րդ հոդվածով սահմանված վերապահում կատարելու հնարավորությանը՝ սույն արձանագրության 1-ին հոդվածի 1-ին կետով երաշխավորված իրավունքի վրա չի տարածվում որևէ շեղում կատարելու հնարավորություն՝ Դաշնագրի 4-րդ հոդվածի ներքո։

Հոդված 7

1. Սույն արձանագրությունը բաց է Դաշնագիրն ստորագրած ցանկացած պետության ստորագրման համար։

2. Սույն արձանագրությունը ենթակա է վավերացման Դաշնագիրը վավերացրած կամ դրան միացած ցանկացած պետության կողմից։ Վավերացման փաստաթղթերն ի պահ են հանձնվում Միավորված ազգերի կազմակերպության գլխավոր քարտուղարին:

3. Սույն արձանագրությունը բաց է Դաշնագիրը վավերացրած կամ դրան միացած ցանկացած պետության միանալու համար։

4. Միացումը կատարվում է միանալու մասին փաստաթուղթը Միավորված ազգերի կազմակերպության գլխավոր քարտուղարին ի պահ հանձնելու միջոցով։

5. Միավորված ազգերի կազմակերպության գլխավոր քարտուղարը սույն արձանագրությունն ստորագրած կամ դրան միացած բոլոր պետություններին տեղեկացնում է վավերացման կամ միանալու վերաբերյալ յուրաքանչյուր փաստաթուղթ ի պահ հանձնելու մասին։

Հոդված 8

1. Սույն արձանագրությունն ուժի մեջ է մտնում վավերացման կամ միանալու մասին տասներորդ փաստաթուղթը Միավորված ազգերի կազմակերպության գլխավոր քարտուղարին ի պահ հանձնվելու օրվանից երեք ամիս հետո։

2. Վավերացման կամ միանալու մասին տասներորդ փաստաթուղթն ի պահ հանձնվելուց հետո սույն արձանագրությունը վավերացնող կամ դրան միացող յուրաքանչյուր պետության համար սույն արձանագրությունն ուժի մեջ է մտնում վավերացման կամ միանալու մասին իր փաստաթուղթն ի պահ հանձնելու օրվանից երեք ամիս հետո։

Հոդված 9

Սույն արձանագրության դրույթները տարածվում են դաշնային պետությունների բոլոր հատվածների վրա՝ առանց որևէ սահմանափակման կամ բացառության։

Հոդված 10

Միավորված ազգերի կազմակերպության գլխավոր քարտուղարը Դաշնագրի 48-րդ հոդվածի 1-ին կետում նշված բոլոր պետություններին տեղեկացնում է հետևյալ մանրամասների մասին՝

ա) վերապահումներ, հաղորդումներ և ծանուցումներ՝ սույն արձանագրության 2-րդ հոդվածի համաձայն,

բ) սույն արձանագրության 4-րդ կամ 5-րդ հոդվածների համաձայն արված հայտարարություններ,

գ) ստորագրություններ, վավերացումներ և միանալու դեպքեր՝ սույն արձանագրության 7-րդ հոդվածի համաձայն,

