Ինչ է զգում մարդը մահից առաջ վերջին վայրկյաններին

Ցավոք սրտի, բոլորը ստիպված կլինեն ինչ-որ պահի անցնել դրա միջով, որքան էլ դա սարսափելի լինի: Այն պատճառով, որ հայտնի չէ, թե տվյալ պահին ինչ զգացմունքներ է ապրում մարդը և ուր է գնում նրա հոգին, ամեն ինչ անհանգիստսացնող է դառնում։

Կան բազմաթիվ վարկածներ, թե ինչ է կատարվում մահից հետո։ Յուրաքանչյուր կրոն յուրովի է պատասխանում այս հարցին, և գիտնականները փորձում են հետազոտությունների միջոցով պարզել, թե իրականում ինչ է կատարվում մարդու մտքի և մարմնի հետ այդ պահին։

Ըստ Լանգոնեի Նյու Յորքի համալսարանի բժշկական կենտրոնի աշխատակիցների՝ սրտի կանգից հետո մարդու ուղեղը դեռ ակտիվ է և, հավանաբար, ժամանակ ունի գնահատելու իրավիճակը։ Դա հաջողվել է պարզել՝ շնորհիվ 565 մահամերձ հիվանդների դեպքերի վերլուծության, ովքեր ունեցել են սրտի կանգ, որին հաջորդել է սրտանոթային վերակենդանացում։

Կամավորների մեծ մասը պատմել է սրտի կանգի ժամանակ ձայնային և տեսողական հալյուցինացիաների մասին: Այնուամենայնիվ, հետազոտվողների թվում կային մարդիկ, ովքեր պնդում էին, թե լսել են բժիշկների երկխոսությունը և լիովին տեղյակ են եղել իրենց վիճակից, բայց չեն կարողացել շարժվել:

Սարքերի գրանցած արդյունքների համաձայն՝ ամերիկացի գիտնականները կարողացել են բացահայտել, որ մարդկանց ուղեղը սրտի կաթվածից հետո ապրում է ևս 30 վայրկյան։ Եվ այս կարճ ժամանակում նա կարող է լավ հիշել կյանքի բոլոր լուսավոր պահերը և ընդունել, որ իրեն անխուսափելի ավարտ է սպասվում։

Այսպիսով, ըստ Neurosciencenews-ի գիտնականների, մահը չի կարող անակնկալ լինել մարդու համար: Նա դեռ հեռանալուց առաջ հասկանում է, թե ինչ է կատարվում իր հետ այդ պահին։