Ավտովթար՝ Ստեփանակերտ քաղաքում
Հասարակություն
Հուլիսի 17-ին ժամը 20:16-ին ԱԻՊԾ ճգնաժամային կառավարման կենտրոնում Ստեփանակերտ քաղաքի բնակչից ահազանգ է ստացվել, որ Ուլուբաբյան 45 հասցեում կողաշրջվել է բեռնատար մեքենա և բենզաբակից թափվում է վառելիքը:
Օգնություն ցուցաբերելու նպատակով փրկարար ուժերի վարչության ՀՓՄ-ի հրշեջ մեքենան մեկ մարտական հաշվարկով մեկնել է դեպքի վայր:
Պարզվել է, որ իրար են բախվել Ստեփանակերտ քաղաքի բնակիչներ Ա.Գ-ի (1987թ.ծնվ.) վարած «Mercedes-Benz c-200» մակնիշի ավտոմեքենան և Ա.Մ-ի (1987թ.ծնվ.) վարած «ԳԱԶ-53» մակնիշի բեռնատար մեքենան:
ՃՏՊ-ի հետևանքով «ԳԱԶ-53» մակնիշի բեռնատար մեքենան հայտնվել է գլխիվայր վիճակում: Մինչ հրշեջ-փրկարաների դեպքի վայր ժամանելը շտապ օգնության ավտմեքենայով վարորդ Ա. Մ-ին, ուղևորներ Ստեփանակերտ քաղաքի բնակիչներ Է.Մ-ին (1987թ.ծնվ.) և Գ.Զ-ին (1996թ.ծնվ.) մարմնական վնասվածքներով տեղափոխել են «Հանրապետական բժշկական կենտրոն» ՓԲԸ:
Ըստ բժիշկներից ստացված տեղեկության Գ. Զ-ի վիճակը գնահատվել է միջին ծանրության, իսկ Է. Մ-ի և Ա. Մ-ի վիճակները բավարար:
Հրշեջ-փրկարարները հոսանքազրկել են ավտոմեքենաները, փակել գազի բալոնի փականը, կատարել լվացման աշխատանքներ:
1
2
3
4
5
1
2
3
4
5
1
2
4
