Կարաոկե, ստրիպ-ակումբ, սաունա. նման օբյեկտների գործունեությունը կսահմանափակվի

«Առեւտրի եւ ծառայությունների մասին» Հայաստանի Հանրապետության օրենքում փոփոխություն եւ լրացումներ կատարելու մասին օրենքի նախագիծը նախատեսում է սահմանափակել գործունեության որոշ տեսակներ: Այս մասին, այսօր՝ ապրիլի 11-ին, ԱԺ-ում հիշյալ օրինագիծը ներկայացնելիս նշեց Տնտեսական զարգացման եւ ներդրումների փոխնախագահ Տիգրան Խաչատրյանը:

«Օրենքի նախագիծը նպատակ ունի հանրային կյանքը կարգավորելու եւ դրա որակը բարձրացնելու նպատակով սահմանել այն ծառայությունների տեսակները, որոնք սահմանափակման ենթակա են: Դրացից որոշների տեղակայման նկատմամբ կներկայացվեն որոշակի պահանջներ եւ սահմանափակումներ, բայց այդ դրանց նկատմամբ գիշերային ժամերին կներկայացվեն հատուկ պահանջներ: Կարգավորման եւ սահմանափակման ենթակա օբյեկտները հետեւյալն են՝  կարաոկե, դիսկոտեկ, հեստապարային ակումբ (սթրիփ ակումբ-խմաբ), բաղնիք, շոգեբաղնիք, սաունա»,-ընդգծեց փոխնախարարը:

Երկրորդ բովանդակային փոփոխությունն, ըստ նրա, այն է, որ այդպիսի օբյեկտների տեղակայումը կսահմանափակվի բնակելի շենքերի տարածքում, ինչպես նաեւ  կրթական եւ պատմամշակութային հաստատությունների, պետական եւ տեղական ինքնակառավարման մարմինների վարչական շենքերի, բժշկական հաստատությունների տարածքներում:

Բացի այդ, սահմանափակման ենթակա ծառայության օբյեկտների  գործունեության թույլտվությունը կտրամադրի համայնքի ղեկավարը, իսկ Երեւան քաղաքում` Երեւանի քաղաքապետը, իսկ սահմանափակման ենթակա ծառայության օբյեկտների տեղակայմանը (հեռավորությանը) ներկայացվող պահանջները կսահմանի համայնքի ավագանին:

«Կսահմանվեն տուրքեր նշված գործունեության տեսակների համար: 4 գործունեության տեսակների համար տուրքը կսահմանվի 10-50 հազար դրամի սահմաններում, իսկ մեկ գործունեության տեսակի համար 300-500 հազար դրամի սահմաններում: Իսկ հեստապարային ակումբների դեպքում տուգանքները կլինեն 300-500 հազար դրամի սահմաններում, իսկ կրկնվելու դեպքում՝ 1—1,3 մլն դրամի սահմաններում»,-ասաց Տիգրան Խաչատրյանը:

Նա տեղեկացրեց, որ լռության ժամերի երեք տարբերակ կարող է լինել՝ երեկոյան 22.00-ից, առավոտյան 7.00-ն, 23.00-ից 7.00-ն եւ 24.00-ից 7.00-ն:

Եթե այսօր լռության պահանջը խախտելու դեպքում նախատեսվում է, որ առաջին դեպքում կիրառվում է զգուշացում, իսկ երկրորդի դեպքում՝ 40 հազար դրամի տուգանք, ապա նոր օրինագծով առաջարկվում է խստացնել տուգանքները՝ նախատեսելով առաջին անգամ 2000-300 հազար դրամ, կրկնվելու դեպքում՝ մեկ մլն դրամ տուգանք:

Տիգրան Խաչատրյանը նշեց, որ օրենքի որոշ դրույթներ ուժի մեջ կմտնեն 1 տարի հետ, որպեսզի արդեն գործող օբյեկտները տեղափոխվեն օրենքով ընդունելի վայրեր:

Այս թեմայով Ուսանողուհին գումար է վաստակում՝ ժամանակ անցկացնելով տարեց տղամարդկանց հետ. ահա թե նա ինչ պատմեց իր մասին Ո՞վ կմահանա, եթե E տառը ներկայացնող մարդը հրի քարը. ԹԵՍՏ-ՏԵՍԱՆՅՈՒԹ