«Ամբողջ գիշեր հոնգուր-հոնգուր լաց եղա». Հերմինե Ստեփանյանը՝ Սամի Նասերիի եւ Ժերար Դարմոնի հետ նույն ֆիլմում
Life
Վերջին շրջանի բեսթսելլերներից մեկը համարվող «Այնտեղ, որտեղ ծաղկում են վայրի վարդեր. անատոլիական պատմություն» վեպը շուտով կէկրանավորվի: Գրքի, ինչպես նաեւ ֆիլմի սցենարի հեղինակը Մարկ Արենն է, ռեժիսորը՝ Արտակ Իգիթյանը, ով առավել հայտնի է իր «Վանա ծովուն արշալույսը» ֆիլմով, իսկ կոմպոզիտորը Միշել Լեգրանն է, ով առաջին անգամ ցանկություն է հայտնել Լեգրան ազգանվան կողքին նշել նաեւ հայկական Տեր-Միքայելյան ազգանունը, որը կհիշեցնի մեծանուն երաժշտի հայկական ծագման մասին: Մեկ այլ ուրախալի փաստ է նաեւ այն, որ ֆիլմում նկարահանվել են այնպիսի հանրահայտ դերասաններ, ինչպիսիք են՝ Սամի Նասերին եւ Ժերար Դարմոնը: Նրանց կողքին՝ գլխավոր դերում, հանդես է գալիս նաեւ դերասանուհի, հաղորդավարուհի Հերմինե Ստեփանյանը, ով BRAVO.am-ի հետ զրույցում կիսվել է նոր ֆիլմի հետաքրքիր մանրամասներով:
Ծանոթությունն ու համագործակցությունը Արտակ Իգիթյանի հետ
Երբ առաջին անգամ տեսա Արտակ Իգիթյանի «Վանա ծովուն արշալույսը» ֆիլմը, մեծ հիացմունք ապրեցի, եւ իմ երազանքը դարձավ ռեժիսորի հետ շփում ունենալը: Դրանից մոտ երկու տարի անց, երբ եկավ Հայաստան, պատահաբար հանդիպեցի «Մոսկվա» կինոթատրոնում՝ Նարինե Մալյանի ֆիլմի պրեմիերայի ժամանակ: Ես վերջապես կարողացա շնորհավորել «Վանա ծովուն արշալույսը» ֆիլմի առիթով, եւ այդպես կարծես ստեղծվեց մեր կապը, սկսեցինք քննարկել իր նախագծերը: Իսկ նոր ֆիլմում նկարահանվելու առաջարկն ինձ համար եղավ շատ անսպասելի: Ասաց, որ կարդամ Մարկ Արենի «Այնտեղ, որտեղ ծաղկում են վայրի վարդեր. անատոլիական պատմություն» վեպը: Ամբողջ գիշեր կարդացի եւ ամբողջ գիշեր հոնգուր-հոնգուր լաց եղա: Արդեն այնքան կարեւոր չէր՝ ես կխաղամ, թե՝ ոչ, ավելի կարեւոր էր, որ վեպն էկրանավորվի: Այն Հայոց ցեղասպանության հետեւանքների մասին խոսելու եւս մի տարբերակ է, նախեւառաջ՝ մարդկային պատմություն, որն անտարբեր չի թողնի ոչ մեկին:
շարունակությունը՝ կայքում
1
2
3
4
5
3
4
5
2
4
5
