Հայերեն


SIOP նախագահն ուրախությամբ նշեց, որ հայաստանյան համաժողովն իր մասնակցածներից ամենահաջողվածն ու տպավորիչն էր

Հասարակություն

Ավարտվեց մայիսի 18֊21-ը Երևանում անցկացվող Մանկական ուռուցքաբանության միջազգային միության ասիական 15-րդ համաժողովը (SIOP Asia 2023 XV Congress)։

SIOP նախագահ Գիլերմո Շանտադան (Guillermo Chantada) միջոցառման ավարտին նշեց, որ հայաստանյան համաժողովն իր մասնակցածներից ամենահաջողվածն էր, ուր ամեն մանրուք հաշվի էր առնված, և այստեղ մեծ ուշադրություն էր հատկացված մարդկային կողմին. մասնակիցների համար ապահովված էին բոլոր պայմանները` թե՛ գիտական հատվածի արդյունավետության, և թե՛ երկրի բժշկագիտական ներուժին ծանոթանալու համար։

Համաժողովի մասնակիցների թիվը գերազանցեց 500-ը․ մասնակցում էին թե՛ Հայաստան ժամանած, և թե՛ առցանց միացած մասնագետներ աշխարհի ամենատարբեր ծայրերից՝ ԱՄՆ-ից, Չինաստանից, Ճապոնիայից, Ռուսաստանից, Հնդկաստանից, Ֆրանսիայից, Գերմանիայից, Իտալիայից, Նիդերլանդներից, Բելգիայից, Իսպանիայից, Լիբանանից, Մեծ Բրիտանիայից, Հունաստանից, Չեխիայից, Լիտվայից, Շվեդիայից և այլ երկրներից։

Նրանց բոլորին միավորել էր մանկական քաղցկեղի դեմ համատեղ պայքարն ու կյանքեր փրկելու ձգտումը,  մարդկանց բուժման ժամանակակից լուծումներով կիսվելու ու ոլորտը զարգացնել ցանկությունը։

Որպես դրական արդյունք՝ քննարկվեցին բազմաթիվ կառույցների հետ համագործակցության հեռանկարային հնարավորություններ. շատերը նշում էին, որ կցանկանան իրենց պացիենտների/բուժառուների հետագա բուժումը Հայաստանում շարունակել և խորացնել փոխգործակցությունն այս ուղղությամբ։ 

«Մենք պատվով ընդունեցինք համաժողովը Հայաստանում և հնարավորություն ստեղծեցինք տեղի մասնագետների և ուսանողների համար ծանոթանալու ոլորտի համաշխարհային անցուդարձին և զարգացումներին, «առաջին ձեռքից» լսելու ոլորտի լավագույններին։ Մյուս կողմից մեզ հաջողվեց միջազգային բժշկական հանրության շրջանում ճանաչելի դարձնել հայ տաղանդավոր բժիշկներին և բարձրացնել նրանց հեղինակությունը, ներկայացնել այն բժշկագիտական ներուժը, որ ունի Հայաստանն այս ոլորտում»,—նշեց Կոնգրեսի կազմկոմիտեի նախագահ, Հայաստանի մանկական քաղցկեղի և արյան հիվանդությունների կենտրոնի ղեկավար, ԵՊԲՀ մանկական ուռուցքաբանության և արյունաբանության ամբիոնի վարիչ, Իմունաուռուցքաբանության հետազոտական ինստիտուտի տնօրեն, պրոֆեսոր Գևորգ Թամամյանը։ 

Կազմակերպիչների ջանքերի շնորհիվ SIOP Asia 2023 համաժողովի մասնակիցներին շնորհվելու է 24 ՇՄԶ կրեդիտ` Եվրոպական Հավաստագրման Խորհրդի (EACCME®) կողմից` շարունակական մասնագիտական զարգացման համար։ 

