«Հոնորարներս աճել են»․ «Միսս Տիեզերք Արմենիա» Մոնիկա Գրիգորյանի էքսպերիմենտն ու խոստովանությունը
Life«Միսս Տիեզերք Արմենիա» Մոնիկա Գրիգորյանը 2 նոր ֆոտոշարք ունի։ Առաջինում իր համար տարբերվող ոճով է ներկայացել։
Մոնիկան նոր լուսանկարները տրամադրել է Tert.am Life–ին ու պատմել, որ ատում է նարնջագույնը, բանդադաներ ևս չի սիրում, բայց որոշել է իր համար էքպերիմենտալ կերպար ընտրել։
«2 չսիրած դետալ կար, և դա իմ որոշումն էր, բայց ֆոտոշարքը լավ ստացվեց։ Ինձ դուր է եկել, արձագանքներ էլ շատ դրական են»,– ասաց նա ու հավելեց, որ հաճախ է նոր ֆոտոշարքեր անում, քանի որ Ինստագրամի իր հետևորդներին պետք է հետաքրքիր կոնտենտով ներկայանա․ «Մեր մասնագիտության մեջ դա շատ կարևոր է, նաև քո պորտֆոլիոն է»։
Մոնիկայի մյուս ֆոտոշարքը շատ պարզ է՝ գեղեցիկ լուք և ժպտացող աղջիկ, բայց այն ևս դրական արձագանքի է արժանացել։
«Ես շատ ժպտերես եմ ու միշտ խորհուրդ եմ տալիս մարդկանց հաճախ ժպտալ, դրականի վրա կենտրոնանալ։ Այս լուսանկարներն էլ դրա դրսևորումն ե»,– ասաց Մոնիկան ու հավելեց, որ Գեղեցկուհու տիտղոսին արժանանալուց հետո իր առաջարկները բավականին շատացել են, մարդիկ ավելի շատ են ճանաչում իրեն։
Գեղեցկուհու տիտղոսակիրն անկեղծացավ, որ այժմ իր հոնորարներն էլ բարձրացել են, ապա ծիծաղելով նկատեց․ «Շատ մեծ գումար չեմ պահանջում, աստղաբաշխական թվերով չեմ աշխատում, բայց հոնորարներս աճել են։ Հիմա նաև ավելի ուշադիր եմ ընտրում՝ ինչ բրենդի հետ աշխատեմ, ինչպես ներկայանամ։ Ամեն առաջարկ չեմ ընդունում»։
Առաջիկայում նա նաև տեսահոլովակում կնկարահանվի, որը նրա դերասանական փորձը կլինի, սերիալային առաջարկները Մոնիկան մերժում է, քանի որ դեռ իրեն չի պատկերացնում այդ ոլորտում։