Քարոզչական նոր ռազմավարությո՞ւն, թե՞ մեդիահեղեղ
Քաղաքականություն
Սեփական վարկանիշի անկումը, արտահերթ ընտրությունների հավանականությունն ու սպասվող ֆորս-մաժորային իրադարձությունները Նիկոլ Փաշինյանին մղում են նոր քարոզչական հնարքների կիրառմանը։ Վերջին շրջանում նա տարբեր տեսանյութեր է հրապարակում, թե իր աշխատասենյակում հանդիպել է այս կամ այն բարձրաստիճան պաշտոնյայի հետ, քննարկել գերատեսչությունների աշխատանքի արդյունավետությունը։
Իշխանական մեդիան ողողված է այդ տեսանյութերով։ «Նախկին-ներկա» անելով՝ Փաշինյանն ինքն էլ օգտվում է նախկինների հնարքներից, մեդիան ողողում միայն իր ներկայությամբ, իսկ Հանրային հեռուստաընկերության եթերում, օրինակ, ընդդիմություն գոյություն չունի։ Ավելին, նույնիսկ ռազմագերիներին են «բարեհաջող» մոռացել, Լուրերի թողարկումներում էլ միայն ու բացառապես «Քաղպայմանագիրն» է՝ յուր պարագլխի հետ։
Ըստ էության, սրանով Փաշինյանը մի կողմից փորձում է օրակարգ ձևավորել միայն իր անձի շուրջ, մյուս կողմից էլ՝ հանրությանը բուռն գործունեության տպավորություն ստեղծել, իբր աշխատում է, մտահոգվում, մտածում նրանց մասին։
7 տարվա պաշտոնավարման ընթացքում գործող իշխանությունները ձախողել են ամեն ինչ, և քարոզչական այս հնարքները նույնիսկ ծիծաղելի չեն։
Էլլա Ալթունյան
1
2
3
4
5
1
2
3
4
5
1
2
3
5