Ինչպես նշեցին բանախոսներից շատերը՝ ցածր և միջին եկամուտ ունեցող զարգացող երկրներում շատ սուր է մանկական քաղցկեղի դեմ պայքարը, և SIOP-ի նման կառույցներն աջակցում են գիտական, մասնագիտական փորձառության  տարածմանն ու փորձի փոխանակմանը հատկապես այդ երկրներում։

Ինչ վերաբերում է գիտական հատվածին, ապա առաջին օրը, վերջերս Գետահովիտում հիմնադրված քաղցկեղ ունեցող երեխաների և նրանց ընտանիքների համար նախատեսված հոգևոր-վերականգնողական կենտրոնում անցկացվեց Քաղցկեղը վերապրածների (Survivorship Symposium) վերաբերյալ սիմպոզիում։ Այստեղ քննարկվեցին հիմնախնդիրներ, որոնց բախվում են թե՛ պացիենտները, և թե՛ բժշկական անձնակազմը, նշվեց նման կենտրոնների առկայության կարևորությունը ցանկացած երկրում։ 

Քաղցկեղի նախատրամադրվածությանը եւ իմունաուռուցքաբանությանն  առնչվող և մի շարք այլ կարևոր հարցեր մասնագետները քննարկեցին համապատասխան (Cancer Predisposition Symposium եւ Immuno-Oncology Symposium) սիմպոզիումների ընթացքում։ 

Քաջ հայտնի է հոգեբանների և սոցիալ-հոգեբանական անձնակազմի դերը քաղցկեղի բուժման ընթացքում․ Սոցիալ-հոգեբանական սիմպոզիումը (Psychosocial Symposium) միավորել էր մասնագետների ԱՄՆ-ից, Ռուսաստանից, Հայաստանից՝ քննարկելու խնդիրներն ու դրանց հաղթահարման նոր մոտեցումները հոգեբանության մեջ։ Քաղցկեղի պարագայում հոգեբանական աջակցությունը ոչ միայն բուժառուներին է խիստ անհրաժեշտ, այլ նաև նրանց հարազատներին ու բժշկական անձնակազմին՝ հաղթահարելու և հատկապես հուզական այրման չբախվելու համար։ 

Սիմպոզիումներ անցկացվեցին` նվիրված ռեգիստրներին (Registry symposium), վիրահատական (Surgical Treatment symposium) ու ճառագայթային բուժմանը (Radiotherapy Symposium), ինչպես նաև քույրական գործին։ Վերջինիս շրջանում հաղթողներն անգամ ստացան կրթաթոշակներ լավագույն զեկույցների համար։

Բացման արարողության ընթացքում կարևորագույն իրադարձություններից էր Մանկական ուռուցքաբան֊արյունաբան, ոսկրածուծի փոխպատվաստման համաշխարհային ճանաչում ունեցող մասնագետ Լոուրենս Բ. Ֆոլկներին՝ ԵՊԲՀ պատվավոր դոկտորի կոչման շնորհումը։ 

Պրոֆեսոր Ֆոլկների աջակցությամբ է Հայաստանում հիմնադրվել ալոգեն փոխպատվաստումը, ինչի շնորհիվ Հայաստան ժամանած 4 երեխա արդեն իսկ լիովին ապաքինված վերադարձել են Աֆրիկա՝ իրենց հարազատների մոտ։

ԵՊԲՀ դասախոսը` «Մանկական ուռուցքաբանության ոլորտի կին առաջնորդ» 

SIOP ASIA 2023 15-րդ համաժողովի շրջանակում «Մանկական ուռուցքաբանության ոլորտի կին առաջնորդները» մրցանակն այս տարի շնորհվել է Հայաստանի մանկական քաղցկեղի և արյան հիվանդությունների կենտրոնի Մանկական ուռուցքաբանության բաժանմունքի վարիչ, ԵՊԲՀ Մանկական ուռուցքաբանության և արյունաբանության ամբիոնի դասախոս Լիլիթ Սարգսյանին և Կամբոջայում ճապոնական Heart մանկական բժշկական կենտրոնի մանկաբուժության տնօրեն Մարիկո Կակազուին: 

