Հարսնացուի մայրը հայտարարել է, որ հայերը չեն սիրում, երբ իրենց երեխաներն ամուսնանում են այլ ազգությունների ներկայացուցիչների հետ։
Հունվարի 9-ին ավստրալիական SBS հեռուստաալիքով կթողարկվի «Ամուսնացիր ինձ հետ, ամուսնացիր իմ ընտանիքի հետ» նոր շոուի առաջին հաղորդաշարը, որում տարբեր ազգությունների, կրոնի և ավանդույթների ներկայացուցիչներ կփորձեն հաղթահարել տարբերությունները և բազմամշակութային ընտանիք ստեղծել։ Առաջին եթերաշրջանում նման փորձություն կանցնեն հայուհի Նենսին և հնդիկ Աշուն։
Նենսին ծնվել է Հայաստանում, բայց մեծացել է Ավստրալիայում, Աշուն ամբողջ կյանքն անցկացրել է Հնդկաստանում։
Երիտասարդներն առաջին անգամ հանդիպել են ԱՄՆ-ում, դրանից հետո նրանց միջև ծագել է ինտերնետային սիրավեպ։ Հեռավորության վրա հարաբերությունների արդյունքը դարձել է Աշուի տեղափոխվելն իր ընտրյալի մոտ՝ Սիդնեյ։
Շոուն դեռ չի հեռարձակվել եթերում, սակայն անոնսից արդեն պարզ է, որ հայ-հնդկական զույգն արդեն հաջող ընտանիք է կազմել. Նենսիի և Աշուի հարսանիքը տեղի է ունեցել հեռուստախցիկների օբյեկտիվների առջև։
«Շոուի հիմնական ուղերձը ոչ թե հակասությունները ցուցադրելն է, այլ այն, թե ինչպես են միավորվում տարբեր մշակույթների մարդիկ», — ասում է Աշուն։
Նենսիի և Աշուի մինչամուսնական հարաբերությունները տևել են մեկ տարի, դրանից հետո նա պատմել է Աշուի մասին իր ընտանիքին։
Աղջիկը իրենց հարաբերությունները երկար գաղտնի պահելը բացատրել է նրանով, որ իմացել է՝ ծնողներին շատ կանհանգստացնի այլազգի փեսա ունենալու միտքը։ Ինչ վերաբերում է Աշուին, նա խոստովանում է, որ հայկական երկիմաստ ակնարկները նորություն են եղել նրա համար, սակայն երիտասարդը հաղթահարել է այդ ամենը։
«Իմ ընտանիքի կողմից ոչ մի առարկություն չի եղել, բայց Նենսիի ընտանիքն այնքան բացասական էր տրամադրված եղել, որովհետև հայերը փորձում են միշտ հայի հետ ամուսնացնել իրենց զավակներին», — պատմել է Աշուն։
Փեսացուի խոսքերը հաստատել է նաև Նենսիի մայրը. նա շոուի հոլովակում հայտարարել է, որ հայերը «չեն սիրում, երբ իրենց երեխաներն ամուսնանում են այլ ազգության ներկայացուցիչների հետ»։
Նենսին հոլովակում ասում է իր ապագա փեսացուին, որ նա «կերել է իր կյանքը»։
Նրա խոսքով՝ երիտասարդն ամեն ինչ արել է, որպեսզի իրեն ընդունեն աղջկա ընտանիքում։ Օրինակ` հավատափոխ է եղել և կնքվել հայկական եկեղեցում։
«Ամուսնության համար հայ փեսացուն և հարսնացուն պետք է կնքված լինեն։ Եվ ես դա արեցի առանց երկմտելու. մենք հավատարիմ ենք ցանկացած մշակույթը հարգելու սկզբունքին», — ասել է նա։
Արդյունքում նորապսակներն ամուսնացել են Սիդնեյի հայկական եկեղեցում։
Կինն՝ ինչպես ավտոմեքենա․ ինչու հարուստները սիրելով չեն ամուսնանում
Իդեալական են. հորոսկոպի 5 ամենաներդաշնակ զույգերը
Ողբերգություն հարսանիքի ժամանակ․ ճանապարհին ավելի քան 20 մարդ է զոհվել
Հարսը նետեց ծաղկեփունջը. մի քանի վայրկյան անց հյուրերը սարսափած գոռգոռում էին. տեսանյութ
Ովքեր են ամենաեջանիկն՝ ամուսնության մեջ․ հետազոտության անսպասելի արդյունքները
1
2
3
4
5
1
2
3
4
5
1
4
