Պետական պաշտոնյաները պետք է պատասխան տան պետությանը պատճառած վնասների համար. «Հայաստանը ես եմ»-ի 14-րդ պահանջը
Blog
«Հայաստանը ես եմ» նախաձեռնության ղեկավար Նաիրի Սարգսյանը ֆեյսբուքյան իր էջում գրել է.
ԱՌԱՋԱՐԿ-ՊԱՀԱՆՋ 14
Պետական պաշտոնյաները պետք է պատասխան տան պետությանը պատճառած վնասների համար
Հարգելի հայրենակիցներ,
«Հայաստանը ես եմ» նախաձեռնության 14-րդ պահանջն ուղղված է Հայաստանի պետական համակարգում տարիներ շարունակ արմատացած անպատասխանատվության վերացմանը։ Այս առաջարկը նպատակ ունի պետական պաշտոնյաների գործունեությունն առավել պատասխանատու և հաշվետու դարձնել։
Պետական բյուջեի վատնումը, քաղաքացիների իրավունքների խախտումները, վտանգված անվտանգությունը հաճախ բխում են պաշտոնյաների անգործությունից կամ վնասակար գործողություններից, որոնց համար նրանք որևէ ձևով չեն պատժվում։
«Հայաստանը ես եմ» նախաձեռնությունը պահանջում է անձնական պատասխանատվության ինստիտուտի ներդրում, քանի որ ցանկացած պաշտոնյա պետք է պատասխանատվություն կրի իր որոշումների հետևանքների համար՝ բացառելով անպատիժ գործողությունները։
Այս փոփոխությունը ոչ միայն կբարձրացնի պետական ինստիտուտների արդյունավետությունը, այլև կխթանի պաշտոնյաների՝ իրենց պարտականությունները բարեխղճորեն և լիարժեք կատարելու մոտիվացիան։ Արդյունքում՝ կզարգանան պետական կառույցները, իսկ պետության շահերը պաշտպանված կլինեն։
1
2
3
4
5
1
2
3
4
1
2
4