Համանուն խորագրով հանդիպմանը մայիսի 20-ին պատվաբեր այս մրցանակին արժանացած մասնագետները ներկայացրին իրենց պատմությունը, ոլորտում կատարած աշխատանքները:

Մարիկո Կակազուն ճապոնուհի է, ով արդեն հինգ տարի աշխատում է Կամբոջայում: «Այս մրցանակը նպատակ ունի ի ցույց դնելու փաստը, որ նույնիսկ այնպիսի ծանր մասնագիտության մեջ, ինչպիսին մանկական ուռուցքաբանությունն է, կան կանայք, ովքեր կարողացել են համատեղել ընտանիքը, աշխատանքը և հաջողություններ են արձանագրել: Եվ սա պետք է մոտիվացնի այն կանանց, ովքեր այս ամենին թերահավատորեն են մոտենում», - իր խոսքում ընդգծեց Լիլիթ Սարգսյանը, ով նաև նշեց, որ Մանկական ուռուցքաբանության միջազգային միության կողմից անցկացվող միջոցառումը հնարավորություն տվեց մասնակիցներին ընդհանրացնելու, քննարկելու ոլորտի բոլոր ասպեկտները, ամրապնդելու կապերը և պատվով ներկայացնելու Հայաստանը աշխարհի տարբեր անկյուններից ժամանած բժիշկ-գիտնականներին:«Համաշխարհային առողջապահական համայնք» / “Global Health Network”  հանրային միջոցառմանը պրոֆեսորներ Սքոթ Հովարդը (ԱՄՆ), Մարիկո Կակազուն (Կամբոջա) և Գիլերմո Շանտադան (Իսպանիա) խոսեցին իրենց փորձի և ոգեշնչման աղբյուրների մասին, այն մասին, թե ինչպես է հարկավոր ապրել՝ նպատակով, թե՝ համակարգված, և այլ կարևոր արժեքների մասին։ 

Ովքեր չհասցրին մասնակցել, կարող են դիտել ամբողջական ոգեշնչող տեսանյութը`  https://www.youtube.com/watch?v=U7RxNWau8OA&t=1961s։

Համաժողովի ծրագրի մասին

Համաժողովը մայիսի 18-21-ը հյուրընկալել էր մանկական ուռուցքաբանության համաշխարհային առաջատար ավելի քան 200 խոսնակների, բժշկական և ուսումնական հաստատությունների ղեկավարների շուրջ 60 երկրներից, ովքեր հանդես եկան ոլորտի ամենաարդի զարգացումների և թեմաների շուրջ զեկույցներով ու դասախոսություններով։

Հարյուրավոր ականավոր բժիշկներ և գիտնականներ նաև ծանոթացան Հայաստանի բժշկագիտությանը, մասնագետներին, գիտական ներուժին ու ենթակառուցվածքներին` նորանոր հնարավորություններ ձևավորելով տարաբնույթ համագործակցությունների հաստատման և զարգացման համար։ 

Հանրության համար ներառված էին նաև բաց և անվճար բացառիկ հանդիպումներ, սեմինար-քննարկումներ առողջության ու առաջնորդության վերաբերյալ՝

  • «Մանկական ուռուցքաբանության ոլորտի կին առաջնորդները»/“Women leadership in oncology”, 
  • «Համաշխարհային առողջապահական համայնք»/“Global Health Network”
  • Ի աջակցություն Մանկական ուռուցքաբանության միջազգային միության ասիական 15-րդ համաժողովի հանրայնացման`  Հայաստանի պետական սիմֆոնիկ նվագախմբի համերգային ծրագիրը Երևանի պետական բժշկական համալսարանում։


Միջոցառումների մասին

Մանկական ուռուցքաբանության միջազգային միությունն (SIOP) աշխարհում միակ կազմակերպությունն է, որն ամբողջությամբ նվիրված է մանկական և դեռահասների քաղցկեղի բոլոր ասպեկտների ուսումնասիրությանն ու բուժմանը, ինչպես նաև այդ ոլորտում գիտելիքների ավելացմանն ու զարգացմանը։ Միության առաքելությունն է պայքարել, որ ոչ մի երեխա չմահանա քաղցկեղից: Այժմ քաղցկեղից ապրելիության ցուցանիշը Հայաստանում արդեն իսկ ձգտում  է 75%-ի։