դ) սույն արձանագրությունն ուժի մեջ մտնելու օր՝ դրա 8-րդ հոդվածի համաձայն։

Ավելին՝ այստեղ

«Ամունդի-ԱԿԲԱ Ասեթ Մենեջմենթ»–ի ակտիվների մեծությունը հատել է 212 միլիարդ դրամի շեմը3 հրշեջ ինքնաթիռ, 9 ԱԹՍ, 38 հրշեջ ուղղաթիռ, 620 հրշեջ մեքենա. արտակարգ իրավիճակԵԽ–ում դատապարտել են Բաքվին ՀՀ ՊՆ-ն նոր հաղորդագրություն է տարածել Արցախից ծանր գանգուղեղային վնասվածքով 3-ամյա երեխա է տեղափոխվել «Սուրբ Աստվածամայր» ԲԿ Ստեփանակերտի քաղաքապետարանը տեղեկացնում է Արտակարգ դեպք՝ Երևանում․ ՄԻՊ գրասենյակի դիմաց քաղաքացին ինքնահրկիզվել էՆոր հայտարարությունՌուսաստանը հայտարարություն տարածեց հայ-ադրբեջանական սահմանին ստեղծված իրավիճակի վերաբերյալԿրթությունը՝ ամուր պետության հիմք․ IDBank-ն ու Հայ-Ռուսական համալսարանը կհամագործակցեն Թշնшմին կրшկ է բшցել Երшսխի հшյկшկшն դիրքերի ուղղությամբ. ՊՆՆիկոլ Փաշինյանը նոր պաշտոն տվեցԻնչ իրավիճակ է Գեղարքունիքի համայնքներում Արտառոց միջադեպ Զվարթնոց օդանավակայանում ՌԴ-ՊՆ նոր հաղորդագրություն տարածեցԱյսօր առավոտյան նոր որոշում է ստորագրվելՋալալ Հարությունյանի տեղաշարժի մասին Ադրբեջանն ինքնուրույն չի իմացել. ցուցմունք է տրվելԱԹՍ-ների խոցում չի եղելԱրվեստը և ինժեներությունը կարող են քայլել միասին և մեծ ոգեշնչման աղբյուր դառնալ Հայաստանում արդյունաբերական արտադրությունն աճել է 2,1 տոկոսով՝ ԵԱՏՄ-ում 4,4 տոկոս աճի ֆոնին Կիելինին կերկարաձգի պայմանագիրը «Յուվենթուսի» հետ 11/11/20-30/07/21. հայկական զինուժն ունի առնվազն 66 զոհ«ՀԷՑ»-ը տեղեկացնում է. Լույս չի լինելու ՀՕՊ ստորաբաժանումները Գեղարքունիքի հատվածում կասեցրել են ԱԹՍ-ների՝ ՀՀ օդային տարածք մուտք գործելու փորձերը․ ՊՆ Կոնֆերենցիաների լիգա. «Արարատը» ոչ-ոքի խաղաց ու դուրս մնաց պայքարից Երկրաշարժ՝ Հայաստանում Տոկիո-2020-ի ընթացքում մեկնարկում է «UCOM SPORT CHALLENGE» սպորտային մարզաձևերի մրցույթ-մարտահրավերՄահացել է Արմեն ՇեկոյանըՃՈ ավագ տեսուչը յուրացրել է իրեն վստահված ուրիշի առանձնապես խոշոր չափերով գույքը Դոլարի փոխարժեքն աճել է ավելի քան 2 դրամով. եվրոն թանկացել է 5 դրամով Յունիբանկի պարտատոմսերի փոխցուցակումը Մոսկվայի բորսայում ճանաչվել է Հայաստանի լավագույն գործարք Բացառիկ կադրեր հարձակման ենթարկված դիրքիցՆյարդայնացնող բանակցություններ են. Շոյգուն հայտարարություն տարածեց Դավիթ Այդոևի մորը հրաժարվում են վիրահատել գումարի պատճառովԱրտակարգ պատահար Սյունիքում. լեգենդար «Եղնիկներ» զորամասի 27-ամյա սպան տեղափոխվել է հոսպիտալՆոր հաղորդագրություն ԱրցախիցՊեսկովը` Փաշինյանի հայտարարության մասին Նիկոլ Փաշինյանն առաջին անգամ խոսեց ադրբեջանական վերջին հարձակման մասինԱյսօր թշնամու կրակոցից վիրավորված զինծառայողն ավագ լեյտենանտ է NYMEX. Թանկարժեք մետաղների գներն աճել են Նավթի գներն աճել են Ադրբեջանը չի ստորագրել խաղաղապահների մանդատը. Փաշինյան Չհայտարարված այցեր Մահացել է Մերի Շահբազյանը Գազ չի լինելու Ունենք 123 առողջացած և 7 մահվան դեպք Ինչպես Հայաստանն Ադրբեջանի տարածքով պետք է հաղորդակցություն ունենա, այնպես էլ Ադրբեջանը պետք է Հայաստանի տարածքով հաղորդակցություն ունենա. Նիկոլ ՓաշինյանԲաքուն խնդրանքով դիմել է Երևանին Հայտնի է՝ քանի զոհ է տվել Ադրբեջանը երեկվա բախման արդյունքում ԱՄՆ-ը կոչով դիմել է Հայաստանին և Ադրբեջանին
Ամենադիտված