Հնդկաստանում անչափահասների բռնաբարությունները հաճախակի երևույթներ են: Պատկերացրեք՝ 16-տարեկանից ցածր երեխաների նկատմամբ բռնություն է կիրառվում յուրաքանչյուր 155 րոպեն մեկ, իսկ 10 տարեկանից ցածրերի նկատամբ՝ 13 ժամը մեկ:
EnterTrain–ը ներկայացնում է մի ցավալի պատմություն 10 տարեկան աղջնակի մասին:
Բոլորը նրան ճանաչում են որպես երջանիկ և փոքր-ինչ ամաչկոտ երեխայի: Նա առանձնապես ոչնչով չի տարբերվում իր հասակակիցներից. սիրում է նկարել: Սակայն վերջերս նրա կյանքը անդառնալիորեն փոխվել է: Հետազոտությունները ցույց են տվել, որ փոքրիկը հղի է:
ԶԼՄ-ների տեղեկացմամբ՝ աղջնակին մի քանի անգամ բռնաբարել է նրա մոր զարմիկը, որն այժմ գտնվում է բանտում և սպասում է իր դատավճռին:
Աղջկա ընտանիքը դիմել է աբորտի թույլտվության համար, սակայն դատարանը մերժել է: Բժիշկներն ասում են, որ 32-րդ շաբաթում հղիության ընդհատումը չափազանց վտանգավոր կլինի աղջկա համար, իսկ նրա պտուղը բնականոն զարգանում է:
Աղջկա ընտանիքը ցնցված է դատարանի վճռից. բանն այն է, որ Հնդկաստանի օրենքներով՝ 20 շաբաթական հղիությունից հետո արգելվում է աբորտը՝ բացառությամբ այն դեպքի, երբ հղի կնոջ կյանքը վտանգված է:
Աղջկա հղիության մասին հայտնի է դարձել միայն այն ժամանակ, երբ փոքրիկը բողոքել է որովայնի շրջանի ցավերից: Մայրը նրան հիվանդանոց է տարել՝ հետազոտվելու: Նույնիսկ ծնողները չէին նկատել նրա մարմնի փոփոխությունները, որովհետև աղջիկը իր տեսքով մարմնեղ է:
Նրան մինչև հիմա չեն ասել հղիության մասին: Ծանոթները պնդում են, որ նա շատ միամիտ է և չի գիտակցում, թե իր հետ ինչ է կատարվել: Մտերիմները նրան բացատրում են, որ նրա փորիկում մեծ քար կա, այդ պատճառով էլ փորիկը մեծանում է:
Երեխան ծնողների հետ ապրում է փոքրիկ մեկսենյականոց բնակարանում: Հայրը աշխատում է կառավարությունում, իսկ մայրը տնային ուսուցչուհի է: Աղջկա ծնողները ցնցված են. մայրը անընդհատ լալիս է: Իրավիճակը բարդացնում է այն, որ ԶԼՄ-ները հրապարակել են անձնական տեղեկության գաղտնիությունը:
Նրանց բնակարանում հաճախ են հայտնվում ոստիկանությունը և սոցծառայության աշխատակիցները, իսկ լրագրողների խումբը անընդհատ հերթապահում է նրանց տան մոտ:
Աղջիկը լավագույն բժշկական օգնությունն է ստանում և իրավունք ունի պետությունից դրամական փոխհատուցում պահանջելու:
Երեխան պետք է ծնվի սեպտեմբերի վերջին, սակայն աղջկա ծնողները որոշել են հրաժարվել նրանից: Նորածնին կհանձնեն երեխաների բարեկեցության ապահովման կոմիտե, որը հոգ կտանի նրա մասին, մինչև կորդեգրեն:
1
2
3
4
5
1
2
3
4
5
2
4
5