Այս առաքելությանն էր նվիրված նաև 2023 թվականի համաժողովը, որի ընթացքում ելույթներով հանդես եկան համաշխարհային ճանաչում ունեցող ոլորտի մասնագետներ, կառույցների և գիտական հանձնաժողովների ղեկավարներ ողջ աշխարհից՝ ԱՄՆ-ից, Չինաստանից, Ճապոնիայից, Ռուսաստանից, Հնդկաստանից, Ֆրանսիայից, Գերմանիայից, Իտալիայից, Նիդերլանդներից, Բելգիայից, Իսպանիայից, Լիբանանից, Մեծ Բրիտանիայից, Հունաստանից, Չեխիայից, Լիտվայից, Շվեդիայից և այլ երկրներից։

Համաժողովի օրակարգը բավականին հագեցած էր և ընդգրկում էր լայնամասշտաբ միջոցառումներ` 80+ սեմինարներ, քննարկումներ, աշխատարաններ (workshop), բանախոսություններ և սիմպոզիումներ 260+ թեմաների շուրջ։

Համաժողովի համակազմակերպիչներն էին՝ Երևանի Մխիթար Հերացու անվան պետական բժշկական համալսարանը, ՀՀ ԱՆ պրոֆ․ Ռ․Հ․ Յոլյանի անվան Արյունաբանական կենտրոնը, Հայաստանի մանկական քաղցկեղի և արյան հիվանդությունների կենտրոնը, որը հանդիսանում է ՀՀ ԱՆ պրոֆ․ Ռ․Հ․ Յոլյանի անվան Արյունաբանական կենտրոնի մաս, Իմունաուռուցքաբանության գիտահետազոտական ​​ինստիտուտը (IMMONC) և Սիթի օֆ Սմայլ բարեգործական հիմնադրամը։

Համաժողովն անց էր կացվում ՀՀ Առողջապահության նախարարության աջակցությամբ։ 

Համաժողովի գլխավոր հովանավորներն էին Agenus բիոտեխնոլոգիական ընկերությունը (ԱՄՆ) և Team Telecom Armenia ընկերությունը։ 

Գործընկերներն էին՝ Վ․ Ա․ Ֆանարջյանի անվան ուռուցքաբանության ազգային կենտրոնը,  Արյունաբանության և ուռուցքաբանության հայկական ասոցիացիան, Հայաստանի մանուկների հիմնադրամը (COAF), Հայաստանի երեխաների առողջության հիմնադրամը (HFC), DNA Strategy խորհրդատվական գործակալությունը, Just Travel տուրիստական գործակալությունը, SODA դիզայն ստուդիոն։ 

Ընկերներն էին՝ Farma Mondo դեղագործական խումբը (Շվեյցարիա), Astex բիոտեխնոլոգիալան  ընկերությունը (ԱՄՆ), «Զվարթնոց» միջազգային օդանավակայան֊«Արմենիա միջազգային օդանավակայաններ» ՓԲԸ֊ն, Գրանդ Հոթել Երևան հյուրանոցը, Սանոֆի My child matters (Մայ չայլդ մեթըրս) նախաձեռնությունը։

***

Հայաստանի մանկական քաղցկեղի և արյան հիվանդությունների կենտրոնի մասին՝
https://www.facebook.com/cancerarmenia

https://www.facebook.com/hematologycenterarmenia

Մանկական ուռուցքաբանության միջազգային միության մասին (SIOP)

