«Ղարաբաղում պատերազմն անխուսափելի է». փորձագետ

Հարավային Կովկասի տարածաշրջանում հավասարակշռությունը խախտում է նոր տեսակի զենքի ցանկացած լուրջ ձեռքբերումը: Այս մասին NEWS.am-ի թղթակցի հետ զրույցում հայտնեց Քաղաքական եւ ռազմական վերլուծության ռուսական ինստիտուտի փոխտնօրեն Ալեքսանդր Խրամչիխինը՝ մեկնաբանելով Ադրբեջանի կողմից Բելառուսից «Պոլոնեզ» համազարկային կրակի ռեակտիվ համակարգի (ՀԿՌՀ) ձեռքբերման մասին տեղեկատվությունը:
«Պոլոնեզ» ՀԿՌՀ-ի մատակարարումը, ըստ փորձագետի, որոշ չափով խախտում է նաեւ տարածաշրջանում ուժերի հավասարակշռությունը: «Ադրբեջանը պատրաստվում է պատերազմի: Հենց այսպես էլ նրանք պատրաստվում են»,- ասաց նշեց նա:

Հարցին, թե ինչպիսի առավելություն է ստանում Ադրբեջանը, այդպիսի թանկարժեք զենք ձեռք բերելով, եւ հնարավոր է արդյոք դրան ինչ-որ կերպ հակազդել, փորձագետը պատասխանեց, որ հակազել հնարավոր է միշտ եւ ամեն ինչին, քանի որ չկա մի զենք, որին հնարավոր չէ հակաձդել: «Պարզապես Ադրբեջանը մեծացնում է իր ռազմական կարողությունները: Թե ինչպես կոնկրետ կօգտագործվի այս համակարգը, կախված է տակտիկական եւ ռազմավարական իրավիճակից: Ամեն ինչ կախված է նրանից, թե ինչպես պատերազմը կընթանա»,- հավելեց Խրամչիխինը:

Ընդ որում, նա ընդգծեց, որ մարտավարական-տեխնիկական բնութագրով հայկակակն կողմի մոտ առկա «Իսկանդեր»  հրթիռային համակարգերը թիրախին դիպչելու ավելի բարձր ճշգրտություն ունեն, մինչդեռ  «Պոլոնեզ» ՀԿՌՀ-ն մարտական զրակազմի ավելի զգալի ծավալ ունի, ինչը նրան թույլ է տալիս թիրախի ուղղությամբ ավելի շատ հրթիռներ արձակել: Սա, ըստ փորձագետի, վկայում է ավելի մեծ արտադրողականության մասին:

Ալեքսանդր Խրամչիխինը Լեռնային Ղարաբաղի տարածքում ռազմական գործողությունների վերսկսումը անխուսափելի համարում՝ անկախ ժամկետներից: Պատճառն այն է, որ հակամարտող կողմերի դիրքորոշումները շարունակում են անհամատեղելի լինել, եւ հասկանալ, թե ինչպես կարելի այս հարցը լուծել առանց ռազմական ուժի օգտագործման, չափազանց դժվար է: Այդպես, Ադրբեջանը, ըստ Քաղաքական եւ ռազմական վերլուծության ռուսական ինստիտուտի փոխտնօրենի, շահագրգռված է ռազմական գործողությունների վերսկսմամբ եւ հեշտությամբ կարող է կտրուկ քայլեր ձեռնարկել, քանի որ զգալի գերազանցություն ունի ինչպես մարդկային ուժի, այնպես էլ տեխնիկայի առումով: Որոշ առումներով նկատվում է նաեւ ադրբեջանցիների որակական գերազանցությունը, հատկապես՝ օդային ուժերի մասով, սակայն այդ գործոնը նվազագույնի է հասցվում հայերի բավականին ուժեղ եւ խիտ հակաօդային պաշտպանության համակարգի շնորհիվ:

«Հայաստանը, ըստ երեւույթին, դեռ առավելություն ունի ռազմական պատրաստվածության առումով, եւ, ընդհանուր առմամբ, պաշտպանական դիրքերը որոշակի առավելություններ են ստեղծում իրենց համար: Այսինքն, ավելի հեշտ է պաշտպանվել, քան հարձակվել, թեեւ երբեմն դա անհեռանկարային է թվում: Այս առումով սա առավելություն է Հայաստանի համար: Իսկ թե ինչը եւ ինչպես կընթանա, կրկին կանխատեսել հնարավոր չէ»,- ընդգծեց փորձագետը:

Միեւնույն ժամանակ, նրա կարծիքով, Բաքվի ունեցած զանազան զենքերը կարող են դաժան կատակ խաղալ նրա հետ եւ որոշակի դժվարություններ ստեղծել, քանի որ դա կարող է նաեւ ազդել անձնական կազմի վերապատրաստման որակի վրա, որը հիմնականում ռուսական զենք է օգտագործում, իսկ վերապատրաստվում է Թուրքիայում: Իսկ 2016 թվականի ապրիլյան իրադարձությունները ցույց տվեցին, որ Ադրբեջանի Զինված ուժերի պատրաստվածության մակարդակը դեռեւս բավարար չէ, քանի որ իրենց չհաջողվեց լուրջ արդյունքների հասնել  լարվածության սրման շրջանում: «Սակայն եթե հաշվի առնել պատերազմի անխուսափելիությունը, ապա որքան շուտ այն սկսվի, այնքան ավելի լավ Հայաստանի համար, քանի որ Բաքուն ավելի արագ է ավելացնել իր ուժերը, քան Երեւանը»,- եզրափակեց Ալեքսանդր Խրամչիխինը:

Հիշեցնենք, որ ադրբեջանական ռազմական գերատեսչությունում արդեն հաստատել են, որ ստացել են բեռալուսական «Պոլոնեզ» համակարգեր, ընդ որում չի նշվում դրանք քանակը:

Ավելի վաղ ստացված տեղեկատվության, պայմանագիրը ենթադրում է «Պոլոնեզի» 10 կոմպլետի  մատակարարում, որի մեջ ներառված են հրթիռներ, տրանսպորտ, կառավարման կետ, ռադիոտեղորոշիչ կայաններ եւ այլն): Նաեւ նշվում է, որ համակարգերն արդեն ներառվել են Ադրբեւանի սպառազինությունում:

Բաքվի եւ Մինսկի միջեւ այս գործարքի մասին հայտնի էր դարձել դեռ այս տարվա ապրիլին: «Պոլոնեզ» համակարգը նախատեսված է հակառակորդի ցանկացած խմբային կամ կետային թիրախներին, կենդանի ուժին ու տեխնիկային հարվածելու համար։ Բաքուն «Պոլոնեզ» համակարգեը դիտարկում է որպես պատասխան «Իսկանդերներին», որոնք առկա են Հայաստանի զինված ուժերի զինանոցում: Ռազմական փորձագետների կարծիքով, Ադրբեջանը շեշտը դնում է այնպիսի միջոցների վրա, որոնք թույլ են տալիս խոցել հակառակորդի ռազմավարական խորության վրա գտնվող օբյեկտները, եւ «Պոլոնեզների» գնումը այդ համատեքստումէ  դիտարկվում: