«Արմաթ» ինժեներական լաբորատորիա՝ նաև Երևանի թիվ 51 դպրոցում
Հասարակություն![«Արմաթ» ինժեներական լաբորատորիա՝ նաև Երևանի թիվ 51 դպրոցում](/timthumb.php?src=disc/25-05-23/d89c42570d8ce2139e47a81fbcf0bc70.jpg&w=780)
Առաջատար տեխնոլոգիաների ձեռնարկությունների միությունը «Հայաստանի էլեկտրական ցանցեր» և VMWARE ընկերությունների աջակցությամբ Երևանի Վարդգես Պետրոսյանի անվան թիվ 51 դպրոցում ներդրեց «Արմաթ» ինժեներական լաբորատորիա։
Առաջատար տեխնոլոգիաների ձեռնարկությունների միությունը (ԱՏՁՄ) 2011 թ.-ից նախաձեռնել և իրականացնում է Հայաստանի կրթական համակարգում ինժեներական լաբորատորիաների հիմնման ծրագիր, որի նպատակն է ուժեղացնել Հայաստանում տեխնիկական կրթության բազան, նպաստել դպրոցականների մասնագիտական կողմնորոշմանը, պատրաստել տեխնիկական կրթությամբ մասնագիտական աշխատուժ, որը կբավարարի աճող պահանջարկը:
Ինժեներական լաբորատորիաները հնարավորություն կտան Հայաստանի շուրջ 1,300 դպրոցներում գործարկել ինժեներական խմբակներ՝ արտադասարանային զբաղվածության ձևաչափով: Նախագծի իրականացման արդյունքում ակնկալվող կարևորագույն արդյունքներն են տեխնոլոգիական կրթության խթանումը Հայաստանում, տեխնոլոգիական զբաղվածության ընդլայնումը, հավելյալ տնտեսական ակտիվության ստեղծումը ինչպես բարձր տեխնոլոգիաների, այնպես էլ հարակից ոլորտներում:
2023 թ.-ի մայիս ամսվա դրությամբ գործում 641 ինժեներական լաբորատորիա, այդ թվում՝ 6 այլ երկրներում: Ընդհանուր առմամբ լաբորատորիաներում ներգրավված է շուրջ 17 500 երեխա:
«Արմաթ»-ի կրթական երեք ուղղություններն են՝ համակարգչային ծրագրավորում ՝ կրթական ծրագրերը հիմնված են ուսուցման առաջատար մեթոդոլոգիաների և գործիքների վրա, որոնք հիմնականում մշակված են ԱՄՆ Մասաչուսեթսի տեխնոլոգիական համալսարանի կողմից։ Դրանք հնարավորություն են տալիս երեխաներին յուրացնել մաթեմատիկայի և ճշգրիտ գիտությունների հետ կապված սկզբունքներ, ճարտարագիտություն, ծրագրավորման և ռոբոտաշինության հիմունքներ, նաև կառուցել անօդաչու թռչող սարքեր, ռոբոտաշինությունը, որը հնարավորություն է տալիս սովորել և ուսուցանել ռոբոտաշինության հիմնական սկզբունքները, ըստ խնդրի առաջադրանքի հավաքել ռոբոտների կոնֆիգուրացիաներ, և ծրագրավորելով ինքնակառավարման խնդիրների լուծում իրականացնել և եռաչափ մոդելավորումը, որով ցանկացած առարկա կամ դետալ կարելի է համակարգչային համապատասխան ծրագրով մոդելավորել և իրականացնել դրանց տպագրումը եռաչափ տպիչի միջոցով կամ փորագրությունը փայտի, ֆաներայի, օրգանական ապակիի, ABS և այլ նյութերի վրա:
![](disc/25-05-23/127841fe468aa27cd12b4158fababbb6.jpg)
![](disc/25-05-23/979bdf65c0218847915fcaa7fdea5b73.jpg)
![](disc/25-05-23/c12ec90e94a01c225618b801755ec99f.jpg)
![](disc/25-05-23/c5b4ee5eb370e8d032a4e0953f078b47.jpg)
![](disc/25-05-23/bdf75671d89587b976ccdc6ff1ea4c83.jpg)
![](disc/25-05-23/99ff894de58b1a1d85e08d704b249e70.jpg)
![](disc/25-05-23/fa5465d75c39ae6fe43c94f076840c56.jpg)
![](disc/25-05-23/66077dede77bbd91ed4445f5e442d58f.jpg)
![](disc/25-05-23/39c6774db66a536699b6e6b261567246.jpg)
![](disc/25-05-23/dfd5c441c8fb1fa47e062261a3c425af.jpg)
![](disc/25-05-23/97cc304d66864c087a3b5038c88c2be4.jpg)
![](disc/25-05-23/d45e9044b567c6e67a07b0b2db78913b.jpg)
![](disc/25-05-23/ec4cd85d33be9f84b76d1fb82538745c.jpg)
![](disc/25-05-23/c7696e228eba46e238389fe56ef31488.jpg)
![](disc/25-05-23/18d9244e837d57c920828a3f170c0241.jpg)
![](disc/25-05-23/2215a987b0e6845f8c9cdd3925f9103a.jpg)
![](disc/25-05-23/b1fdccf60029323e002e384e3b9b23eb.jpg)
![](disc/25-05-23/596e4df3363e8e91394d535825e991d5.jpg)
![](disc/25-05-23/f7371fb2bcb8dcca1a7170092c2e4337.jpg)
![](disc/25-05-23/0e5e903159a1715d3caff67ff4ad315f.jpg)