Մանկական ուռուցքաբանության միջազգային միությունը (Société Internationale d’Oncologie Pédiatrique/International Society of Pediatric Oncology, SIOP) աշխարհում միակ միությունն  է` կազմված մանկական արյունաբանության/ուռուցքաբանության շուրջ 2600 մասնագետներից։ Այն կազմավորվել է 1969 թվականի նոյեմբերի 6-ին, որպես մասնագետների փոքր խումբ Գուստավ-Ռուսիի ինստիտուտում (IGR) Վիլժյուիֆ, Փարիզ, որի առաքելությունն էր զարգացնել քաղցկեղով հիվանդ երեխաների ուսումնասիրությունը և խնամքը, հիմնաքարային առաքելություն, որով առաջնորդվում են մինչ օրս։ 

Այսօր այս նպատակներն ընդլայնվել են՝ ընդգրկելով հիմնական հետազոտությունների, ինչպես նաև կլինիկական ուսումնասիրությունների արդիականացումը, բուժքույրերի, առողջապահական այլ մասնագետների և ծնողների ներգրավումը, ինչպես նաև ուսուցման և հանրայնացման ծրագրերի կազմակերպումը զարգացող երկրներում և հասարակություններում` ուղզված երեխաների վիճակի բարելավմանը։

SIOP-ի տեսլականն է`  «ոչ մի երեխա չպետք է մահանա քաղցկեղից. բուժել շատերին, հոգ տանել բոլորի մասին»:

SIOP-ն ունի մայրցամաքային մասնաճյուղեր Եվրոպայում, Ասիայում, Օվկիանիայում, Աֆրիկայում, Լատինական Ամերիկայում և Հյուսիսային Ամերիկայում։

https://siop-congress.org/about-siop/

https://siop-online.org/ 

https://siop-online.org/sp_cb/asia/

 

 
 
 
 
 
 
 
 
