IQOS-ն էլեկտրոնային սիգարետ չէ. պարզաբանում

Վերջին շրջանում համաշխարհային մամուլը շատ է անդրադառնում էլեկտրոնային սիգարետներին և ծխախոտի այլընտրանքային լուծումներին: Երբեմն շուկայում առկա բոլոր լուծումները նույնացվում են՝ շփոթության մեջ գցելով սպառողներին:

Որպես ծխախոտի այլընտրանք՝ վերջերս հայկական շուկա մուտք գործեց IQOS ծխախոտի տաքացման նորարարական համակարգը, որն արդեն իսկ ներկայացված էր աշխարհի 38 երկրներում: Ինչ է IQOS-ը և ինչու չի կարելի այն նույնացնել էլեկտրոնային սիգարետների հետ:

Դեռ 2016-ին Մեծ Բրիտանիայի Թերապևտների թագավորական քոլեջը հրապարակեց մի ուսումնասիրություն, որտեղ նշվում էր՝ «Նիկոտինը ինքնին շատ վտանգավոր նյութ չէ․ խեղաթյուրում է համարել, որ նիկոտինն է ծխելու հետևանքով մահացության կամ հիվանդությունների առաջացման պատճառը։ Հիմնական խնդիրը ծխի առաջացումն է։ Եթե նիկոտինը հնարավոր լինի ծխողներին հասցնել առանց ծխի առկայության, հավանական է, որ ծխելու հետ կապված վնասը մեծամասամբ, եթե ոչ ամբողջովին, հնարավոր է նվազեցնել»։

Հենց ծուխը և դրա հետևանքով մարդկանց առողջության հասցվող վնասը նվազեցնելու համար «Ֆիլիպ Մորրիս» ընկերությունը ներկայացրեց IQOS համակարգը, որն ավելի քան տասնամյակ տևած ուսումնասիրությունների արդյունք էր:

Առանց ծխի աշխարհ ունենալու համար 2008թ.-ից ի վեր «Ֆիլիպ Մորրիս»-ը ներդրել է ավելի քան 4.5 մլրդ ԱՄՆ դոլար: Համակարգի ստեղծման վրա աշխատել է ավելի քան 430 փորձագետ:

IQOS-ը ծխախոտի տաքացման նորարարական համակարգ է, որը թութունը այրելու փոխարեն տաքացնում է: Սա հնարավորություն է տալիս միջինում 90-95 տոկոսով նվազեցնել թունավոր նյութերի արտազատումը: Ի տարբերություն ավանդական ծխախոտի, որն այրվում է 800°C ջերմաստիճանում, IQOS-ում ծխախոտը չի այրվում՝ տաքանում է մինչև 350°C:

IQOS-ի դեպքում չկա ծուխ, այսինքն՝ բացակայում է պասիվ ծխող հասկացությունը, հետևաբար այն չի անհանգստացնում ծխողների շրջապատում գտնվող մարդկանց: Ըստ հետազոտությունների՝ ամեն օր աշխարհում 8000-ից ավելի ծխող անցնում է IQOS-ի օգտագործմանը:

Էլեկտրոնային սիգարետները, որոնք նույնականացման աստիճան շփոթում են IQOS-ի հետ, որևէ առնչություն չունեն այս նորարարական համակարգի հետ:

Էլեկտրոնային սիգարետները տաքացնում են նիկոտին պարունակող հեղուկը, որն ընթացքում գոլորշիանում է: Նույնիսկ Առողջապահության համաշխարհային կազմակերպությունն է (ԱՀԿ) կոչ արել վերանայել էլեկտրոնային սիգարետների օգտագործման կանոնները: Նրանք պահանջում են, որ էլեկտրոնային սիգարետները չվաճառվեն երեխաներին, չօգտագործվեն հանրային վայրերում և արտադրողներն այն չներկայացնեն որպես ծխելը թողնելու միջոց, քանի որ դա մինչև այժմ հաստատված չէ:

IQOS-ի օգտագործման ժամանակ չի օգտագործվում արոմատիզացված հեղուկ: Այն օգտագործելիս կարելի է զգալ իրական թութունի համը և ստանալ նույնչափ նիկոտին, որքան սովորական սիգարետից:

Հունվարին ԱՄՆ Սննդամթերքի և դեղորայքի վարչության (FDA) փորձագիտական խորհուրդը հաստատեց, որ հետազոտությունները ցույց են տալիս IQOS-ի օգտագործման արդյունքում զգալիորեն ավելի քիչ վնասակար նյութերի առաջացում՝ սիգարետի հետ համեմատած։ Ավելին, խորհուրդը հաստատել է նաև այն փաստը, որ IQOS-ի միջոցով մատակարարվող նիկոտինի մակարդակը բավարար է որպես սիգարետի փոխարինող ծառայելու և օգտվողի պահանջմունքը բավարարելու համար։

Սա ևս մեկ հիմնավորում է, որ IQOS-ն այլընտրանք է, որը փորձում է դրականորեն փոխել ծխող մարդկանց կյանքը:

Այս թեմայով Ծխախոտը կրկին թանկացավ Ինչու՞ են ծխողները սիրում կուշտ ուտել․ գիտնականներ Գիտափորձ. IQOS vs ծխախոտ - ի՞նչ է տեղի ունենում իրականում Թրքուհիները որոշել են պայքարել՝ ծխելու միջոցով Ծխող կանայք ինչ թիվ են կազմում Հայաստանում