 
ԱրարատԲանկը՝ ՖԻՆՔԱ ՈՒՎԿ ՓԲԸ-ի պարտատոմսերի տեղաբաշխողՓաշինյանը հարցականի տակ է դնում Հայաստանի պետության միջազգային օրինականությունը. Ադոնց «Վերջին զանգին» հատուկ տարածք է տեղափոխվել 112 մեքենա, 102-ի ղեկին՝ անչափահասներ Շրջանավարտների անհավանական արկածները ԵրևանումԻնչու է Ադրբեջանն առևանգել երկու հայ զինծառայողին. ինչ է նա պահանջելու նրանց դիմաց Իտալացի ֆերմերները փրկում են հնագույն մրգերը արևային էներգիայովԱյս ամեն ինչը պետք է կանգնեցնել, մենք ունենք իրավիճակ, որ կարող է Արցախը չլինել. Ռուբեն Վարդանյան Հայտնի է 2 հայ զինծառայողի անունները, որոնց առևանգել է Ադրբեջանը Զոհեր, անհետ կորածներ․ ի՞նչ է կատարվում ԱդրբեջանումԱռանձին շրջաններում սպասվում են տեղումներ Ադրբեջանի սահմանապահ ծառայությունը հայտնել է 2 հայ զինծառայողի ձերբակալման մասին ՊՆ-ն լուսանկարներ է հրապարակել՝ հայտնաբերված ավտոմեքենայից Դիրքեր հաց տարած ու անհետացած զինծառայողների մեքենան հայտնաբերվել է. մանրամասներ կապն ընդհատված զինվորների դեպքից Գառնի-Արտաշատ ճանապարհին բախվել են «Volkswagen»-ը և «Վազ 2106»-ը․ մահացածն ու վիրավորներից մի քանիսը ըմբշամարտիկներ են Պաշտոնական հաղորդագրություն Արցախից Մեր զինծառայողներն ադրբեջանական սցենարի իրագործման նպատակով, ամենայն հավանականությամբ, առևանգվել են. Տիգրան Աբրահամյան Մանրամասներ՝ Ափնագյուղում տեղի ունեցած պայթյունից․ բժիշկները պայքարում են վիրավորի կյանքի համար Ողբերգական ավտովթար. կա 1 զոհ, 1 վիրավորԻշխանությունները պետությունը դարձել են անշարժ գույք, որի «կադաստրի վկայականը» հենց իրենք էլ կորցրել են. Մեսրոպ ԱռաքելյանԱլեն Սիմոնյանի գլխավորած պատվիրակությունը կգործուղվի Լոնդոն 6,0 մագնիտուդով երկրաշարժ է տեղի ունեցելՊայթյուն ` ավտոտեխսպասարկման կետում2 զինծառայողի հետ կապն ընդհատվել է․ քննվում է նաև ադրբեջանական կողմում հայտնվելու վարկածը․ ՊՆ Եվրամիությունն այլևս կախված չէ ռուսական հանածո վառելիքից արևի շնորհիվ Հրաժեշտ՝ Առինջի Կոլյա Ծառուկյանի անվան դպրոցին. վերջին դասի պատվավոր հյուրը Ռոզա Ծառուկյանն է Աբսուրդ է․ Փաշինյանը հետևողականորեն մեր վզին կեղծիքներ է փաթաթում ձախողումներն արադարացնելու համար Տեղի ունեցավ «Վերածնվող Հայաստան» կուսակցության նախաձեռնած «Զանգեր» խորագիրը կրող քննարկումների շարքի երրորդ հանդիպումըՔաղաքացիական պայմանագիր» խմբակցության ավագանու անդամները զրկվել են մանդատներից. «Ապրելու երկիր» խմբակցություն Պաշտոնական հաղորդագրություն Արցախից «Հայաստանն ու Ադրբեջանը կարող են խաղաղության պայմանագիր ստորագրել հաջորդ շաբաթ». Լեյլա Աբդուլաևա Անկարող, ոչ կոմպետենտ իշխանությունը չի կարող որոշել մի ամբողջ ազգի ճակատագիր. Մանե ԹանդիլյանԴոլարն ու եվրոն թանկացել են «Հայաքվե» օրենսդրական նախաձեռնությանը միացած կառույցներն ու անհատները շարունակում են հանդիպումներն աջակիցների խմբերի հետՀՀ ՊՆ-ն հաղորդագրություն է տարածել Լեզվակռիվ՝ Փաշինյանի ու Ալիեւի միջեւ Սպասվում է կարճատև անձրև և ամպրոպ, առանձին վայրերում՝ կարկուտ Զանգեզուրի պղնձամոլիբդենային կոմբինատի շնորհավորական ուղերձը Վերջին զանգի կապակցությամբ Արտաշատում շրջանավարտները 10-րդ դասարանցու են ծեծել․ աշակերտը հիվանդանոցում է Ռուբեն Վարդանյանի ընտանիքը 20 մլրդ դրամ կներդնի Արցախի կենսական նշանակության խնդիրների լուծման համար Մոսկովյան եռակողմ հանդիպումն ավարտվել է առանց որևէ փաստաթղթի Նիկոլ Փաշինյանը ուղերձ է հղել Հուշագրի նպատակն է համատեղ ուժերով պայքարել Հայաստանի Հանրապետության ինքնիշխանության ամրապնդման համար․ «Համախմբում» Խուճապ ինքնաթիռում. դուռը բացվել է հենց թռիչքի ժամանակ (տեսանյութ) Կրասնոդարի կենտրոնում պայթյուն է լսվել. լրատվամիջոցները հայտնում են անօդաչուներով գրոհի մասին ՀՀ գլխավոր դատախազությունը հաղորդագրություն է տարածել Ucom-ը կընդլայնի ֆիքսված ցանցը՝ բերելով Հայաստանում ամենաարագ ինտերնետը ևս 6 մարզային քաղաքներ Հայաստանը օլիմպիական խաղերում կներկայանա իր դրոշով, իսկ Ռուսաստանը՝ ոչ 4,3 մագնիտուդով երկրաշարժ է տեղի ունեցել Ջրհեղեղ՝ Ադրբեջանում.կան զոհերԵս մշտապես պատրաստ եմ լինել ձեր կողքին․ Գագիկ Ծառուկյանի շնորհավորական ուղերձը Վերջին զանգի կապակցությամբ
Ամենադիտված